Vijay Deverakonda: ‘புஷ்பா’ இயக்குநர் சுகுமாருடன் இணைவது எப்போது? - விஜய்தேவரகொண்டா கொடுத்த அதிரடி அப்டேட்!
புஷ்பா படத்தை இயக்கிய சுகுமார் இயக்கத்தில் நடிக்கப் போவது எப்போது என்பதற்கு நடிகர் விஜய்தேவரகொண்டா பதிலளித்துள்ளார்.
புஷ்பா படத்தை இயக்கிய சுகுமார் இயக்கத்தில் நடிக்கப் போவது எப்போது என்பதற்கு நடிகர் விஜய்தேவரகொண்டா பதிலளித்துள்ளார்.
நடிகர் விஜய்தேவரகொண்டாவும், புஷ்பா படம் மூலம் பிரபலமான இயக்குநர் சுகுமாரும் இணைய இருப்பதாக கடந்த 2020 ஆம் ஆண்டும் அறிவிப்பு வெளியானது. ஆனால் அதன்பின்னர் அந்தப்படம் தொடர்பான அந்த அப்டேட்டும் வெளியாக வில்லை. இந்த நிலையில் இந்தப்படம் குறித்தான அப்டேட்டை பிங்க் வில்லா இணையதளத்திற்கு விஜய் தெரிவித்து இருக்கிறார்.
View this post on Instagram
அதில் அவர் பேசும் போது, “ புஷ்பா 2 படத்தை சுகுமார் முடித்தவுடன், இந்தப்படத்தை தொடங்க இருப்பதாக கூறி இருக்கிறார். விஜய் தேவரகொண்டா தற்போது லைகர் படத்தில் நடித்து முடித்து, படத்தை பிரோமோட் செய்வதில் படுபிஸியாக இருக்கிறார். பிரபல இயக்குநர் பூரி ஜெகன்நாத் இயக்கி இருக்கும் இந்தப்படத்தில் அவருக்கு ஜோடியாக நடிகை அனன்யா பாண்டே நடித்து இருக்கிறார். இந்தப்படம் வருகிற 25 ஆம் தேதி வெளியாக உள்ளது.
View this post on Instagram
தெலுங்கில் கடந்த 2011 ஆம் ஆண்டு வெளியான ‘நுவ்விலா ’ படத்தில் நடித்ததின் மூலம் அறிமுகமானவர் நடிகர் விஜய்தேவரகொண்டா. அதன் பின்னர் சில படங்களில் நடித்த விஜய் தேவர கொண்டா, அர்ஜூன் ரெட்டி படத்தில் நடித்தார். இந்தப்படம் தெலுங்கில் மட்டுமல்லாது, தமிழ், மலையாளம் உள்ளிட்ட மொழிகளிலும் அவருக்கு ரசிகர்களை பெற்றுத்தந்தது.
தொடர்ந்து கீதா கோவிந்தம், நோட்டா, டாக்ஸி வாலா, டியர் காம்ரேடு, வேர்ல்டு ஃபேமஸ் லவ்வர் உள்ளிட்ட பல படங்களில் நடித்து பிரபலமானார். லைகர் படத்தை எடுத்த பூரி ஜெகன்நாத்துடன் விஜய் தேவரகொண்டா மீண்டும் இணைய இருப்பது குறிப்பிடத்தக்கது.
View this post on Instagram
பூரி ஜெகன்நாத் தான் முன்பே எழுதி வைத்த ‘ஜனகனமண’ கதையை விஜய் தேவரகொண்டாவிடம் சொல்ல அந்தக்கதை அவருக்கு மிகவும் பிடித்துவிட்டதால், அதில் நடிக்க ஒத்துக்கொண்டுள்ளார். தேசபற்றை மையமாக உருவாக இருக்கும் இந்தப்படத்தின் கதையை பூரி ஜெகன்நாத் முன்னதாக பிரபல நடிகர் மகேஷ் பாபுவிடம் சொன்னார். ஆனால் அது படமாக வில்லை. இந்த நிலையில்தான் தற்போது விஜய் தேவகொண்டாவிடம் ஓகே வாங்கியிருக்கிறார் பூரி. இந்தப்படத்தில் ஜான்வி கபூர் கதாநாயகியாக நடிக்க இருப்பதாக சொல்லப்படுகிறது.
தலைப்பு செய்திகள்
ட்ரெண்டிங் செய்திகள்
