Hukum Song: விஜய், அஜித்துக்கு பதிலடியா? .. பரபரப்பை கிளப்பும் ஜெயிலர் பாடல் வரிகள்.. ரசிகர்களிடையே கருத்து மோதல்..

ஜெயிலர் படத்தில் இருந்து ஹூக்கும் பாடல் வரிகள் விஜய், அஜித் ரசிகர்களிடையே மிகப்பெரிய அதிர்ச்சியை ஏற்படுத்தியுள்ளதாக சமூக வலைத்தளத்தில் பதிவுகள் வெளியாகி வருகின்றது. 

விஜய் - ரஜினிகாந்த் - அஜித்குமார்

ஜெயிலர் படத்தில் இருந்து ஹூக்கும் பாடல் வரிகள் விஜய், அஜித் ரசிகர்களிடையே மிகப்பெரிய அதிர்ச்சியை ஏற்படுத்தியுள்ளதாக சமூக வலைத்தளத்தில் பதிவுகள் வெளியாகி வருகின்றது. 

ஜெயிலர் படம்

சன் பிக்சர்ஸ் தயாரிப்பில் நெல்சன் திலீப்குமார் இயக்கத்தில் நடிகர் ரஜினிகாந்த் நடித்துள்ள படம் “ஜெயிலர்”. இந்த படத்தில் தமன்னா, ரம்யா கிருஷ்ணன், சிவராஜ்குமார், ஜாக்கி ஷெராஃப், மோகன்லால், சுனில், வசந்த் ரவி, விநாயகன் என முன்னணி நட்சத்திரங்கள் பலரும் நடித்துள்ளனர். அனிருத் இசையமைத்துள்ள இப்படம் வரும் ஆகஸ்ட் 10 ஆம் தேதி திரைக்கு வரும் என அறிவிக்கப்பட்டுள்ளது. 

கடந்தாண்டு ஆகஸ்ட் மாதம் தொடங்கிய படப்பிடிப்பு ஜூன் இறுதியில் முடிவுக்கு வந்தது. இந்த படத்தில் ரஜினி ‘முத்துவேல் பாண்டியன்’ என்ற கேரக்டரில் நடிக்கிறார். இதன் அறிமுகம் ரஜினியின் பிறந்தநாளான டிசம்பர் 12 ஆம் தேதி வெளியானது.
இதனிடையே ரிலீசுக்கு இன்னும் 2 வாரங்களே உள்ளது. இதனால் படத்தின் அப்டேட்டுகள் அடுத்தடுத்து வரவுள்ளது. கடந்த ஜூலை 6 ஆம் தேதி “காவாலா” பாடல் வெளியானது.பாடலாசிரியரும், இயக்குநருமான அருண்ராஜா காமராஜ் எழுதிய இந்த பாடலை ஷில்பா ராவ் பாடியிருந்தார். இப்பாடல் எதிர்பார்த்ததை விட மிகப்பெரிய அளவில் வரவேற்பை பெற்றது. 

ஹூக்கும் பாடல்

இதனிடையே  ஜெயிலர் படத்தில் இருந்து இரண்டாவது பாடலாக ‘ஹூக்கும்’  இன்று வெளியாகியுள்ளது.  சூப்பர் சுப்பு எழுதியுள்ள இந்த பாடலை அனிருத் பாடியுள்ளார். இந்த பாடலின் தொடக்கத்தில் ரஜினியின் வாய்ஸில் பன்ச் வசனங்கள் இடம் பெற்றுள்ளது. மேலும் தியேட்டர் தெறிக்கும் அளவுக்கு பாடலின் வரிகள் எழுதப்பட்டுள்ளது. நாடி நரம்பில் இரத்தம் போல ஊறிப்போன ரஜினி ரசிகராக இருக்கும் நபர் அவரின் வளர்ச்சியை அழகாக வர்ணிக்கும்படியான வரிகள் அமைக்கப்பட்டுள்ள நிலையில், இந்த பாடல் சில கேள்விகளையும் எழுப்பியுள்ளது. 

En Bro #AjithKumar ( @SureshChandraa ) Ini Vaaiya Thorakka Mattiya ?? https://t.co/VAdEYfK5wR pic.twitter.com/Ri4CvCJv4b

— ✰VᎥjสy✰ᴸᵉᵒツ (@iTz_Vijay_45) July 17, 2023

விஜய் - அஜித் விமர்சிக்கப்பட்டனரா?

இந்த பாடலில், “உன் அலும்ப பார்த்தவன்.. உங்க அப்பன் விசில கேட்டவன்.. உன் மவனும், பேரனும் ஆட்டம் போட வைப்பவன்.. பேர தூக்க நாலும் பேரு.. அத்தனை பட்டத்த பறிக்க நூறு பேரு.. குட்டி செவுத்த எட்டி பார்த்தா உசிரு கொடுக்க கோடி பேரு” என எழுதப்பட்டுள்ளது. ஏற்கனவே அடுத்த சூப்பர் ஸ்டார் விஜய் தான் கோலிவுட் வட்டாரத்தில் பலரும், ரசிகர்களும்  கூறி வருகின்றனர். இதில் வரும் பட்டத்த பறிக்க நூறு பேரு வரி விஜய்யை விமர்சித்து எழுதப்பட்டுள்ளதாக பலரும் சமூக வலைத்தளத்தில் பதிவிட்டு வருகின்றனர். தல முதல் அடி வரை தலைவரு அலப்பறை..! என்னும் வரியில் அஜித்தை விமர்சித்துள்ளதாக ஒரு பக்கம் கமெண்டுகள் பறக்கின்றது. எது எப்படியோ ஆக மொத்தம் ரஜினி ரசிகர்களுக்கு இந்த பாடல் டபுள் ட்ரீட் ஆக அமைந்துள்ளது.