யாஷ் நடிக்கும் டாக்சிக் படத்தின் ரிலீஸ் மீண்டும் ஒத்திவைப்பு!
கேவிஎன் ப்ரோடக்ஷன் தயாரிப்பில் நடிகர் யாஷ் நடித்துள்ள 'டாக்சிக்' படத்தின் ரிலீஸ் இரண்டாவது முறையாக ஒத்திவைக்கப்பட்டுள்ளது
கீது மோகன் தாஸ் இயக்கத்தில் கேஜிஎஃப் புகழ் யாஷ் நடித்துள்ள பான் இந்திய திரைப்படம் டாக்சிக். இப்படத்தில் கியாரா அத்வானி , நயன்தாரா , ருக்மினி வசந்த் , தாரா சுதாரியா , ஹூமா குரேஷி ஆகிய நடிகைகள் நடித்துள்ளனர் . ஜனநாயகன் திரைப்படத்தை தயாரித்த கேவிஎன் ப்ரோடக்ஷன்ஸ் இந்த படத்தை தயாரித்துள்ளது. முன்னதாக மார்ச் 19 ஆம் தேதி இப்படம் திரையரங்குகளில் வெளியாகும் என அறிவிக்கப்பட்டு பின் படத்தின் ரிலீஸ் ஜூன் 4 ஆம் தேதிக்கு ஒத்திவைக்கப்பட்டது. தற்போது இரண்டாவது முறையாக டாக்சிக் படத்தின் ரிலீஸ் தேதி ஒத்திவைக்கப்பட்டுள்ளது. இந்த தகவலை நடிகர் யாஷ் தனது சமூக வலைதள பக்கத்தில் பகிர்ந்துள்ளார்.
டாக்சிக் படத்தின் ரிலீஸ் தேதி ஒத்திவைப்பு
நடிகர் யாஷ் வெளியிட்டுள்ள அறிக்கையில் 'சில படங்களை நாம் உருவாக்குகிறோம். இன்னும் சில படங்கள் நாம் ஏன் சினிமா காதல் கொண்டோம் என்பதை நமக்கு நினைவூட்டுகின்றன . 'டாக்ஸிக்' அத்தகைய ஒரு பயணமாகவே அமைந்தது. சர்வதேச சினிமா கான் மாநாட்டில் எங்கள் படத்தை வெளியிட்டதும், உலகளவில் கிடைத்த அமோகமான வரவேற்பைக் கண்டதும், நாங்கள் எப்போதும் நம்பிய ஒரு விஷயத்தை மீண்டும் உறுதிப்படுத்தியது - அதாவது, இந்தப் படம் உலகளவில் அதன் முழுமையான ஆற்றலை அடையத் தகுதியானது. 'டாக்ஸிக்' படம் தயாராகிவிட்டது, நாங்கள் தற்போது உலகளாவிய விநியோகம் மற்றும் கூட்டாண்மைகளை ஒருங்கிணைத்து வருகிறோம். இதன் காரணமாக, எங்கள் வெளியீட்டு கால அட்டவணையை மறுசீரமைக்க முடிவு செய்துள்ளோம். முன்னதாக அறிவித்தபடி ஜூன் 4 அன்று படம் வெளியாகாது என்றாலும், பின்னர் உலகளவில் ஒருங்கிணைக்கப்பட்ட ஒரு தேதியில் வெளியிடப்படும். 'டாக்ஸிக்' விரைவில் உலகெங்கிலும் உள்ள திரையரங்குகளுக்கு வரும். இந்திய சினிமா தனது குரலைக் கண்டறிந்து, மிகுந்த நம்பிக்கையுடன் உலக அரங்கில் அடியெடுத்து வைக்கும் இந்த நேரத்தில், தரத்தை உயர்த்துவது நம் ஒவ்வொருவரின் பொறுப்பாகும்.
ஒரு நடிகர் - தயாரிப்பாளராக, இந்தியத் திரைப்படத் துறைக்கும், நம் அனைவருக்கும் எனது பங்களிப்பைச் செய்வதற்கான ஒரு வாய்ப்பாக இந்தத் தருணத்தை நான் பார்க்கிறேன். நமது படம் உலகை அது ஏற்படுத்த வேண்டிய தாக்கத்துடன் சென்றடைவதை உறுதிசெய்ய நேரம் ஒதுக்குவதன் மூலம் இதைச் செய்ய வேண்டும். ஒவ்வொரு அடியிலும், ஒவ்வொரு மாற்றத்திலும் உங்கள் ஆதரவு என்னுடன் நிலைத்திருக்கிறது, அதை நான் ஆழ்ந்த நன்றியுணர்வுடன் போற்றுகிறேன். சில கதைகளுக்குப் பொறுமை தேவை. சில பயணங்களுக்கு அது அவசியமாகிறது. நீங்கள் ரசித்துக் கொண்டாடக்கூடிய ஒரு திரைப்படத்தை உங்களுக்கு வழங்குவோம் என உறுதியளிக்கிறோம் - இந்தியத் திரையுலகிற்கு ஒரு பெருமைக்குரிய தருணமாகத் திகழும் ஒரு திரைப்படம்." என தெரிவித்துள்ளார்.
— Yash (@TheNameIsYash) April 29, 2026
Before You Go
Parthiban Apology | ”நான் சாதி பார்க்குறவனா? வாய் தவறி பேசிட்டேன்” பார்த்திபன் அந்தர்பல்டி
தலைப்பு செய்திகள்
ட்ரெண்டிங் செய்திகள்
