டிகிரி முடிச்சவங்களுக்கு செங்கல்பட்டில் அரசு வேலைவாய்ப்பு! தேர்வு கிடையாது! விண்ணப்பிக்க கடைசி நாள் இதுதான்!
Chengalpattu jobs: "செங்கல்பட்டு மாவட்ட ஆட்சியரகத்தில் மாதம் ₹21,000/- வரை தொகுப்பூதியத்தில் அருமையான அரசு ஒப்பந்த வேலைவாய்ப்பு அறிவிக்கப்பட்டுள்ளது."
செங்கல்பட்டு மாவட்ட குழந்தைகள் பாதுகாப்பு அலகின் கீழ் செயல்பட்டு வரும் மாவட்ட குழந்தைகள் உதவி மையம் மற்றும் இரயில்வே நிலைய குழந்தைகள் உதவி மையம் ஆகியவற்றில் காலியாக உள்ள பணியிடங்களை ஒப்பந்த அடிப்படையில் நிரப்புவதற்கான அதிகாரப்பூர்வ அறிவிப்பு வெளியிடப்பட்டுள்ளது. குழந்தைகள் நலன் மற்றும் பாதுகாப்பை மேம்படுத்தும் நோக்கில், மாவட்ட குழந்தைகள் உதவி மையத்தில் 1 மேற்பார்வையாளர் (Supervisor) பணியிடமும், இரயில்வே நிலைய குழந்தைகள் உதவி மையத்தில் 1 மேற்பார்வையாளர் மற்றும் 1 வழக்குப்பணியாளர் (Case Worker) பணியிடமும் என மொத்தம் 3 காலிப் பணியிடங்கள் தற்காலிக ஒப்பந்த அடிப்படையில் நிரப்பப்பட உள்ளன. இதற்கான தகுதியான நபர்களிடமிருந்து விண்ணப்பங்கள் வரவேற்கப்படுகின்றன.
கல்வித்தகுதி மற்றும் முன்னுரிமை விவரங்கள்
இப்பணிகளுக்கான கல்வித்தகுதியைப் பொறுத்தமட்டில், மேற்பார்வையாளர் பதவிக்கு விண்ணப்பிக்கும் விண்ணப்பதாரர்கள் அங்கீகரிக்கப்பட்ட பல்கலைக்கழகத்தில் சமூகப் பணி (B.A. in Social Work), கணினி அறிவியல் (Computer Sciences), தகவல் தொழில்நுட்பம் (Information Technology), சமூகவியல் (Community Sociology) அல்லது ஏதேனும் ஒரு சமூக அறிவியல் (Social Sciences) பாடப்பிரிவில் இளங்கலை பட்டம் பெற்றிருக்க வேண்டும். இத்துடன் கணினி இயக்குவதில் போதிய திறமையும் (Proficiency in Computers), அவசரகால உதவி எண்களில் (Emergency Helplines) பணிபுரிந்த அனுபவமும் உள்ளவர்களுக்கு முன்னுரிமை வழங்கப்படும். அதேபோல், வழக்குப்பணியாளர் பதவிக்கு விண்ணப்பிப்பவர்கள் அங்கீகரிக்கப்பட்ட கல்வி வாரியத்தில் 12-ஆம் வகுப்பு (12th Passed) அல்லது அதற்கு இணையான படிப்பில் தேர்ச்சி பெற்றிருக்க வேண்டும். இப்பதவிக்குச் சிறந்த தகவல் தொடர்புத் திறன் (Good Communication Skills) மற்றும் அவசரகால உதவி எண்களில் பணிபுரிந்த அனுபவம் உள்ளவர்களுக்கு முன்னுரிமை அளிக்கப்படும்.
வயது வரம்பு மற்றும் மாதாந்திர ஊதியம்
இந்த இரண்டு பதவிகளுக்கும் விண்ணப்பிப்பதற்கான அதிகபட்ச வயது வரம்பு 42 ஆண்டுகள் (Age Limit: 42 Years) ஆகும். தகுதியான மற்றும் அனுபவம் வாய்ந்த நபர்களுக்குத் தனி முன்னுரிமை (Weightage) வழங்கப்படும். இப்பணியிடங்கள் அனைத்தும் ஒப்பந்த அடிப்படையில் நிரப்பப்படுவதால், இதற்கென நிர்ணயிக்கப்பட்ட மாதாந்திர தொகுப்பூதியம் வழங்கப்படும். அதன்படி, மேற்பார்வையாளர் பதவிக்குத் தேர்வு செய்யப்படும் நபர்களுக்கு மாதம் ரூ.21,000/- ஊதியமாகவும், வழக்குப்பணியாளர் பதவிக்குத் தேர்வு செய்யப்படும் நபர்களுக்கு மாதம் ரூ.18,000/- ஊதியமாகவும் வழங்கப்படும்.
விண்ணப்பிக்கும் முறை மற்றும் கடைசி நாள்
இப்பணிகளுக்கு விண்ணப்பிக்க விரும்பும் தகுதியான விண்ணப்பதாரர்கள், அதற்கான விண்ணப்பப் படிவங்களை செங்கல்பட்டு மாவட்டத்தின் அதிகாரப்பூர்வ இணையதளமான http://chengalpattu.nic.in என்ற முகவரியிலிருந்து பதிவிறக்கம் செய்து கொள்ளலாம். பூர்த்தி செய்யப்பட்ட விண்ணப்பங்களுடன் தங்களின் கல்விச் சான்றிதழ்கள், அனுபவச் சான்றிதழ்கள் மற்றும் தேவையான இதர ஆவணங்களின் நகல்களை இணைத்து அனுப்ப வேண்டும். பூர்த்தி செய்யப்பட்ட விண்ணப்பங்கள் அனைத்தும் வரும் 20.07.2026 அன்று மாலை 5.45 மணிக்குள் கீழே குறிப்பிட்டுள்ள அலுவலக முகவரிக்கு வந்து சேர வேண்டும். குறிப்பிட்ட காலக்கெடுவுக்குப் பின் வரும் விண்ணப்பங்கள் எக்காரணம் கொண்டும் பரிசீலிக்கப்பட மாட்டாது.
தொடர்பு கொள்ள வேண்டிய முகவரி மற்றும் தொலைபேசி எண்
பூர்த்தி செய்யப்பட்ட விண்ணப்பங்களை அனுப்ப வேண்டிய முகவரி: மாவட்ட குழந்தைகள் பாதுகாப்பு அலுவலர், மாவட்ட குழந்தைகள் பாதுகாப்பு அலகு, அறை எண்: F0-06, தரைதளம், F- Block, புதிய மாவட்ட ஆட்சியரக வளாகம், செங்கல்பட்டு - 603 111 ஆகும். இந்த வேலைவாய்ப்பு அறிவிப்பு குறித்து கூடுதல் விவரங்களை அறிந்து கொள்ள விரும்புவோர் 63826 13182 என்ற தொலைபேசி எண்ணைத் தொடர்பு கொள்ளலாம்.
தலைப்பு செய்திகள்
ட்ரெண்டிங் செய்திகள்
