ரைட்டர் இயக்குநரின் அடுத்த படத்தை தயாரிக்கும் ‛மாஸ்டர்’ தயாரிப்பாளர்!

ரைட்டர் படத்தின் இயக்குநருடைய அடுத்த படம் குறித்த அதிகாரப்பூர்வ அறிவிப்பு வெளியாகியுள்ளது.

ரைட்டர் இயக்குநரின் அடுத்த பட அறிவிப்பு

இயக்குநர் பா. இரஞ்சித்திடம் உதவி இயக்குநராக பணியாற்றியவர் ப்ராங்க்ளின் ஜேக்கப். பா. இரஞ்சித்தின் நீலம் புரொடக்‌ஷன்ஸ் தயாரிப்பில் தனது முதல் படமான ரைட்டர் படத்தை இயக்கினார். 

இப்படத்தில் சமுத்திரக்கனி, ஹரி, இனியா உள்ளிட்டோர் நடித்திருந்தனர். கடந்த 24ஆம் தேதி திரையரங்குகளில் வெளியான இப்படம் ரசிகர்களிடம் அமோக வரவேற்பை பெற்றது.

காவல் துறையின் கோர முகத்தை சமூகத்திற்கு காட்டும் விதமாக தமிழ் சினிமாவில் சமீபகாலமாக அதிகளவு படங்கள் வெளிவர தொடங்கியிருக்கின்றன.  ஆனால் ரைட்டர் படம் இதற்கு முன்னர் வந்த படங்களைவிட வித்தியாசமாக இருப்பதாக ரசிகர்கள் கூறிவருகின்றனர். 

அதுமட்டுமின்றி ப்ராங்க்ளின் ஜேக்கப்பிற்கு இது முதல் படம்போல் தெரியவில்லை; கதையையும், திரைக்கதையையும் அபாரமாக அமைத்து முதல் படத்திலேயே பெரும் கவனத்தை ஈர்த்துவிட்டார் என திரைத்துறையினரும் பாராட்டிவருகின்றனர்.

இந்நிலையில் ப்ராங்க்ளினின் அடுத்தப் படம் குறித்தான அதிகாரப்பூர்வ அறிவிப்பு வெளியாகியுள்ளது. 

 

After @officialneelam's #Writer,
We are extremely happy to sign the most talented director @frankjacobbbb for our next 😊😊 @beemji @valentino_suren @proyuvraaj pic.twitter.com/ZauOhKuKPe

— Seven Screen Studio (@7screenstudio) December 29, 2021

அதன்படி, லோகேஷ் கனகராஜ் இயக்கத்தில் விஜய் நடித்த மாஸ்டர் படத்தின் இணை தயாரிப்பாளர் லலித்குமார் தயாரிப்பில் ஃப்ராங்க்ளின் அடுத்த படத்தை இயக்க இருக்கிறார். படத்தில் நடிப்பவர்கள் குறித்த அறிவிப்பு விரைவில் வெளியாகும் என எதிர்பார்க்கப்படுகிறது.

இயக்குநர் பா. இரஞ்சித், ஃப்ராங்க்ளின் ஜேக்கப், லலித்குமார் உள்ளிட்டோர் இருக்கும் புகைப்படத்தை இரஞ்சித்தும்,  லலித்குமாரும் தங்களது ட்விட்டர் பக்கத்தி பகிர்ந்துள்ளனர். லலித்குமார் தயாரிப்பி கோப்ரா, மகான் ஆகிய படங்கள் விரைவில் திரைக்கு வரவிருக்கின்றன.

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்

ABP நாடு செய்திகளை சமூக வலைத்தள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர

யூட்யூபில் வீடியோக்களை காண  

மேலும் வாசிக்க: RedInk Awards2021 | சாத்தான்குளம் விவகாரத்தை சல்லடை போட்டு வெளிப்படுத்திய பத்திரிகையாளர் பிரபாகருக்கு Red Ink விருது!