விஜய் மக்களை ஆச்சரியப்படுத்துவார்...முதல்வரை சந்தித்தது குறித்து நடிகை சமந்தா
விஜயை நம்பி வாக்களித்த மக்களை அவர் நிச்சயம் ஆச்சரியப்படுத்துவார் என முதல்வருடனான சந்திப்பிற்கு பின் நடிகை சமந்தா தனது இன்ஸ்டாகிராம் பக்கத்தில் பதிவிட்டுள்ளார்
தமிழக முதல்வர் விஜயை நடிகை சமந்தா இன்று சந்தித்தார். விஜயை சந்தித்தது குறித்து சமந்தா தனது இன்ஸ்டாகிராமில் பதிவிட்டுள்ளார். ஒரு நடிகரைத் தாண்டி விஜய் பெரிய உயரத்திற்கு செல்வார் என தான் எப்போது நம்பியதாக சமந்தா தனது பதிவில் குறிப்பிட்டுள்ளார்
தமிழக முதல்வராக விஜய் பொறுப்பேற்றதில் இருந்து சினிமாத் துறையைச் சேர்ந்த பல பிரபலங்கள் அவரை தினமும் சந்தித்து வருகிறார்கள். அந்த வகையில் இன்று நடிகை சமந்தா முதல்வர் விஜயை இன்று சந்தித்தார். விஜயுடன் கத்தி , தெறி , மெர்சல் ஆகிய படங்களில் சமந்தா இணைந்து நடித்துள்ளார். விஜயை சந்தித்தது குறித்து சமந்தாவின் இன்ஸ்டாகிராம் பதிவு தற்போது ரசிகர்களிடையே வைரலாகி வருகிறது
விஜயை சந்தித்தது குறித்து சமந்தா
முதல்வர் விஜயை சந்தித்தப் பின் சமந்தா தனது இன்ஸ்டாகிராம் பக்கத்தில் விஜயுடன் எடுத்துக்கொண்ட புகைப்படத்தை பதிவிட்டுள்ளார் . இந்த பதிவில் அவர் " இன்று நான் சென்னைக்கு வந்து சேர்ந்ததும் , எனக்குள் ஒரு பெரும் மகிழ்ச்சி ஏற்பட்டது ஏனெனில், நான் நமது முதலமைச்சரைச் சந்திக்கச் சென்றுகொண்டிருந்தேன்.
விஜய் சார் வெறும் திரையில் தோன்றும் ஒரு கதாநாயகனாக மட்டுமே இருக்கப் பிறந்தவர் அல்ல என்று நான் எப்போதும் உணர்ந்திருக்கிறேன். அவரது ஆற்றல், ஆளுமை மற்றும் மக்கள் அவரிடம் காட்டும் ஈடுபாடு ஆகியவற்றைப் பார்க்கும்போது, அவர் ஏதோ ஒரு பெரிய நோக்கத்திற்காகவே படைக்கப்பட்டவர் என்று எனக்குத் தோன்றியது.
முற்றிலும் புதியதொரு களத்தில் அடியெடுத்து வைப்பதற்குத் தேவைப்படும் துணிச்சலே என்னை மிகவும் ஈர்க்கிறது. ஏற்கனவே தேர்ச்சி பெற்ற ஒரு துறையை விட்டுவிட்டு, மிக உயர்ந்த சவால்கள் நிறைந்த ஒரு புதிய பாதையைத் தேர்ந்தெடுப்பது சாதாரணமானதல்ல. அது எளிதானது என்பதற்காக அல்ல, மாறாக ஒரு மாற்றத்தை உருவாக்க முடியும் என்ற நம்பிக்கையாலேயே அத்தகைய முடிவை எடுக்கிறோம்.
நமது வாழ்வின் ஏதோ ஒரு கட்டத்தில், நம்மைத் தாண்டிச் சிந்தித்து, சமூகத்திற்கு நாம் எவ்வாறு பங்களிக்க முடியும் என்று யோசிப்பதன் மூலம், இன்னும் பெரிய காரியங்களைச் செய்வதற்கான அழைப்பு நம் அனைவருக்கும் விடுக்கப்படுகிறது என்று நான் கருதுகிறேன். ஆனால், மிகச் சிலரே அந்த அழைப்பை ஏற்றுச் செயல்படுகிறார்கள். விஜய் சார், அவர் மீது ஏற்கனவே நம்பிக்கை வைத்திருப்பவர்களையும் ஆச்சரியப்படுத்தும் வகையில் செயல்படுவார் என்று எனக்குத் தோன்றுகிறது. அவர் வகிக்கும் பதவியின் காரணமாக அல்ல, மாறாக அவர் அந்தப் பணியை அணுகும் நேர்மையான நோக்கத்தின் காரணமாகவே இது நிகழும்.
அவருக்கு வலிமையும், ஞானமும், தனது பாதையில் உறுதியாகத் தொடர்வதற்கான துணிச்சலும் கிடைக்கட்டும் என்று வாழ்த்துகிறேன்.
இதைப் பார்க்கும் ஒவ்வொரு இளைஞருக்கும் ஒரு செய்தி: நீங்கள் தொடங்கிய கனவை விட, வாழ்க்கை மிகப்பரியதாக அமையக்கூடும் என்பதை இது உங்களுக்கு நினைவூட்டுவதாக இருக்கட்டும்." என சமந்தா பதிவிட்டுள்ளார்.
தலைப்பு செய்திகள்
ட்ரெண்டிங் செய்திகள்
