Suriya 44 : சூர்யா படத்தில் எவர்கிரீன் நடிகை சிறப்பு தோற்றம்...சூர்யா 44 அப்டேட்
கார்த்தி சுப்பராஜ் இயக்கத்தில் சூர்யா நடித்து வரும் சூர்யா 44 படத்தில் நடிகை ஸ்ரேயா சரண் சிறப்பு தோற்றத்தில் நடித்துள்ளதாக தகவல் வெளியாகியுள்ளது
சூர்யா 44
ஒரு பக்கம் கங்குவா ரிலீஸூக்காக காத்திருக்கும் சூர்யா அடுத்தபடியாக கார்த்திக் சுப்பராஜ் இயக்கத்தில் நடித்து வருகிறார். சூர்யாவின் 44 -வது படமாக உருவாகும் இப்படத்தில் ஜெயராம் , ஜோஜூ ஜார்ஜ் , பூஜா ஹெக்டே , கருணாகரன் உள்ளிட்டவர்கள் நடிக்கிறார்கள். சந்தோஷ் நாராயணன் இப்படத்திற்கு இசையமைக்கிறார். கடந்த சில மாதங்கள் முன்பு இப்படத்தின் படப்பிடிப்பு தொடங்கியது. முதல் கட்டமாக மாலத்தீவில் நடைபெற்ற படப்பிடிப்பு பின் அடுத்தகட்டமாக நீலகிரியில் நடந்து வருகிறது.
தொடர் பிரச்னைகளை சந்திக்கு சூர்யா படப்பிடிப்பு
சூர்யா 44 படம் தொடங்கியது முதல் படக்குழு பல்வேறு சவால்களை சந்தித்து வருகிறது. சமீபத்தில் படப்பிடிப்புன் போது நடிகர் சூர்யா தலையில் காயம் ஏற்பட்டது. உடனே மருத்துவமனையில் அனுமதிக்கப்பட்ட சூர்யா ஒரு சில நாட்கள் சிகிச்சைக்குப் பின் படப்பிடிப்பிற்கு திரும்பினார். இதனைத் தொடர்ந்து அனுமதியின்றி வெளிநாட்டைச் சேர்ந்தவர்களை படத்தில் நடிக்க வைத்தது குறித்து படக்குழுவினர் மீது புகாரளிக்கப்பட்டது. பின் காவல்துறை விசாரணைக்குப் பின் மீண்டும் தற்போது படப்பிடிப்பு துவங்கியுள்ளது.
சிறப்பு தோற்றத்தில் ஸ்ரேயா சரண்
அடுத்தடுத்த சவால்களை எதிர்கொண்ட பின் தற்போது இப்படம் குறித்த மற்றொரு அப்டேட் வெளியாகியுள்ளது . முந்தைய தகவல்களைப் போல் இல்லாமல் இத்தகவல் ரசிகர்களுக்கு உற்சாகம் அளிக்கும் வகையில் அமைந்துள்ளது. சூர்யா 44 படத்தின் ஒரு பாடலுக்கு நடிகை ஸ்ரேயா சரண் சிறப்பு தோற்றத்தில் நடித்துள்ளதாக தற்போது தகவல் வெளியாகியுள்ளது. இந்தப் பாடலுக்கு ஷெரிஃப் மாஸ்டர் நடனம் கற்பித்துள்ளார்.
ஸ்ரேயா சரண்
கடந்த 2018ஆம் ஆண்டு ரஷ்ய டென்னிஸ் வீரர் ஆண்டரே கோஸ்சீவை மணந்த ஸ்ரேயாவுக்கு சென்ற 2021ஆம் ஆண்டு ராதா எனும் பெண் குழந்தை பிறந்தது. தற்போது 41 வயதை எட்டியிருக்கும் ஸ்ரேயா தனது குடும்ப வாழ்க்கையில் பிஸியாக இருந்து வருகிறார். மேலும் சமூக வலைதளத்திலும் அவ்வப்போது தனது குடும்பத்துடன் புகைப்படங்களை பகிர்ந்து வருகிறார்.
#Suriya44 - #ShriyaSaran Has done a Special song in the film under Sheriff master chreo..🔥🤩 #Suriya - Shriya - SaNa Music..⭐ Gonna be a Blast..💥 A #KarthikSubbaraj Sambavam..✌️
— Laxmi Kanth (@iammoviebuff007) August 28, 2024
ரசிகர்களால் அதிகம் கொண்டாடப்பட்ட ஸ்ரேயா சரண் யாரும் எதிர்பார்த்ததை விட மிக விரைவில் சினிமா வாழ்க்கையில் இருந்து விலகிக் கொண்டார். அவரை இன்னும் நிறைய படங்களில் எதிர்பார்த்த ரசிகர்கள் ஏமாற்றத்திற்குள்ளானார்கள். தற்போது நீண்ட நாட்களுக்குப் பிறகு அவர் தமிழ் சினிமாவின் முன்னணி நடிகருடன் இடம்பெறும் தகவல் ரசிகர்களை உற்சாகப்படுத்தியுள்ளது
தலைப்பு செய்திகள்
ட்ரெண்டிங் செய்திகள்
