Sevvanthi Divya : போருக்கு பின் அமைதி.. செவ்வந்தி திவ்யாவுக்கு வளைகாப்பு.. வாழ்த்துகளை குவிக்கும் ரசிகர்கள்..
அர்ணவ் ஜாமீனில் வெளிவந்துள்ள நிலையில், மன அழுத்தத்தில் இருந்து வந்த திவ்யா தனது அம்மா - அப்பா குறித்து பகிர்ந்த பதிவு அவரது ஃபாலோயர்களின் கவனத்தை ஈர்த்து ஆறுதல்களைக் குவித்தது.
தங்களது குடும்ப சர்ச்சை காரணமாக கடந்த மாதம் சின்னத்திரை வட்டாரத்தில் பரபரப்பை ஏற்படுத்தியவர்கள் அர்ணவ் - திவ்யா தம்பதி.
சன் டிவியில் ஒளிபரப்பாகி வரும் 'செவ்வந்தி சீரியல்' நடிகை திவ்யாவும் விஜய் தொலைக்காட்சியின் ’செல்லம்மா’ சீரியல் நடிகர் அர்ணவும் முன்னதாகக் காதலித்து திருமணம் செய்துகொண்ட நிலையில், இருவருக்குள்ளும் கருத்து வேறுபாடு முற்றி வெடித்தது.
இருவரும் மாறி மாறி ஒருவர் மீது ஒருவர் புகார் அளித்து வந்த நிலையில், தான் கருவுற்றிருக்கும் சூழலில் அர்ணவ் தன்னை அடித்ததாகவும், வேறு ஒரு சீரியல் நடிகையுடன் அர்ணவ் நெருங்கிப் பழகுவதாகவும், அவருக்காக தான் மதம் மாறியதாகவும் திவ்யா காவல் நிலையத்தில் புகார் அளித்திருந்தார்.
அவரைத் தொடர்ந்து திவ்யா கருக்கலைப்பு செய்யும் நோக்கில் இவ்வாறான குற்றச்சாட்டுகளை முன்வைப்பதாக அர்ணவ் அவர் மீது புகார் தெரிவித்திருந்தார்.
இந்நிலையில், பூந்தமல்லி அடுத்த நேமம் பகுதியில் படப்பிடிப்பு தளத்தில் கலந்து கொண்ட அர்ணவ்வை அக்.14ஆம் தேதி காவல் துறையினர் கைது செய்தனர்.
முன்னதாக சிறையிலிருந்து அர்னவ் ஜாமீனில் வெளிவந்துள்ள நிலையில், மன அழுத்தத்தில் இருந்து வந்த திவ்யா தனது அம்மா - அப்பா குறித்து பகிர்ந்த பதிவு அவரது ஃபாலோயர்களின் கவனத்தை ஈர்த்து ஆறுதல்களைக் குவித்தது.
இந்நிலையில், கருவுற்றிருக்கும் திவ்யாவுக்கு அவரது பெற்றோரும் பூவிலங்கு மோகன், நடிகை ஸ்ரீரஞ்சனி உள்ளிட்டோரும் இணைந்து மாலை அணிவித்து சீமந்தம் செய்யும் வகையில் வீடியோ ஒன்று திவ்யாவின் இன்ஸ்டா பக்கத்தில் பகிரப்பட்டுள்ளது.
View this post on Instagram
மன அழுத்தத்தில் இருக்கும் திவ்யாவுக்கு முன்னதாக அவரது வீட்டார், சக நடிகர், நடிகைகள் இணைந்து சீமந்தும் நடத்திய வீடியோ அவரது ரசிகர்களை மகிழ்ச்சியில் ஆழ்த்தியுள்ளது.
தலைப்பு செய்திகள்
ட்ரெண்டிங் செய்திகள்
