இந்தியாவின் மிகப்பெரிய காதல் காவியம்  “லவ் & வார்”.  2027 ஜனவரி 21 வெளியீடு !

சஞ்சய் லீலா பன்சாலி இயக்கத்தில் ரன்பீர் கபூர் , ஆலியா பட் மற்றும் விக்கி கெளஷல் இணைந்து நடித்துள்ள “லவ் & வார்”. படத்தின் ரீலீஸ் தேதி அறிவிக்கப்பட்டுள்ளது

சஞ்சய் லீலா பன்சாலி

Source : X

இந்த ஆண்டின் மிகப்பெரிய அறிவிப்பு இறுதியாக வெளியாகியுள்ளது. சஞ்சய் லீலா பன்சாலியின் “லவ் & வார்” படம் 2027 குடியரசு தின வார இறுதியை மையமாகக் கொண்டு, உலகம் முழுவதும்  2027 ஜனவரி 21 வியாழக்கிழமை, அன்று வெளியாகிறது.

தமிழில் இயக்குநர் மணிரத்னம் போல் பாலிவுட் ரசிகர்களுக்கு சஞ்சய் லீலா பன்சாலி இருந்து வருகிறார். தேவ்தாஸ், கங்குபாய், ராம்லீலா, பத்மாவத், பாஜிராவ் மஸ்தானி ஆகிய படங்களை இயக்கியுள்ளார். இந்திய அரசர்கள், சரித்திரக் கதைகள் சஞ்சய் லீலா பன்சாலிக்கு பிடித்த கதைகளங்கள். இவர் இயக்கிய கங்குபாய் கத்தியாவாடி படம்  தேசிய விருது உள்பட பல்வேறு விருதுகளை வென்று குவித்தது. நெட்ஃப்ளிக்ஸ் தளத்தில் இவர் இயக்கத்தில் வெளியான ஹீராமண்டி தொடர் விமர்சகர்களால் பாராட்டுக்களைப் பெற்றது. தற்போது இவரது அடுத்த படத்தின் ரிலீஸ் தேதி அறிவிப்பு வெளியாகியுள்ளது 

லவ் & வார்

மிகுந்த எதிர்பார்ப்பில் இருக்கும் இந்த காதல் திரைப்படத்தில், ரன்பீர் கபூர், விக்கி கௌஷல் மற்றும் ஆலியா பட் இணைந்து நடிக்கின்றனர்.  வலுவான உணர்ச்சிகள் நிரம்பிய ஒரு தீவிரமான காதல் காவியமாக இப்படம் உருவாகியுள்ளது.

பன்சாலியின் தனித்துவமான காட்சியமைப்பு மற்றும் ஆழமான கதை சொல்லும் முறைப்படி, இந்த படம் பார்வையாளர்களுக்கு மிகப்பெரிய காட்சி அனுபவத்தையும், ஆழமான உணர்ச்சியையும் வழங்கும் என எதிர்பார்க்கப்படுகிறது.

பிரம்மாண்டமான அளவில் உருவாகும் “லவ் & வார்”, சஞ்சய் லீலா பன்சாலியின் மிகபெரும் கனவுப்படைப்பாக உருவாகி வரும்,  பிரம்மாண்டமான  காதல் படைப்பாகும்.  கதை அமைப்பும், தீவிரமான உணர்வுகளும், இதை இந்தியாவின் மிகப்பெரிய காதல் காவியங்களில் ஒன்றாகவும், இந்திய சினிமாவின் மிகப்பெரிய காதல் காட்சி அனுபவங்களில் ஒன்றாகவும் நிலைநிறுத்துகிறது.