மீண்டும் கலக்க வருகிறான் ப்ளாக் ஸ்பைடர் மேன்; வெளியானது ‘ஸ்பைடர் மேன் அக்ராஸ் த ஸ்பைடர் வெர்ஸ்’ ட்ரெய்லர்!
ஸ்பைடர் மேன் படங்களின் வழக்கமான மையக்கதாப்பாத்திரம் பீட்டர் பார்க்கருக்கு பதில் மைல்ஸ் எனும் சிறுவனை மையப்படுத்தி அமைந்திருக்கும் இப்படம் கறுப்பினத்தவரை மையப்படுத்தி வந்த முதல் ஸ்பைடர் மேன் ஆகும்.
மார்வல் ரசிகர்களை உற்சாகப்படுத்தும் வகையில் ஸ்பைடர் மேன் அக்ராஸ் த ஸ்பைடர் வெர்ஸ் படத்தின் ட்ரெய்லர் வெளியாகி உள்ளது.
ஸ்பைடர் மேன் கதை வெவ்வேறு காலக்கட்டத்தில் வெவ்வேறு நடிகர்கள் நடிப்பில் வெளியாகி பெரும் வரவேற்பை பெற்றாலும், கடந்த 2018 ஆம் ஆண்டு வெளிவந்த அனிமேஷன் படமான ’ஸ்பைடர் மேன் இன் டூ த ஸ்பைடர் வெர்ஸ்’ படம் ஏகோபித்த வரவேற்பை பெற்றது.
ஸ்பைடர் மேன் காமிக்ஸின் உண்மைத்தன்மையை மிக நெருக்கமாகக் காட்சிப்படுத்திய இப்படம், அந்த ஆண்டுக்கான சிறந்த அனிமேஷன் படத்துக்கான ஆஸ்கர் விருதை தட்டித்தூக்கியது.
வழக்கமாக ஸ்பைடர் மேன் படங்களின் மையக்கதாப்பாத்திரமாக வலம் வரும் பீட்டர் பார்க்கருக்கு பதிலாக ’மைல்ஸ் மொரேல்ஸ்’ எனும் சிறுவனை மையப்படுத்தி அமைந்திருக்கும் இப்படம், கறுப்பினத்தவரை மையப்படுத்தி வந்த முதல் ஸ்பைடர் மேன் படமாகும்.
கறுப்பினத்தைச் சேர்ந்த குழந்தைகளுக்கு சிறந்த முன்னுதாரணமாக இந்தக் கதாபாத்திரம் அமைந்துள்ளதாக மார்வல் உலகின் பிதாமகரான ஸ்டான் லீயின் பாராட்டையும் இந்தப் படம் பெற்றது.
’மல்ட்டி வெர்ஸ்’ கான்செப்ட்டுக்கு மார்வல் உலகின் அனைத்துப் படங்களுக்கும் முன்னோடியாக விளங்கும் இப்படத்தின் இரண்டாம் பாகமான ’ஸ்பைடர் மேன் அக்ராஸ் த ஸ்பைடர் வெர்ஸ்’ ட்ரெய்லர் நேற்று (டிச.13) வெளியாகி பெரும் வரவேற்பை பெற்றுள்ளது.
View this post on Instagram
கெம்ப் பவர்ஸ், ஜஸ்டின் தாம்ப்சன் உள்ளிட்ட 3 இயக்குநர்கள் இணைந்து இயக்கியுள்ள இப்படம் 2023, ஜூன் 2ஆம் தேதி வெளியாகும் என அறிவிக்கப்பட்டுள்ளது
தலைப்பு செய்திகள்
ட்ரெண்டிங் செய்திகள்
