Vijay Sethupathi Birthday: “உங்களின் தூய மனசாட்சி பலரையும் வென்றெடுக்கும்” - விஜய்சேதுபதிக்கு விக்னேஷ் சிவன் வாழ்த்து

மிகச் சிறந்த மனிதனாகவும், திறமையான நடிகனாகவும் இருக்கும் அரிதான பெருமை உங்களைச் சேரும் - விக்னேஷ் சிவன்

விஜய் சேதுபதி, விக்னேஷ் சிவன்

மக்கள் செல்வன் விஜயசேதுபதி பிறந்தநாளை முன்னிட்டு அவருக்கு, திரைப்பட இயக்குனர் விக்னேஷ் சிவன்  வாழ்த்து தெரிவித்துள்ளார்.   

இதுகுறித்து, தனது இன்ஸ்டாகிராம் பக்கத்தில் வெளியிட்ட வாழ்த்துச் செய்தியில் கூறியிருப்பதாவது: 

மிகச் சிறந்த மனிதனாகவும், திறமையான நடிகனாகவும் இருக்கும் அரிதான பெருமை உங்களைச் சேரும் . நான் எடுக்கும் ஒவ்வொரு காட்சியிலும் என்னை ஊக்கப்படுத்தும் வகையில் உங்கள் செயல்பாடு இருந்தது! மனதளவில் உங்களைக் கவர வேண்டும் என்ற தூண்டுகோல் எனது எழுத்தை செழுமையாக்கியது! உங்கள் ஆற்றல்  என்னை ஊக்குவிக்கிறது! திரையிலும், திரைக்கு வெளியிலும் உங்களுடன் பயணித்து மேலும் சில அற்புதமான தருணங்களை உருவாக்க விரும்புகிறேன் 

 

 

 

 

 

 

View this post on Instagram

 

 

 

 

 

 

 

 

 

 

 

A post shared by Vignesh Shivan (@wikkiofficial)

உங்கள் மீது அன்பும் மரியாதையும்!!

அன்பை பரப்பிக்கொண்டே இருங்கள். பிறருக்கு உதவி செய்து கொண்டே இருங்கள்.. உங்களின் தூய மனசாட்சியும், தெளிந்த நோக்கமும் பலரையும் வென்றெடுக்கும்!" என்று தெரிவித்துள்ளார்.  

விஜய் சேதுபதி: 

தமிழ் சினிமாவில் எந்தவொரு பரிந்துரைகளும் இல்லாமல், தனி ஒருவனாக களம் கண்டவர் நடிகர் விஜய் சேதுபதி. வசீகரிக்கும் கண்கள் , பளீச் சிரிப்பு , நம்மில் ஒருவர் போன்ற தோற்றம் கொண்ட விஜய் சேதுபதி அலப்பறை இல்லாத மாஸ் நடிகர். தொடர் முயற்சியும் , அந்த துறையின் மீது ஈடுபாடும் ஆர்வமும் இருந்தால் போதும் , தன் நிலை என்றோ ஒரு நாள் உயரும் என்பதற்கு முன் உதாரணம் விஜய் சேதுபதி. ஜூனியர் ஆர்டிஸ்டாக இருந்து இன்று இந்தியாவின் தவிர்க்க முடியாத நடிகர்களுள் ஒருவராக உருவெடுத்திருக்கிறார்.  

இயக்குனர் விக்னேஷ் சிவன் திரைவாழ்கையில்,2015ல் வெளிவந்த 'நானும் ரௌடி தான்' என்ற திரைப்படம் மிகப்பெரிய திருப்புமுனையாக அமைந்தது. விஜய் சேதுபதி மற்றும் நயன்தாரா ஆகியோர் இத்திரைப்படத்தின் முக்கிய கதாப்பாத்திரங்களாக நடித்துள்ளனர். தன்னுடைய வன்டர்பார் பிலிம்ஸ் மூலம் நடிகர் தனுஷ் இத்திரைப்படத்தினை தயாரித்திருந்தார்.