நான்கே நாட்களில் விஜய், அஜித்துக்கு டஃப் கொடுக்கும் லெஜண்ட் சரவணா: நன்றி தெரிவித்த ஹாரிஸ்!

’வாடி வாசல்’ என்ற பாடல் கடந்த மே 20ஆம் தேதி வெளியான நிலையில், ட்ரோல்களையெல்லாம் கடந்து நான்கு நாள்களில் ஒரு கோடி பார்வையாளர்களைக் கடந்து இப்பாடல் சாதனை புரிந்துள்ளது

லெஜண்ட் சரவணா

லெஜண்ட் சரவணா ஸ்டோர்ஸ் கடை விளம்பரங்களில் தோன்றி தமிழ்நாட்டு மக்களிடையே பிரபலமானவர் அக்கடையின் உரிமையாளர் சரவணன் அருள். இவர் நடிப்பில் விரைவில் வெளிவரவிருக்கும் திரைப்படம் ’தி லெஜண்ட்’.

இப்படத்தில் ஊர்வசி ரௌடலா, கீர்த்திகா, நாசர், பிரபு, யோகி பாபு உள்ளிட்ட நடிகர்கள் நடித்துள்ளனர். ஜேடி ஜெர்ரி படத்தை இயக்கியுள்ளனர். ஹாரிஸ் ஜெயராஜ் இசையமைத்துள்ளார். 

லஷ்மி ராயுடன் கலர்ஃபுல் நடனமாடிய லெஜண்ட் சரவணா...

இப்படத்தில் இடம்பெற்றுள்ள ’வாடி வாசல்’ என்ற பாடல் கடந்த மே 20ஆம் தேதி வெளியான நிலையில், பாடல் வெளியானது முதல் சரவணன் அருளை ரசிகர்கள் இணையத்தில் கடுமையாக ட்ரோல் செய்து வருகின்றனர்.

திருவிழா போன்ற செட்டப்பில் பிரம்மாண்டமாக இப்பாடல் படமாக்கப்பட்டுள்ள நிலையில்,  நடிகை லட்சுமி ராயுடன் சரவணன் அருள் கலர்புல்லாக பாடலுக்கு நடனமாடியுள்ளார். 

தூக்கலான மேக்கப்புடன் நடனம்!

ஏற்கெனவே தமன்னா, ஹன்சிகா தொடங்கி யாஷிகா வரை பல நடிகைகளுடன் சரவணன் அருள் திரையில் தோன்றி ரசிகர்களை காண்டாக்கி வரும் நிலையில், தற்போது லட்சுமி ராயுடன் அவர் தன் மழலை ஸ்டெப்களுடனும் தூக்கலான மேக்கப்புடனும் நடனமாடியுள்ளார்.

யூ டியூப் கமண்ட் செக்‌ஷன் தொடங்கி சமூக வலைதளங்கள் முழுவதும் லெஜண்ட் சரவணா இதற்காக கடுமையாக ட்ரோல் செய்யப்பட்டு வருகிறார்.

4 கோடி பார்வையாளர்கள்...

இந்நிலையில், இந்த ட்ரோல்களையெல்லாம் கடந்து வாடிவாசல் பாடல் நான்கு நாள்களில் ஒரு கோடி பார்வையாளர்களைக் கடந்து சாதனை புரிந்துள்ளது.

இந்த மகிழ்ச்சியான செய்தியை இப்படத்தின் இசையமைப்பாளர் ஹாரிஸ் ஜெயராஜ் தன் ட்விட்டர் பக்கத்தில் பகிர்ந்து, தன் ரசிகர்கள் அனைவருக்கும் நன்றி தெரிவித்துள்ளார்.

 

Crossing 1 crore views in 4 days. Thank you all to my dear fans. ⁦@dayal_benny⁩ @jonitamusic⁩ @thinkmusicindia⁩ ⁦@DirJdjerry⁩ ⁦. ⁩ pic.twitter.com/bJ4r7KYRGI

— Harris Jayaraj (@Jharrisjayaraj) May 25, 2022

ட்ரோலைத் தாண்டி சாதனை படைக்கும் ’லெஜண்ட் சரவணா’

இப்படத்தின் மற்றொரு பாடலான 'மொசலோ மொசலு’ எனும் பாடலும் முன்னதாக வெளியாகி கடுமையாக ட்ரோல் செய்யப்பட்ட நிலையில், மற்றொருபுறம் 12 மில்லியன் பார்வையாளர்களைக் கடந்து யூ டியூபில் பாடல் பெரும் வரவேற்பைப் பெற்று வருகிறது.

லெஜண்ட் சரவணன் ஒருபுறம் ட்ரோல் செய்யப்பட்டாலும், மற்றொரு புறம் அவரது பட பாடல்கள் இவ்வாறு பெரும் வரவேற்பைப் பெற்று வருவது ரசிகர்கள் மத்தியில் குழப்பத்தை ஏற்படுத்தியுள்ளது.