Animal Box Ofiice: ஒரு வாரத்தில் ரூ.563 கோடி வசூல்.. பாக்ஸ் ஆஃபிஸை பதறவைக்கும் ரன்பீர் கபூரின் ‘அனிமல்’!
Animal Movie: ரன்பீர் கபூர் நடித்துள்ள அனிமல் படத்தின் முதல் வார பாக்ஸ் ஆபிஸ் கலெக்ஷன் 500 கோடியைக் கடந்து வசூல் செய்துள்ளது
அனிமல்
இயக்குநர் சந்தீப் ரெட்டி வங்கா இயக்கத்தில் உருவாகி இருக்கும் 'அனிமல்' (Animal Movie) திரைப்படம் கடந்த டிசம்பர் 1ஆம் தேதி வெளியானது. ரன்பீர் கபூர், ராஷ்மிகா மந்தனா, அனில் கபூர், பாபி தியோல், பப்லு ப்ரித்விராஜ் உள்ளிட்டவர்கள் இந்தப் படத்தில் நடித்துள்ளார்கள்.
தந்தை மகனுக்கு இடையிலான உறவுச் சிக்கலை மையப்படுத்தி உருவாகி இருக்கும் அனிமல் திரைப்படம் இந்திய அளவில் மிகப்பெரிய வரவேற்பை ரசிகர்களிடம் பெற்றுள்ளது. மேலும் இப்படத்தில் ரன்பீர் கபூரின் நடிப்பு அதிக பாராட்டுக்களைப் பெற்று வருகிறது. மறுபக்கம் அர்ஜூன் ரெட்டி படத்தைப் போல் அனிமல் படமும் கடுமையான விமர்சனங்களை எதிர்கொண்டு வருகிறது.
முதல் நாள் வசூல்
He has come to conquer all the records 🤙🏼🔥🪓#AnimalHuntBegins
— Animal The Film (@AnimalTheFilm) December 2, 2023
Book Your Tickets 🎟️ https://t.co/kAvgndK34I#Animal#AnimalInCinemasNow #AnimalTheFilm @AnimalTheFilm @AnilKapoor #RanbirKapoor @iamRashmika @thedeol @tripti_dimri23@imvangasandeep #BhushanKumar… pic.twitter.com/sIXDnGkfKu
அனிமல் படம் வெளியான முதல் நாளில் ரூ.126 கோடி வசூல் செய்தது. விடுமுறை நாட்கள் இல்லாத நேரத்தில் வெளியாகி இந்தியில் அதிக வசூல் ஈட்டிய படமாக சாதனைப் படைத்துள்ளது அனிமல் படம். மேலும் பல்வேறு விமர்சனங்களைப் பெற்று வந்தாலும் அனிமல் படத்தின் வசூல் எந்த வித பாதிப்பும் இல்லாமல் சீராக அதிகரித்தபடியே உள்ளது.
முதல் வாரம் வசூல்
அனிமல் படம் வெளியாகி நேற்று டிசம்பர் 7ஆம் தேதியுடன் ஒரு வார காலம் முடிவடையும் நிலையில் படத்தின் வசூல் எண்ணிக்கையை படக்குழு வெளியிட்டுள்ளது. உலகளவில் ஒரே வாரத்தின் ரூ.563 கோடி வசூலித்துள்ளது அனிமல் படம்.
Epic Triumph #Animal🔥🪓#AnimalHuntBegins #BloodyBlockbusterAnimal #AnimalInCinemasNow #AnimalTheFilm
— Animal The Film (@AnimalTheFilm) December 8, 2023
Book Your Tickets 🎟️ https://t.co/kAvgndK34I#AnimalInCinemasNow #AnimalTheFilm @AnimalTheFilm @AnilKapoor #RanbirKapoor @iamRashmika @thedeol @tripti_dimri23… pic.twitter.com/Y2abySf1Bm
அனிமல் பார்க்
அனிமல் படத்தின் வெற்றியைத் தொடர்ந்து படத்தின் இரண்டாம் பாகமும் திட்டமிடப்பட்டு வருகிறது. இந்தப் படத்திற்கு கிடைக்கும் வரவேற்பைப் பொறுத்து இரண்டாம் பாகத்தை இயக்கலாமா என்று முடிவு செய்யப்படும் என்று இயக்குநர் சந்தீப் ரெட்டி வங்கா கூறியிருந்த நிலையில், தற்போது இரண்டாம் பாகம் வெளியாகும் என்பது உறுதியாகி உள்ளது.
இந்தப் படத்திற்கு அனிமல் பார்க் என்று டைட்டில் முடிவு செய்யப்பட்டுள்ளது. ரன்பீர் கபூர் இந்தப் படத்தில் இரண்டு கதாபாத்திரங்களில் நடிக்க இருக்கிறார். மேலும் இயக்குநர் சந்தீப் ரெட்டி வங்கா அடுத்ததாக பிரபாஸ் நடிக்கும் ‘ஸ்பிரிட்’ படத்தை இயக்க இருக்கிறார் என்பது குறிப்பிடத் தக்கது.
தலைப்பு செய்திகள்
ட்ரெண்டிங் செய்திகள்
