Thangalaan : தங்கலான் ஆரத்தியாக நடிக்க மறுத்த ராஷ்மிகா மந்தனா...என்ன காரணம் தெரியுமா?

பா ரஞ்சித் இயக்கிய தங்கலான் படத்தில் ஆரத்தி கதாபாத்திரத்தில் நடிகை ராஷ்மிகா மந்தனா நடிக்க மறுத்துவிட்டதாக தகவல்கள் வெளியாகியுள்ளன

தங்கலான் , மாளவிகா மோகனன் , ராஷ்மிகா மந்தனா

Source : Twitter

தங்கலான்

பா ரஞ்சித் இயக்கத்தில் விக்ரம் நடித்த தங்கலான் திரைப்படம் கடந்த ஆகஸ்ட் 15 ஆம் தேதி வெளியானது. பார்வதி திருவொத்து , மாளவிகா மோகனன் , பசுபதி உள்ளிட்ட பல்வேறு  நடிகர்கள் இப்படத்தில் நடித்துள்ளார்கள். ஜி.வி பிரகாஷ் குமார் இப்படத்திற்கு இசையமைத்துள்ளார். தமிழ், தெலுங்கு உள்ளிட்ட மொழிகளில் வெளியான தங்கலான் பாக்ஸ் ஆபிசில் 100 கோடிக்கும் மேலாக வசூல் செய்தது. இதனைத் தொடர்ந்து கடந்த செப்டம்பர் 6-ஆம் தேதி இந்தியில் வெளியாகிய இப்படம் வெற்றிகரமாக ஓடிக்கொண்டிருக்கிறது.

ஆரத்தியாக நடிக்க மறுத்துவிட்ட ராஷ்மிகா 

கோலார் தங்க வயல்களில் இருந்த தங்கத்தை எடுக்க நிகழ்ந்த உயிரிழப்புகள், அப்பகுதியில் வாழ்ந்த பழங்குடியின மக்களின் வாழ்க்கையை மாய யதார்த்தவாத சினிமாவாக ரஞ்சித் இப்படத்தை இயக்கியுள்ளார். திரைக்கதையில் குறைபாடுகள் இருந்தாலும் தங்கலான் படம் காட்டிய உலகம் அதன் கதாபாத்திரங்கள் ரசிகர்களை வெகுவாக கவர்ந்த குறிப்பாக மாளவிகா மோகனன் நடித்த ஆரத்தி கதாபாத்திரம் ரசிகர்களை அதிகம் கவர்ந்த கதாபாத்திரங்களில் ஒன்று. தங்கத்தை பாதுகாக்கும் நாகர் இனத்தைச் சேர்ந்த காவல் தெய்வமாக படம் முழுவதும் ஆரத்தியின் கதாபாத்திரம் முக்கியத்துவம் பெற்றிருந்தது.

தமிழில் விஜயின் மாஸ்டர் ரஜினியின் பேட்ட போன்ற படங்களில் சின்ன கதாபாத்திரங்களில் நடித்த மாளவிகா மோகனன் இப்படத்தில் அனைவரது கவனத்தையும் ஈர்த்துள்ளார். 

ஆனால் இந்த கதாபாத்திரத்தில் நடிப்பதற்கு முதல் தேர்வாக ராஷ்மிகா மந்தனா இருந்ததாகவும் அவர் இந்தப் படத்தில் நடிக்க மறுத்து விட்டதால் மாளவிகா மோகனன் நடித்தார் என்றும் தற்போது தகவல்கள் வெளியாகியுள்ளன. ஆரத்தி  கதாபாத்திரத்தில் நடிப்பதற்கு முதலில் இயக்குநர் ரஞ்சித் ராஷ்மிகா மந்தனாவை அணுகியுள்ளார். ஆனால் ராஷ்மிகா மந்தனா அப்போது அல்லு அர்ஜூனின் புஷ்பா 2 படத்தில் பிஸியாக நடித்துக் கொண்டிருந்தார் என்பதால் அவரால் கால்ஷீட் தர முடியவில்லை.

இதனால் இந்த படத்தில் நடிக்க அவர் மறுத்துவிட்டார் என தகவல்கள் வெளியாகியுள்ளன. ஆரத்தியாக மாளவிகா மோகனன் சிறப்பாக நடித்து அவருக்கு பாராட்டுக்கள் குவிந்து வருகின்றன. ஒருவேளை ராஷ்மிகா மந்தனா இப்படத்தில் நடித்திருந்தால் அது அவருக்கு மிகப்பெரிய அங்கீகாரமாக இருந்திருக்கும் என ரசிகர்கள் சமூக வலைதளத்தில் பதிவிட்டு வருகிறார்கள் .

---

மேலும் படிக்க : பிரிஞ்சு மூணு வருஷமாச்சு.. டேட்டூவை ஏன் அழிக்கல? சமந்தா - நாக சைதன்யா கொடுத்த பதில் என்ன?