Jockey Review : கிடா சண்டையை மையப்படுத்தி உருவாகியுள்ள ஜாக்கி திரைப்பட விமர்சனம்
Jockey Movie Review : டாக்டர் பிரகபல் இயக்கத்தில் கிடா சண்டையை மையமாக வைத்து உருவாகியுள்ள ஜாக்கி திரைப்படத்தின் விமர்சனத்தைப் பார்க்கலாம்
யுவான் கிருஷ்ணா, ரிதான் கிருஷ்ணாஸ், அம்மு அபிராமி முதன்மை வேடங்களில் நடித்துள்ள 'ஜாக்கி', மதுரையில் நடக்கும் பாரம்பரிய கலாச்சார விளையாட்டான கெடா சண்டையை மையமாக கொண்டுள்ளது.
ஜாக்கி திரைப்பட விமர்சனம்
உசிலம்பட்டியில் நடைபெறும் கிடா சண்டைக்கு நாயகனான ராமர் (யுவன் கிருஷ்ணா) தாமதமாக வந்து சேர்கிறார். அவரது ஆடு காளி, அகந்தை நிறைந்த காப்ரா கார்த்திக்குச் (ரிதான் கிருஷ்ணா) சொந்தமான சாம்பியன் ஆடு அனுகுண்டுவை எதிர்கொள்கிறது. பதினேழு கடும் சுற்றுகளுக்குப் பிறகு, காளி அனுகுண்டுவின் ஒரு கொம்பை உடைக்கிறது. இதனால் ராமருக்கு “மதுரையின் ஜாக்கி” என்ற பட்டம் கிடைக்கிறது. இந்த தோல்வியை கார்த்தி ஏற்றுக்கொள்ளவில்லை. தோல்வியின் அவமானத்தை எதிர்கொள்ள முடியாத கார்த்தி ராமருக்கு எதிராக சூழ்ச்சியில் ஈடுபடுகிறான். ராமரின் குடும்பத்தை மிரட்டுகிறான். எதிர்பாராத விதமாக கார்த்தியின் கிடா அனுகுண்டு இறப்பதற்கு ராமர் காரணமாகிவிட வெட்டு குத்து வரை வளர்கிறது பகை. ராமர் இந்த பிரச்சனையில் இருந்து எப்படி தப்பினான் என்பதே படத்தின் கதை
சினிமா களத்தில் பெரிதும் பேசப்பட்டாத கிடா சண்டையை தத்ரூபமாக திரையில் கொண்டு வந்துள்ள ஜாக்கி திரைப்படம் அதன் கதைக்காகவே நம் கவனத்தை ஈர்க்கிறது. நிஜ கிடா சண்டைகளை படம்பிடிக்க அபாரமான முயற்சியை படக்குழு மேற்கொண்டுள்ளது. லை சவுண்ட் மூலம் இந்த விளையாட்டை மேலும் தத்ரூபமான ஒரு அனுபவமாக மாற்றுகிறது. படத்தில் முக்கிய கதாபாத்திரங்களில் நடித்துள்ள யுவன் கிருஷ்ணா மற்றும் ரிதான் கிருஷ்ணாஸ் இருவரது கதாபாத்திரமும் ஒரே மாதிரி எழுதப்பட்டுள்ளது. மேலும் துணை கதாபாத்திரங்களுக்கு பெரியளவில் படத்தில் ரோல் இல்லை. மதுரையின் வெப்பத்தையும் , மனிதர்களிடையே நிலவும் வன்முறையையும் ஒளிப்பதிவாளர் சிறப்பாக பதிவு செய்துள்ளார்.
மனிதர்களுக்குள் இருக்கும் மானம் , பழியுணர்வு , அன்பு , வன்முறை போன்ற உணர்ச்சிகளை விலங்குகளின் விளையாட்டை வைத்து சுவாரஸ்யமாக புனைந்திருக்கிறார் இயக்குநர். ஆனால் திரைக்கதையிலும் கதாபாத்திர உருவாக்கங்களிலும் நேர்த்தி கூடியிருந்தால் ஜாக்கி மிகச்சிறந்த படைப்பாக உருவாகியிருப்பதற்கான அனைத்து சாத்தியங்களும் உள்ளன
தலைப்பு செய்திகள்
ட்ரெண்டிங் செய்திகள்
