Neeya Naana: ‛பாட்டாவே பாடிட்டீங்களா...’ இந்த வாரம் அடித்துக் காட்ட தயாராகும் நீயா நானா!

இந்த வாரம் நீயா நானா நிகழ்ச்சியில் விவாதிக்கப்பட உள்ள டாபிக் பாடல்கள் - இளம் பெண்கள் அணி ஒரு புறம், பாடல்கள் - முந்தைய தலைமுறை பெண்கள் மறு புறம். இந்த வாரம் நீயா நானா நிகழ்ச்சி ஆஹா ஓஹோ தான்

நீயா நானா இந்த வார புரோமோ

 

விஜய் டிவியின் டாப் டாக் ஷோ நீயா நானா நிகழ்ச்சிக்கு மக்கள் மத்தியில் என்றுமே வரவேற்பு இருக்கும். ஆனால் சமீப காலமாக இந்த நிகழ்ச்சிக்கு வரவேற்பு இரட்டிப்பாக அதிகரித்துள்ளது அதிலும் குறிப்பாக ஒரு எபிசோட் முதல் அதன் மீது இருக்கும் ஆர்வம் மேலும் தூண்டப்பட்டுள்ளது. ஆமாம்  உங்கள் யூகம் சரி தான். திடீர் ஹீரோவான சீனிராஜா எபிசோட் தான் அது. கணவனை விட அதிகமாக சம்பாதிக்கும் மனைவிமார்கள் மற்றும் அவர்களின் கணவர்கள் கலந்து கொண்ட எபிசோட். இந்த ஒரு எபிசோட் மூலம் சமூக வலைத்தளங்களில் ட்ரெண்டிங் ஆனார்கள் சீனி ராஜா, அவரது மனைவி மற்றும் மகள். 

 

இந்த வாரத்திற்கான நீயா நானா புரோமோ என்ன?

அந்த எபிசோடை தொடர்ந்து ஒவ்வொரு வாரமும் நீயா நானா நிகழ்ச்சியில் அடுத்து வரப்போகும் டாபிக் குறித்து ரசிகர்கள் மத்தியில் ஆர்வம் அதிகரித்தது. அந்த வகையில் இந்த வாரத்திற்கான நீயா நானா புரோமோ தற்போது வெளியாகியுள்ளது. இந்த வாரம் நீயா நானா நிகழ்ச்சி ஆஹா ஓஹோ தான். பாடல்கள் தான் இந்த வாரம் விவாதிக்கப்பட உள்ள டாபிக். பாடல்கள் - இளம் பெண்கள் அணி ஒரு புறம் பாடல்கள் - முந்தைய தலைமுறை பெண்கள் மறு புறம். இது தான் இந்த வாரம் நீயா நானா நிகழ்ச்சியின் தலைப்பு.

பாடல்கள் என்றாலே அது இனிமை தான். அது அந்த காலம் என்றால் என்ன இந்த காலம் என்றால் என்ன? ஆனால் அங்கு இளைய தலைமுறை பெண்கள் எங்கள் தலைமுறை பாடல்கள் தான் சிறந்தது என ஒருபுறமும் முந்தைய தலைமுறை பெண்கள் எங்கள் தலைமுறை பாடல்கள் தான் சிறந்தது என்றும் விவாதிக்கிறார்கள். 

 

அஹ்ஹா.. அற்புதம்.. 👌

நீயா நானா - வரும் ஞாயிறு மதியம் 12:30 மணிக்கு நம்ம விஜய் டிவில.. #NeeyaNaana #VijayTelevision pic.twitter.com/89OpYWKL9y

— Vijay Television (@vijaytelevision) September 30, 2022

 

அடடே பிரமாதம் :

நம்ம கோபிநாத் சும்மா இருப்பாரா சொல்லுங்க. இரண்டு அணிகளின் வாயையும் கிளறுவது தானே அவருடைய வேலை. தற்போது வெளியாகியுள்ள புரோமோவில் இரண்டு அணிகளையும் அவர்களின் காலத்தில் பிரபலமான பாடலின் ஹம்மிங்கை பாட வைத்து என்ஜாய் செய்துள்ளார். இது அவருக்கு மட்டும் அல்ல பார்வையாளர்களான நம் காதுகளுக்கும் இனிமையாக இருந்தது. முந்தைய தலைமுறை பெண்களின் ஹம்மிங்கும் அடேங்கப்பா... இன்றைய இளம் பெண்களுக்கு சமமாக நாங்கள் ஒன்றும் குறைந்தவர்கள் இல்லை என போட்டி போட்டு கொண்டு அடுத்தடுத்து ஹம்மிங் செய்தது அருமை.   

கேட்டு கொண்டே இருக்கலாம் போல இருக்கும் இந்த புரோமோவே இப்படி இருந்தால் முழு எபிசோடும் எப்படி இருக்கும் என்ற ஆர்வம் இப்போதே நம் ரசிகர்களுக்கு அதிகரித்து விட்டது. வரும் அக்டோபர் 2ம் தேதி, ஞாயிறு மதியம் 12:30 மணிக்கு நீயா நானா நிகழ்ச்சி மிகவும் ரம்மியமாக ஒளிபரப்பாக போகிறது. மிஸ் பண்ணாதீங்க !!! மறக்காம பாருங்க !!!