Ethirneechal: தர்ஷினி செயலைப் பார்த்து கோபமான கடத்தல்காரன்: மகளைத் தேடி படையெடுத்த பெண்கள்: எதிர்நீச்சலில் இன்று

Ethirneechal: துருப்பு சீட்டு மூலம் தகவல் சொல்ல நினைக்கும் தர்ஷினி அடியாளிடம் மாட்டிக்கொள்கிறாள். சக்தியை ஆதிரையிடம் விட்டுவிட்டு தர்ஷினியை தேட கிளம்பும் பெண்கள். இன்றைய எதிர்நீச்சலில்..

எதிர்நீச்சல் ஜனவரி 31 ப்ரோமோ

சன் டிவியில் ஒளிபரப்பாகும் எதிர்நீச்சல் (Ethirneechal) தொடரின் நேற்றைய (ஜனவரி 30) எபிசோடில் சக்தி கண் திறந்து தர்ஷினியை காப்பாத்திடலாம் என மயக்கத்திலேயே புலம்புகிறான். அவளுக்கு ஜனனி ஆறுதல் சொல்கிறாள்.

ரேணுகாவுக்கு ஐஸ்வர்யா போன் செய்து தர்ஷினியை பற்றி விசாரிக்கிறாள். "தர்ஷினி இன்னும் கிடைக்கவில்லை, தேடிக் கொண்டு தான் இருக்கிறோம்" என ரேணுகா சொல்கிறாள். ஐஸ்வர்யா போன் பேசுவதைப் பார்த்த ஞானம், “யாரிடம் பேசிகிட்டு இருக்க” எனக் கேட்டு போனை வாங்கி ரேணுகாவிடம் பாசமாக பேசுகிறான். “ஏதாவது உதவி வேண்டுமா?” எனக் கேட்கிறான்.

ஆனால் ரேணுகா, ஞானம் பேசிய எதையுமே நம்பவில்லை. நாங்கள் அந்த வீட்டில் இருக்கும் வரை எங்களின் அருமை புரியவில்லை. “வீட்டை விட்டு வந்த பிறகுதான் புரிகிறதா?” என அழுது கொண்டே திட்டிவிட்டு போனை வைத்து விடுகிறாள்.

 

ஈஸ்வரி மற்றவர்களை வீட்டுக்குப் போக சொல்கிறாள். சக்தியை பார்த்துக்கொள்ள சொல்லி ஜனனியிடம் சொல்கிறாள். “நான் போய் தர்ஷினியை தேடிக் கண்டுபிடித்துக் கொள்கிறேன். எனக்கு குற்ற உணர்ச்சியாக இருக்கிறது” என சொல்கிறாள் ஈஸ்வரி. “இதுவரைக்கும் எல்லாரும் சேர்ந்து தான் தர்ஷினியை தேடினோம். இனியும் தர்ஷினியை ஒன்றாக சேர்ந்தே தேடுவோம். வீட்டுக்கு போகும்போது தர்ஷினியுடன் தான் போக வேண்டும். எங்களுக்கும் அவள் குழந்தை தான். சக்தியை பார்த்து கொள்வதற்காக ஆதிரையை வர சொல்லி இருக்கிறேன்” என ஜனனி சொல்கிறாள்.

 

 

குணசேகரனை பார்க்க ராமசாமியும் கிருஷ்ணசாமியும் வருகிறார்கள். ஜீவானந்தத்தை தேட ஆள் அனுப்பியது பற்றியும், தங்களால் ஆன அனைத்து உதவிகளையும் நிச்சயம் செய்வோம் என நம்பிக்கை கொடுத்துவிட்டு செல்கிறார்கள். குணசேகரன் சந்தேகம் முழுவதும் ஜீவானந்தம் மீது தான் இருக்கிறது. அத்துடன் நேற்றைய எபிசோட் முடிவுக்கு வந்தது.

அதன் தொடர்ச்சியாக இன்றைய (ஜனவரி 31) எதிர்நீச்சல் எபிசோட் ப்ரோமோ வெளியாகியுள்ளது.

சக்தியை பார்த்துக் கொள்வதற்காக ஆதிரை ஹாஸ்பிடலுக்கு வந்து விடுகிறாள். ஈஸ்வரி ஜனனியிடம் "நீ சக்தியை இங்க இருந்து பார்த்துக்கோ" என சொல்ல "இப்போ ஜனனி என் கூட இருக்குறத விட உங்களோட இருக்குறது தான் எனக்கு ஆறுதல்" என சக்தி சொல்கிறான்.

 

மறுபக்கம் தர்ஷினி தன்னுடைய ஸ்கூல் பேக்கில் இருந்து நோட்டை எடுத்து ஏதோ எழுதுகிறாள். அதை அடியாள் ஒருவன் பார்த்து விடுகிறான். "ஏய் என்ன எழுகிட்டு இருக்க?" எனக் கேட்க, எதுவும் இல்லை என சொல்லி அந்த பேப்பரை ஜன்னல் வழியாக எறிந்து விடுகிறாள் தர்ஷினி.

 

ஈஸ்வரி காரை ஓட்ட நால்வரும் தர்ஷினியை தேடக் கிளம்பிவிட்டார்கள். "சூழ்நிலை ஒருத்தர ஸ்ட்ராங்கா மாத்தும்னு சொல்லுவாங்க. இப்போ தர்ஷினிக்காக நாம எல்லாரும் மாறி இருக்கோம்" என சொல்கிறாள் ஜனனி. இதுதான் இன்றைய எதிர்நீச்சல் எபிசோடுக்கான ஹிண்ட்.