Irfan : அசிங்கமா பண்ணாதீங்க...பணத்திமிரை காட்ட இப்படியா...மீண்டும் சர்ச்சையில் யூடியூபர் இர்ஃபான்

ரம்ஜான் பண்டிகையின் போது பொதுமக்களுக்கு ரம்ஜான் பரிசுகளை வழங்கிய யூடியூபர் இர்ஃபான் மக்களிடம் நடந்துகொண்ட விதம் சர்ச்சையை கிளப்பியுள்ளது

இர்ஃபான்

Source : Twitter

யூடியூபர் இர்ஃபான்

கையேந்தி பவன் முதல் ஃபைவ் ஸ்டார் ஹோட்டல் வரை  உணவுகளை சாப்பிட்டு ரிவியு செய்து யூடியூபில் வீடியோ வெளியிட்டு பிரபலமானவர் இர்ஃபான்.  அரசியல் பிரமுகர்கள் முதல் சினிமா பிரபலங்கள் வரை தனது ஷோவிற்கு விருந்தினராக அழைத்து வீடியோ வெளியிட்டார். பின் தனது வீட்டிலேயே ஹைஃபையான செட் அப் அமைத்து அங்கிருந்தபடியே வீடியோ வெளியிட்டார். இவரது திருமணத்தில் பல்வெறு முக்கிய பிரபலங்கள் கலந்துகொண்டார்கள். புகழின் உச்சத்திற்கு சென்ற இர்ஃபான் அடுத்தடுத்து சர்ச்சைகளிலும் சிக்கி வருகிறார். அந்த வகையில் இர்ஃபான் சமீபத்தில் வெளியிட்ட வீடியோ நெட்டிசன்களிடம் கடும் எதிர்ப்பை சேர்த்து வருகிறது

பணத்திமிரை காட்ட இப்படியா

கடந்த ஜூலை 24 ஆம் தேதி தனியார் மருத்துவமனையில் இர்ஃபானுக்கு பெண் குழந்தை பிறந்தது. இதை அவர்  வீடியோவாக எடுத்து தனது இன்ஸ்டாகிராம் பக்கத்தில் வெளியிட்டார். பிரசவத்தின்போது தனது மனைவியின் தொப்புள் கொடியை இர்ஃபான் வெட்டும் காட்சி இந்த வீடியோவில் இருந்தது பெரும் சர்ச்சையை ஏற்படுத்தியது . தற்போது ரம்ஜான் பண்டிகையை முன்னிட்டு இர்ஃபான் தனது மனைவியுடன் காரில் சென்று பொதுமக்களுக்கு பரிசுகளை வழங்கினார். இர்ஃபான் மற்றும் அவரது மனைவி காரில் அமர்ந்தபடியே சாலையில் செல்வோருக்கு பரிசு வழங்கினார்.

Privileged elite influencers at their worst, profiting off someone's poverty is shameful. If you truly care, help without cameras or exploitative and disgusting gestures!pic.twitter.com/txzvqoN4a8

— Mannu (@meharaazzz) March 31, 2025

அப்போது முண்டியடித்து கூட்டம் கூடையது இர்ஃபான் அவர்களிடம் மரியாதைக் குறைவாக பேசுகிறார். 'அசிங்கமா பண்ணாதீங்க' ' கைய நீட்டாதீங்க என அவர் சொன்னது விமர்சிக்கப்பட்டு வருகிறது. காரில் இருந்து கீழே இறங்காமல் அப்படி என பணக்கார திமிர் என பலர் சமூக வலைதளத்தில் பதிவிட்டு வருகிறார்கள். 

 

இர்ஃபானின் கார் விபத்திற்குள்ளாகி பெண் ஒருவர் இந்த விபத்தில் உயிரிழந்தார். இதனைத் தொடர்ந்து தனக்கு பிறக்கவிருக்கும் குழந்தையின் பாலினத்தை முன்கூட்டியே தெரிந்துகொண்டு அதனை பிரம்மாண்டமாக அறிவித்தார். இது மருத்துவர்களிடம் பெரும் எதிர்ப்பை சந்தித்தது. குழந்தை பிறப்பதற்கு முன்பு அதன் பாலினத்தை தெரிவிக்கக் கூடாது என்பது மருத்துவ விதி. ஆனால் இர்ஃபான் துபாய் சென்று தனது குழந்தை பிறப்பதற்கு முன்பாகவே அதன் பாலினத்தை வெளியிட்டது கடும் விமர்சனத்தை எதிர்கொண்டது. அந்த வகையில் சமீபத்தில் இர்ஃபான் வெளியிட்ட வீடியோ ஒன்ற மீண்டும் சர்ச்சையை ஏற்படுத்தியுள்ளது.