![ABP Premium](https://cdn.abplive.com/imagebank/Premium-ad-Icon.png)
Rakul Preet Singh: பாலிவுட் பிரபலத்தை கரம் பிடிக்கும் அயலான் பட நாயகி... விரைவில் டும் டும் டும்..!
Rakul Preet Singh : பாலிவுட் நடிகர் மற்றும் தயாரிப்பாளரான ஜாக்கி பாக்னானி - நடிகை ரகுல் ப்ரீத் சிங் திருமணம் பிப்ரவரி 22ம் தேதி கோவாவில் நடைபெற உள்ளது.
![Rakul Preet Singh: பாலிவுட் பிரபலத்தை கரம் பிடிக்கும் அயலான் பட நாயகி... விரைவில் டும் டும் டும்..! Rakul Preet Singh to marry bollywood actor cum producer jackky bhagnani on Feb 22 Rakul Preet Singh: பாலிவுட் பிரபலத்தை கரம் பிடிக்கும் அயலான் பட நாயகி... விரைவில் டும் டும் டும்..!](https://feeds.abplive.com/onecms/images/uploaded-images/2024/01/02/664cc7e1417ef3e86489b92a8d8379c11704214499469224_original.jpg?impolicy=abp_cdn&imwidth=1200&height=675)
தமிழ், தெலுங்கு, கன்னடம், இந்தி திரையுலகில் முன்னணி நடிகையாக வலம் வரும் நடிகைகளில் ஒருவர் ரகுல் ப்ரீத் சிங். 2009ம் ஆண்டு கன்னடத்தில் வெளியான 'கில்லி' படம் மூலம் திரையுலகிற்குள் அறிமுகமானவர். தமிழ் ரசிகர்கள் மத்தியில் அறிமுகமான முதல் படம் 'தடையறத் தாக்க'. அதை தொடர்ந்து தீரன் அதிகாரம் ஒன்று, தேவ், என்.ஜி.கே உள்ளிட்ட ஏராளமான திரைப்படங்களில் நடித்திருந்தார். தமிழ் சினிமாவை காட்டிலும் தெலுங்கு மற்றும் இந்தி திரையுலகில் மிகவும் பிஸியாக நடித்து வருகிறார்.
அடுத்தடுத்து ரிலீஸ் :
இந்த ஆண்டு துவக்கமே ரகுல் ப்ரீத் சிங்கிற்கு மிகவும் பிரகாசமான ஒரு ஆண்டாக அமைய உள்ளது. ஷங்கர் இயக்கத்தில் நடிகர் கமல்ஹாசன் நடிக்கும் இந்தியன் 2 மற்றும் இந்தியன் 3, சிவகார்த்திகேயன் ஜோடியாக அயலான் என அடுத்தடுத்து அவரின் படங்கள் வெளியாக தயாராக உள்ளன. திரைப்பயணத்தில் வெற்றிப்பாதையை நோக்கி நகரும் ரகுல் ப்ரீத் சிங் அடுத்ததாக தனது தனிப்பட்ட வாழ்க்கையிலும் அடுத்த நிலைக்கு முன்னேற உள்ளார் என்ற தகவல் வெளியாகியுள்ளது.
விரைவில் திருமணம் :
பான் இந்தியன் நடிகையாக வலம் வரும் நடிகை ரகுல் ப்ரீத் சிங், பிரபல பாலிவுட் தயாரிப்பாளரும் நடிகருமான ஜாக்கி பக்னானியை திருமணம் செய்து கொள்ள போகிறார் என்ற தகவல் வெளியாகியுள்ளது. இருவரும் கடந்த இரண்டு ஆண்டுகளாக காதலித்து வந்த நிலையில் பல இடங்களில் டேட்டிங் செய்து வந்தனர். இவர்கள் விரைவில் திருமணம் செய்த கொள்ள முடிவு எடுத்துள்ளதாக தகவல் வெளியான நிலையில் தற்போது உறுதிப்படுத்தப்பட்டுள்ளது.
![Rakul Preet Singh: பாலிவுட் பிரபலத்தை கரம் பிடிக்கும் அயலான் பட நாயகி... விரைவில் டும் டும் டும்..!](https://feeds.abplive.com/onecms/images/uploaded-images/2024/01/02/c67f643da923bfb1757a8acf8d5ce8b31704214635543224_original.jpg)
நியூ இயர் ட்ரீட் :
வரும் பிப்ரவரி 22ம் தேதி, கோவாவில் திருமண விழா நடைபெற உள்ளது என தகவல்கள் தெரிவிக்கின்றன. 2024ம் ஆண்டில் கைகோர்க்கும் முதல் நட்சத்திர காதல் ஜோடிகளாக ரகுல் ப்ரீத் சிங் - ஜாக்கி பக்னானி இருக்க போகிறார்கள். இவர்களின் திருமண விழாவில் நெருங்கிய நண்பர்கள் மற்றும் உறவினர்கள் மட்டும் கலந்து கொள்ள உள்ளனர் என கூறப்படுகிறது. ரகுல் ப்ரீத் சிங் மற்றும் ஜாக்கி பக்னானி இருவரும் அவர்களின் ரசிகர்களுக்கு நியூ இயர் அன்று இந்த அற்புதமான செய்தியை வெளியிட்டு ட்ரீட் கொடுத்துள்ளார்.
களைகட்டும் பேச்சிலர் பார்ட்டி :
ஜாக்கி பக்னானி நடிப்பில் வெளியான பால்டு, ராங்கரீஸ் உள்ளிட்ட படங்கள் சூப்பர் டூப்பர் ஹிட் அடித்தன. தயாரிப்பாளராகவும் இருந்து வரும் ஜாக்கி பக்னானி, வெல்கம் டூ நியூயார்க், கூலி நம்பர் 1, பெல் பாட்டம் உள்ளிட்ட படங்களை தயாரித்துள்ளார். திருமணம் நெருங்கி வருவதால் நண்பர்களுக்கு பேங்காக்கில் பேச்சிலர் பார்ட்டி கொடுத்து என்ஜாய் செய்து வருகிறார் நடிகர் ஜாக்கி பக்னானி. மறுபக்கம் தாய்லாந்தில் தனது விடுமுறை நாட்களை உல்லாசமாக கழித்து வருகிறார் நடிகை ரகுல் ப்ரீத் சிங். அதன் புகைப்படங்களையம் சோசியல் மீடியாவில் போஸ்ட் செய்து வருகிறார்.
தலைப்பு செய்திகள்
ட்ரெண்டிங் செய்திகள்
![ABP Premium](https://cdn.abplive.com/imagebank/metaverse-mid.png)
![வினய் லால்](https://cdn.abplive.com/imagebank/editor.png)