Uzhaikkum kaigal: ‛என்னடா இது எம்.ஜி.ஆர்.,க்கு வந்த சோதனை...’ மீண்டும் ஒரு எம்.ஜி.ஆர்... படம் பேரு உழைக்கும் கைகள்!

எம்.ஜி.ஆர் ரசிகர்களுக்கு ட்ரீட் வைக்கும் வகையில், ஒரு படம் ஒன்று உருவாகி வருகிறது.

உழைக்கும் கரங்கள்

பிரபல நடிகராகவும், தமிழகத்தின் முதல்வராகவும் இருந்து மறைந்தவர் எம்.ஜி.ஆர். தமிழ் சினிமாவின் சூப்பர் ஸ்டாராக வலம் வந்த எம்.ஜி.ஆருக்கு தமிழகம் மட்டுமல்லாமல் உலகமெங்கும் வெறித்தனமான ரசிகர்கள் உண்டு. இன்றும் கூட அவருடைய பிறந்த நாள் தமிழகத்தின் மூலை முடக்குகளில் அமோகமாக கொண்டாடப்பட்டுதான் வருகிறது. எம்.ஜி.ஆர்., போன்றே தோற்றத்துடன், அவ்வப்போது யாராவது ஒரு நடிகர் அறிமுகமாவார். அதன் பின் அவர் என்ன ஆனார்... எங்கே போனார் என்பதெல்லாம் தெரியாது. ஆனால், அவர்களைப் போன்றோர் வந்து கொண்டே இருந்தனர்.. இருக்கின்றனர். அந்த வகையில் இது புதுவரவு. 

எம்.ஜி.ஆர்., ரசிகர்களுக்காக எடுக்கப்பட்டுள்ளதாம் இந்த படம். என்னப் படம் என்று கேட்கிறீர்களா.. அந்தப் படத்தின் பெயர் ‘உழைக்கும் கைகள்’ குமருகுருபரன் வழங்க கே எம்பையர் மூவிஸ் இந்தப் படத்தை தயாரித்துள்ளது. எம்.ஜி.ஆரின் தீவிர ரசிகரான நாமக்கல் எம்.ஜி.ஆர் இந்தப்படத்தில் நடித்ததோடு படத்தை இயக்கியும் இருக்கிறார். அவருக்கு ஜோடியாக கிரண்மை நடித்துள்ளார். சங்கர் கணேஷ் இசையமைக்கும் இந்தப் படத்தில், ஜாக்குவார் தங்கம், போண்டாமணி உள்ளிட்ட பல நட்சத்திரங்கள் நடித்துள்ளனர். 

சிறு வயதில் இருந்தே எம்.ஜி.ஆரின் தீவிர ரசிகராக இருந்த நாமக்கல் எம்.ஜி.ஆர் தானும் எம்.ஜி.ஆரை போல இருக்க வேண்டும் என்பதற்காக தனது 19 வயதில் தனது முகத்தை பிளாஸ்டிக் சர்ஜரி செய்து மாற்றிக்கொண்டார். 50 நாடுகளுக்கும் மேல், தமிழர்களை சந்தித்து கலை நிகழ்ச்சிகளை நடத்தி இருக்கிறார். இந்தப்படம் குறித்து அவர் பேசும் போது, “ நான் கலை நிகழ்ச்சிகளை நடத்த நிறைய நாடுகளுக்கு போவேன். என்னை பார்க்கும் மக்களெல்லாம் அப்படியெ எம்.ஜி.ஆரை உரிச்சு வைச்சது போலே இருக்கேன் சொல்லுவாங்க. அவங்க என்ன படங்கள நடிக்கணும்ணு விருப்பட்டாங்கஅது இப்ப நிஜமாகியிருக்கு. இந்தப் படத்தில விவசாயி கேரக்டர்ல வரேன். படத்துல எல்லா அம்சங்களும் இருக்குற மாறி திரைக்கதை அமைச்சுக்கோம். புரட்சித் தலைவர் நினைவு நாளான டிசம்பர் 24 ஆம் தேதி படம் திரைக்கு வர படம் அதிரடி சரவெடியாக உருவாகி வருகிறது” என்று கூறியுள்ளார். 

 

மேலும் படிக்க..

ABP நாடு செய்திகளை சமூக வலைத்தள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர

யூட்யூபில் வீடியோக்களை காண  

சமீபத்திய லைப்ஸ்டைல் செய்திகளையும், ட்ரெண்டிங் செய்திகளையும், அறிய Abpnadu-இல் லைப்ஸ்டைல் செய்திகளைத் (Tamil Lifestyle News) தொடரவும்.

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்