Soodhu Kavvum 2 : மிரட்டும் மோஷன் போஸ்டர்.. ரசிகர்களை கவர்ந்த ‘சூது கவ்வும் 2’ .. இணையத்தில் வைரல்..

நடிகர் மிர்ச்சி சிவா நடிப்பில் உருவாகவுள்ள உள்ளதாக அறிவிக்கப்பட்ட “சூது கவ்வும்” படத்தின் மோஷன் போஸ்டர் வெளியாகி ரசிகர்களை கவர்ந்துள்ளது. 

சூது கவ்வும். image source : twitter

நடிகர் மிர்ச்சி சிவா நடிப்பில் உருவாகவுள்ள உள்ளதாக அறிவிக்கப்பட்ட “சூது கவ்வும்” படத்தின் மோஷன் போஸ்டர் வெளியாகி ரசிகர்களை கவர்ந்துள்ளது. 

ரசிகர்களை கவர்ந்த சூதுகவ்வும்

கடந்த 2013 ஆம் அண்டு  நலன் குமாரசாமி இயக்கி விஜய் சேதுபதி நடிப்பில் சூது  கவ்வும் திரைப்படம் வெளியானது.இந்த படத்தில் சஞ்சிதா ஷெட்டி,ரமேஷ் திலக்,அஷோக் செல்வன்,பாபி சிம்ஹா,கருணாகரன், எம்.எஸ்.பாஸ்கர் ஆகியவர்கள் நடித்திருந்தார்கள்.இந்தப் படம் ரசிகர்களிடையில் பெரும் வரவேற்பைப் பெற்றது. வித்தியாசமான கதையமைப்பை கொண்ட இப்படம் நடிகர் விஜய் சேதுபதி கேரியரில் மிக முக்கியமான படமாக அமைந்தது. சந்தோஷ் நாயாரணன் இப்படத்திற்கு இசையமைத்திருந்தார். 

தற்போது இந்த படத்தின் இரண்டாம் பாகம் தயாராகிக் கொண்டிருக்கிறது.’ சூது கவ்வும் : நாடும்  நாட்டு மக்களும்’ என இந்த படத்திற்கு பெயரிட்டுள்ளனர். சி.வி குமார் தயாரிப்பில் உருவாகும் இரண்டாம் பாகத்தை இயக்குனர் எஸ்.ஜே.அர்ஜுன் இயக்குகிறார். ஹீரோவாக இப்படத்தில் மிர்ச்சி சிவா நடிக்கிறார். மேலும் ரமேஷ்,திலக் கருணாகரன் ஆகியோர் முக்கிய கேரக்டரில் நடிக்கிறார்கள். இந்த படத்திற்கு  கார்த்திக்.கே தில்லை ஒளிப்பதிவு செய்கிறார். இக்னேசியஸ் அஸ்வின் படத்தொகுப்பு பணிகளை மேற்கொள்கிறார். அதேசமயம் முந்தைய பாகத்தில் முக்கிய கதாபாத்திரத்தில் நடித்த விஜய் சேதுபதி இந்த படத்தில் கெளரவ தோற்றத்தில் நடிக்க இருக்கிறார் என தகவல் வெளியாகியுள்ளது.

திருப்பம் தந்த நாளைய இயக்குநர்

கலைஞர் டிவியில் ஒளிபரப்பான நாளைய இயக்குநர் மூலம் இளைஞர்கள் மத்தியில் பரவலான கவனத்தைப் பெற்றார் நலன் குமாரசாமி. இன்று தமிழ் சினிமாவில் பிரபமான கலைஞர்களாக இருக்கும் பாபி சிம்ஹா,விஜய் சேதுபதி என  அனைவரும் நாளைய இயக்குநர் குறும்பட நிகழ்ச்சி வழியாக தமிழ் சினிமாவிற்கு அறிமுகமானவர்கள் தான்.

சூது கவ்வும் படத்தின் வெற்றியைத் தொடர்ந்து மறுபடியும் விஜய் சேதுபதி மற்றும் மடோனா செபாஸ்டியன் ஆகியவர்களுடன் காதலும் கடந்து போகும் திரைப்படத்தை இயக்கினார் நலன்.இந்தப் படம் ரசிகர்களின் மத்தியில் நலன் குமாரசாமிக்கு தமிழ் சினிமாவில்  ஒரு தனித்துவமான இடத்தைப் பெற்று தந்தது.

இரண்டாம் பாகம்

சூது கவ்வும் திரைப்படத்தின் இரண்டாம்  பாகம் பற்றிய தகவல் வெளியானதில் இருந்து அதை யார் இயக்கப் போகிறார் என்கிற கேள்வி அனைவரது மத்தியிலும் இருந்தது.தற்போது இரண்டாம் பாகத்தை எஸ்.ஜே.அர்ஜுன் இயக்கவிருக்கிறார்.  இவரது முதல் படம் யங் மங் சங்  படம் இதுவரை வெளியாகவில்லை. அந்த படத்தில் பிரபுதேவா, லட்சுமி மேனன் உள்ளிட்ட பலரும் நடித்திருந்தனர். இந்நிலையில் அர்ஜூனின் 2வது படம் குறித்த அறிவிப்பு வெளியாகியுள்ளது. 

மிகச் சரியாக  பத்து ஆண்டுகளுக்குப் பின்பு மிகப் பெரும் எதிர்ப்பார்ப்பிற்கு பின் சூது கவ்வும் இரண்டாம் பாகத்தின் முன்னோட்டம் ரசிகர்களை கவர்ந்துள்ளது குறிப்பிடத்தக்கது.