லீக்கான விக்ரம் படத்தின் ஒன்லைன் கதை இதுதான்! அதிர்ச்சியில் படக்குழு?

பெரிய நடிகர்களின் நடிப்பில் மிகவும் எதிர்பார்க்கப்பட்ட பீஸ்ட், வலிமை வரிசையில் அடுத்து கமல் நடிப்பில் உருவாகும் விக்ரம் திரைப்படம் பற்றி ரசிகர்களிடையே பெரிய எதிர்பார்ப்பு உள்ளது.

விக்ரம்

பெரிய நடிகர்களின் நடிப்பில் மிகவும் எதிர்பார்க்கப்பட்ட பீஸ்ட், வலிமை வரிசையில் அடுத்து கமல் நடிப்பில் உருவாகும் விக்ரம் திரைப்படம் பற்றி ரசிகர்களிடையே பெரிய எதிர்பார்ப்பு உள்ளது. இதற்கிடையே படத்தின் கதை தற்போது லீக்காகி உள்ளது. 'விக்ரம்' படத்தில் நடிக்கும் மூன்று பெரிய நடிகர்களும் உண்மையில் ஒரே மாதிரியான கேரக்டர்களில் நடிக்கிறார்கள் என்று கோலிவுட் வட்டாரத்தில் கூறப்படுகிறது. தகவல்களின்படி, விஜய் சேதுபதி சிறையில் இருக்கும் ஒரு பயங்கரமான தாதா என்றும், ஃபஹத் பாசில் விஜய் சேதுபதியை விடுவிப்பதற்காகவென்றே ஒரு குற்றம் செய்து கைதியாகி சிறைக்குச் செல்கிறார் என்றும் கூறப்படுகிறது. மேலும் கமல் ஓய்வு பெற்ற போலீஸ் அதிகாரியாக நடிக்கிறார். பின்னர் ஒரு கைதியாக வேடமிட்டு  சிறைக்கு சென்று ஃபஹத் விஜய் சேதுபதியை மீட்பதைத் தடுக்க சிறைக்குச் செல்கிறார். இந்த ஆடு புலி ஆட்டம்தான் கதை எனக் கூறப்படுகிறது.

 

 

 

 

 

View this post on Instagram

 

 

 

 

 

 

 

 

 

 

 

A post shared by Lokesh Kanagaraj (@lokesh.kanagaraj)

 

கமல்ஹாசன் நடிப்பில் வரும் ஜூன் மாதம் 3 ஆம் தேதி வெளியாக இருக்கும் திரைப்படம்  ‘விக்ரம்’. இயக்குநர் லோகேஷ் கனகராஜ் இயக்கத்தில், அனிருத் இசையில் உருவாகியிருக்கும் இந்தப்படத்தின் டீஸர், மேக்கிங் வீடியோக்கள் சமூக வலைதளங்களில் வெளியாகி ரசிகர்கள் மத்தியில் நல்ல வரவேற்பை பெற்றது. இதன் தமிழக வெளியீட்டு உரிமையை முதல்வரின் மகனும், சட்டமன்ற உறுப்பினருமான உதயநிதி ஸ்டாலினுக்கு சொந்தமான ரெட் ஜெயிண்ட் மூவிஸ் கைப்பற்றியிருக்கிறது.

இந்த நிலையில், விக்ரம் படத்தின் ப்ரோமோஷனை பிரம்மாண்டமாக செய்ய படக்குழு திட்டமிட்டு இருக்கிறது.அதே போல படத்தின் இசை வெளியீட்டு விழாவை ஐக்கிய அரபு அமீரகத்தில் அனிருத் உள்ளிட்ட பல நட்சத்திரங்கள் முன்னிலையில் வருகிற மே முதல் வாரத்தில் நடத்த திட்டமிட்டு இருக்கிறார்களாம். நிகழ்ச்சிக்கான தேதி விரைவில் அறிவிக்கப்பட இருக்கிறது. இந்தப்படத்தில் கமலுடன் நடிகர்கள் விஜய் சேதுபதி, ஃபகத் ஃபாசில் உள்ளிட்டோர் நடித்துள்ளது குறிப்பிடத்தக்கது.

அதன் படி முதற்கட்டமாக, இந்தியாவில் முக்கியப் பாதைகளில் செல்லும் ரயில்களில் விக்ரம் படத்தின் போஸ்டர்கள் வரையபட்டுள்ளன.