![metaverse](https://cdn.abplive.com/imagebank/metaverse-top.png)
தளபதி 66 படத்தில் ரெண்டாவது ஹீரோயினா? இவங்க வருவாங்கன்னு எதிர்பார்த்திருக்க மாட்டீங்க..
’தளபதி 66’ படத்தில் ராஷ்மிகா தவிர மற்றொரு நாயகியும் நடிக்கலாம் எனவும், இது குறித்து அறிவிப்பு வரும் வாரத்தில் வெளியிடப்படும் எனவும் எதிர்பார்க்கப்படுகிறது.
![தளபதி 66 படத்தில் ரெண்டாவது ஹீரோயினா? இவங்க வருவாங்கன்னு எதிர்பார்த்திருக்க மாட்டீங்க.. second heroine might be pooja hegde in thalapathy 66 movie announcement expected in upcoming week தளபதி 66 படத்தில் ரெண்டாவது ஹீரோயினா? இவங்க வருவாங்கன்னு எதிர்பார்த்திருக்க மாட்டீங்க..](https://feeds.abplive.com/onecms/images/uploaded-images/2022/05/24/29fd54445837465216d7ec1f1ba20305_original.jpg?impolicy=abp_cdn&imwidth=1200&height=675)
'பீஸ்ட்' படத்தைத் தொடர்ந்து தெலுங்கு இயக்குநர் வம்சி பைடிப்பள்ளி இயக்கத்தில் நடிகர் விஜய் தற்போது நடித்து வருகிறார். தெலுங்கின் முன்னணி இசையமைப்பாளர் தமன் இப்படத்துக்கு இசையமைக்கிறார். தில் ராஜூ தயாரிக்கிறார்.
இப்படத்தில் விஜய்க்கு ஜோடியாக ராஷ்மிகா மந்தனாவும், பிற முக்கிய வேடங்களில் நடிகர்கள் பிரபு, ஷாம், பிரகாஷ்ராஜ், ஜெயசுதா, யோகி பாபு, சங்கீதா, ஸ்ரீகாந்த் உள்ளிட்டோரும் நடித்து வருகின்றனர்.
இதையும் படிங்க: Music director thaman interview: “அனி இது என்னோட டைம்; இதை செய்யாம விடமாட்டேன்” - தளபதி 66 பற்றி மனம் திறந்த தமன்..!
தளபதி 66-இல் இரண்டாவது ஹீரோயின்?
இந்நிலையில், இப்படத்தில் ராஷ்மிகா தவிர மற்றொரு நாயகியும் நடிக்கலாம் எனத் தகவல்கள் வெளியாகியுள்ளன. மேலும், இது குறித்து அறிவிப்பு வரும் வாரத்தில் வெளியிடப்படும் எனவும் எதிர்பார்க்கப்படுகிறது.
முன்னதாக பீஸ்ட் படத்தில் விஜய் - பூஜா ஹெக்டே ஜோடி புதுமையானதாகவும் ரசிக்கும்படியாகவும் அமைந்திருந்தது.
இதையும் படிங்க: Thalapathy 66 Memes: தளபதி 66 குறித்து சோஷியல் மீடியாவில் ரவுண்டுகட்டும் ரகளை மீம்ஸ்..
மீண்டும் இணைகிறதா பீஸ்ட் ஜோடி?
இந்நிலையில், ’தளபதி 66’ படத்திலும் பூஜா ஹெக்டே மீண்டும் விஜயுடன் இணையலாம் என எதிர்பார்க்கப்படுகிறது.
’தளபதி 66’ படத்தில் ஷூட்டிங் தற்போது ஹைதராபாத்தில் நடைபெற்று வரும் நிலையில், படத்தின் டைட்டில் பாடலுக்கு விஜய்யின் ஆஸ்தான இயக்குநரும் கொரியோகிராபருமான பிரபுதேவா நடனமைத்துள்ளார். இதன் மூலம் சுமார் 13 ஆண்டுகளுக்குப் பிறகு பிரபுதேவாவும் விஜய்யும் வெள்ளித்திரையில் இணைந்துள்ளனர்.
மேலும் நடிகர் பிரகாஷ்ராஜுடன் சில ஆண்டுகளுக்குப் பிறகு விஜய் இப்படத்தில் நடிக்க உள்ள நிலையில், ’ஹாய் செல்லம்ஸ்...’ என்ற கேப்ஷனுடன் கூடிய புகைப்படம் ஒன்றை பிரகாஷ் பகிர்ந்து மகிழ்ந்துள்ளார்.
Hai Chellam sssss. We are back #thalapathy66 pic.twitter.com/K2mK2TlNgi
— Prakash Raj (@prakashraaj) May 22, 2022
விரைவில் ஃபர்ஸ்ட் லுக் போஸ்டர்...
இந்நிலையில், படத்தின் அடுத்தக்கட்ட ஷூட்டிங் சென்னையில் விரைவில் தொடங்க உள்ளதாகவும், படத்தின் ஃபர்ஸ்ட் லுக் போஸ்டர் விஜய்யின் பிறந்த நாளான ஜூன் 21ஆம் தேதி வெளியிடப்படலாம் என்றும் தகவல்கள் வெளிவந்துள்ளன.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
![metaverse](https://cdn.abplive.com/imagebank/metaverse-mid.png)
![வினய் லால்](https://cdn.abplive.com/imagebank/editor.png)