Ethirneechal: சிக்கிய கதிர்.. கெளதமின் மாஸ்டர் பிளான் - எதிர்நீச்சலில் நடந்த ட்விஸ்ட் 

Ethirneechal Oct 27 : கதிருக்கு காத்திருந்த அதிர்ச்சி. கெளதம் போட்ட மாஸ்டர் பிளானில் சிக்கிய கதிர். எதிர்நீச்சல் நேற்றைய எபிசோடில் நடந்த ட்விஸ்ட்...

எதிர்நீச்சல் அக்டோபர் 27 எபிசோட்

சன் டிவியில் ஒளிபரப்பாகும் எதிர்நீச்சல் (Ethirneechal) தொடரின் நேற்றைய (அக்டோபர் 27) எபிசோடில் கதிர் வழியில் போகும் பைக், ஆட்டோவை எல்லாம் நிறுத்தி லிப்ட் கேட்கிறார். ஆனால் யாரும் அவனுக்கு லிப்ட் கொடுக்கவில்லை. ஒரு வழியாக ஒரு பைக்கில் ஏறி வந்து பூங்குழலி சொன்ன இடத்துக்கு வந்து இறங்குகிறான். பூங்குழலி காரில் காத்து கொண்டு இருக்கிறாள். இருவரும் காருக்குளே உட்கார்ந்து ஒருவருக்கொருவர் பார்த்து ரொமான்ஸ் செய்கிறார்கள். 

 

ஜான்சி ராணியை மிரட்டும் அப்பத்தா:

அப்பத்தா வீட்டுக்கு அனைவரும் வந்து சேர்கிறார்கள். ஜான்சி ராணி அப்பத்தாவின் வீட்டை மலைப்பாக பார்த்து கொண்டு இருக்கிறாள். அப்பத்தா இவர்கள் வருவதை பார்த்ததும் சந்தோஷமாக வரவேற்கிறார். ஜான்சி ராணி அப்பத்தாவிடம் நக்கலாக பேச அப்பத்தா சரியான பதிலடி கொடுக்கிறார்.

அப்பத்தா தன்னுடன் படிச்சா பல வி.ஐ.பிகள் வர போவதாக சொல்ல ஜான்சி ராணி "இன்னும் அந்த டிக்கெட்டுங்க எல்லாம் உயிரோடவா இருக்கு?" என அநாகரீகமாக பேச " நீ சாராயம் காசுன கேஸ்ல உன்னை அர்ரெஸ்ட் பண்ண இன்ஸ்பெக்டரோட நம்பர் கூட இருக்கு. ஒரு போன் பண்ணா வந்து அலேக்கா தூக்கிட்டு போயிடுவாங்க" என சொல்ல ஜான்சி ராணி மிரண்டு போகிறாள். அவள் பயத்தில் முழிப்பதை பார்த்த அனைவரும் சிரிக்கிறார்கள். கோபித்து கொண்டு ஜான்சி ராணி அலறி அடித்து கொண்டு உள்ளே ஓடி விடுகிறாள்.   

 

தர்ஷன் ஈஸ்வரிக்கு போன் செய்து குணசேகரன் வீட்டுக்கு வந்து விட்டதை  பற்றி சொல்கிறான். "வந்ததும் அவருடைய வேலையை ஆரம்பித்து விட்டார். தர்ஷினி தான் இனிமேல் சமைக்க வேண்டும் என சொல்லிவிட்டார். ஐஸ்வர்யாவையும், தாராவையும் ஹெல்ப் பண்ண சொல்லிட்டார். ரொம்ப தப்பு தப்பா பேசுறார். எல்லாத்தையும் பொறுத்து தான் போய்கிட்டு இருக்கோம்" என சொல்கிறான். "நாங்கள் அங்கே வரவில்லை. அங்கேயும் வந்து அவமான படணுமா " என தர்ஷினி சொல்கிறாள். ஈஸ்வரி அனைவரையும் சமாதானம் செய்து "இங்கே வந்துவிடுங்கள். பேசி சரி செய்து கொள்ளலாம்" என்கிறாள். 

 

"குணசேகரன் தன்னுடைய வேலையை ஆரம்பித்து விட்டான். நீயா நானா என ஒரு முடிவை பார்த்துவிடலாம் என வருவான்" என அப்பத்தா சொல்கிறார். 

கதிரும் பூங்குழலியும் பேசிக்கொண்டே காரில் போகிறார்கள். நந்தினியை பற்றி மோசமாக பேசுகிறான் கதிர். பூங்குழலி ஆதிரை கல்யாணம் பற்றி பேசியதும் டென்ஷனாகிறான் கதிர். பூங்குழலி நான் ஒரு பாதுகாப்பான இடத்தை சொல்றேன் அங்கு போகலாம் என அழைத்து செல்கிறாள். அங்கே அவர்கள் இருவரும் ரொமான்ஸ் செய்யும் போது கெளதம் சில ஆட்களுடன் வீட்டுக்குள் வருகிறான். அவர்களை பார்த்ததும் கதிர் அதிர்ச்சி அடைகிறான். அத்துடன் நேற்றைய எதிர்நீச்சல் (Ethirneechal) எபிசோட் முடிவுக்கு வந்தது.