![ABP Premium](https://cdn.abplive.com/imagebank/Premium-ad-Icon.png)
Health Insurance Age Limit: இனி 65 வயதானாலும் நோ ப்ராப்ளம் - மருத்துவ காப்பீட்டிற்கான வயது வரம்பை நீக்கிய IRDAI
Health Insurance Age Limit: மருத்துவ காப்பீடு திட்டங்களை பெற இனி எந்த வயதுக் கட்டுப்பாடுகளும் இல்லை என அறிவிக்கப்பட்டுள்ளது.
![Health Insurance Age Limit: இனி 65 வயதானாலும் நோ ப்ராப்ளம் - மருத்துவ காப்பீட்டிற்கான வயது வரம்பை நீக்கிய IRDAI IRDAI removes age limit for purchasing health insurance 65 age Health Insurance Age Limit: இனி 65 வயதானாலும் நோ ப்ராப்ளம் - மருத்துவ காப்பீட்டிற்கான வயது வரம்பை நீக்கிய IRDAI](https://feeds.abplive.com/onecms/images/uploaded-images/2024/04/22/03736e2964bc824da674fe4e20aabd571713767102355732_original.jpg?impolicy=abp_cdn&imwidth=1200&height=675)
Health Insurance Age Limit: இந்திய காப்பீட்டு ஒழுங்குமுறை மற்றும் மேம்பாட்டு ஆணையம் (ஐஆர்டிஏஐ), ஏப்ரல் 1 முதல் மருத்துவ காப்பீட்டு திட்டங்களை வாங்குவதற்கான வயது வரம்பை நீக்கியுள்ளது.
மருத்துவ காப்பீடு திட்டங்களுக்கான வயது வரம்பு நீக்கம்:
முன்னதாக, 65 வயதுக்கு மேற்பட்டவர்கள் புதிய மருத்துவ காப்பீட்டு திட்டங்களை வாங்க முடியாத சூழல் இருந்தது. இந்நிலையில், புதிய மருத்துவ காப்பீடு திட்டங்களை வாங்க, எந்த வயது வரம்பும் இல்லை என இந்திய காப்பீட்டு ஒழுங்குமுறை மற்றும் மேம்பாட்டு ஆணையம் அறிவித்துள்ளது. இந்த நடவடிக்கையானது வயதானவர்களுக்கு நீட்டிக்கப்பட்ட சுகாதார நலன்கள் கிடைக்கப்பெறுவதை நோக்கமாகக் கொண்டுள்ளது.
காப்பீடு வழங்குநர்களுக்கு அறிவுரை:
IRDAI வெளியிட்டுள்ள அறிக்கையின்படி, மருத்துவ காப்பீடு திட்ட வழங்குநர்கள் மூத்த குடிமக்களுக்கான சிறப்புக் கொள்கைகளை உருவாக்கவும், அவர்களின் கோரிக்கைகள் மற்றும் குறைகளை நிவர்த்தி செய்வதற்கான பிரத்யேக சேனல்களை உருவாக்கவும் அறிவுறுத்தப்பட்டுள்ளது. குறிப்பிட்ட வயது தொடர்பான தேவைகளைப் பூர்த்தி செய்யும் வகையில் வடிவமைக்கப்பட்ட தயாரிப்புகளை உருவாக்க நிறுவனங்கள் ஊக்குவிக்கப்படுகின்றன. இந்த நடவடிக்கை ஒருங்கிணைந்த சுகாதார சுற்றுச்சூழல் அமைப்பை வளர்க்கும். இந்த நடவடிக்கை அனைத்து வயதினருக்கும் சுகாதார பாதுகாப்புக்கான அணுகல் மற்றும் மலிவுத்தன்மையை மேம்படுத்தும் என்று விளக்கமளிக்கப்பட்டுள்ளது.
பிரீமியங்கள் அதிகமாக இருக்கலாம்:
இதுதொடர்பாக பேசிய ஆகாஷ் ஹெல்த்கேர் நிறுவனத்தின் எம்.டி., ஆஷிஷ் சவுத்ரி, "மருத்துவ காப்பீடு திட்டத்திற்கான வயது வரம்பு நீக்கம் என்பது ஒரு குறிப்பிடத்தக்க முன்னேற்றம் ஆகும். முன்னதாக, 65 வயதுக்குட்பட்ட தனிநபர்கள் மட்டுமே காப்பீட்டிற்குத் தகுதியுடையவர்கள். மூத்த குடிமக்கள், பெரும்பாலும் சுகாதாரப் பாதுகாப்பு தேவைப்படுபவர்கள், பாதுகாப்பு இல்லாமல் இருந்தனர்.
இப்போது, இந்தக் கட்டுப்பாடு நீக்கப்பட்டதன் மூலம், முதியவர்கள் கூட பணமில்லாமல் காப்பீட்டுப் பலன்களைப் பெற முடியும், இருப்பினும் இந்த மூத்த குடிமக்களுக்கான பிரீமியங்கள் அதிகமாக இருக்கலாம். இந்த மாற்றம் குழந்தைகள், மகப்பேறு வழக்குகள் மற்றும் மூத்த குடிமக்கள் உட்பட மருத்துவக் காப்பீடு தேவைப்படுபவர்களுக்கு பெரிதும் பயனளிக்கும். பலருக்கு ஆரோக்கியமான வாழ்க்கையை உறுதி செய்யும். இது வரவேற்கத்தக்க நடவடிக்கையாகும், பொது நலனுக்காகவும், நமது குடிமக்களின் நீண்ட ஆயுளையும் நல்வாழ்வையும் மேம்படுத்துவதோடு, விரிவான காப்பீட்டுத் திட்டத்தையும் மேம்படுத்துகிறது” என தெரிவித்தார்.
PSRI மருத்துவமனையின் விற்பனை மற்றும் சந்தைப்படுத்தல் தலைவர் ரத்னேஷ் சின்ஹா கூறுகையில், ”இது 65 வயதுக்கு மேற்பட்டவர்களுக்கு உடல்நலக் காப்பீட்டைப் பெறுவதற்கான வழிகளைத் திறக்கிறது. இது சிறந்த சுகாதார அணுகலுக்கு வழிவகுக்கும் மற்றும் வயது வரம்பில் உள்ளவர்களுக்கு மருத்துவ செலவினங்களின் சுமையை குறைக்கும்," என்றார்.
IRDAI என்பது இந்தியாவில் காப்பீடு மற்றும் மறுகாப்பீட்டுத் துறையை நிர்வகிப்பதற்கும் ஒழுங்குபடுத்துவதற்கும் பொறுப்பான ஒரு தன்னாட்சி மற்றும் சட்டப்பூர்வ அமைப்பாகும்.
Check out below Health Tools-
Calculate Your Body Mass Index ( BMI )
தலைப்பு செய்திகள்
ட்ரெண்டிங் செய்திகள்
![ABP Premium](https://cdn.abplive.com/imagebank/metaverse-mid.png)
![வினய் லால்](https://cdn.abplive.com/imagebank/editor.png)