Manju Warrier : அழகால் மயக்கும் மஞ்சு வாரியர்...வேட்டையன் கதாபாத்திர அறிமுக வீடியோ

த.செ.ஞானவேல் இயக்கத்தில் ரஜினிகாந்த் நடித்துள்ள வேட்டையன் படத்தில் மஞ்சு வாரியர் கதாபாத்திர அறிமுக வீடியோவை படக்குழு வெளியிட்டுள்ளது

மஞ்சு வாரியர் , ரஜினிகாந்த் , வேட்டையன்

Source : Twitter

வேட்டையன்

த.செ ஞானவேல் இயக்கத்தில் ரஜினிகாந்த் நடித்துள்ள படம் வேட்டையன். அமிதாப் பச்சன் , ஃபகத் ஃபாசில் , ரானா டகுபதி , ரித்திகா சிங் , மஞ்சு வாரியர் , துஷாரா விஜயன் , ரக்‌ஷன் உள்ளிட்டவர்கள் இப்படத்தில் நடித்துள்ளார்கள். அனிருத் இசையமைத்துள்ளார். லைகா ப்ரோடக்‌ஷன்ஸ் இப்படத்தை தயாரித்துள்ளது. வரும் அக்டோபர் 10 ஆம் தேதி இப்படம் திரையரங்குகளில் வெளியாக இருக்கும் நிலையில் செப்டம்பர் 20 ஆம் தேதி இப்படத்தின் இசை வெளியீடு சென்னையில் நடைபெற உள்ளது.

ஜெயிலர் திரைப்படத்திற்கு பிறகு ரஜினி நடித்து வரும் கூலி படத்தின் மீதுதான் ரசிகர்களுக்கு அதிகப்படியான எதிர்பார்ப்பு இருந்து வந்தது. வேட்டையன் படத்தைப் போறுத்தவரை அது என்ன மாதிரியான ஒரு படமாக இருக்கும் என்று இன்னும் உறுதியாக சொல்ல முடியவில்லை. இப்படத்தின் இயக்குநர் த.செ ஞானவேல் முன்னதாக ஜெய் பீம் படத்தை இயக்கினார்.

மிகத் தீவிரமான அரசியல் பேசும் படத்தை இயக்கி பாராட்டுக்களைப் பெற்ற ஞானவேல் அடுத்தபடியாக சூப்பர்ஸ்டார் ரஜினி படத்தை இயக்கியுள்ளார். இதனால் தன்னுடைய அரசியல் கருத்துக்களையும் சூப்பர்ஸ்டாரின் மாஸையும் அவர் எப்படி இணைத்து ஒரு கமர்ஷியல் படத்தை கொடுக்கப்போகிறார் என்பதை பார்க்க ரசிகர்கள் மிக ஆவலாக காத்து வருகிறார்கள். 

படப்பிடிப்பு முடிந்து தற்போது போஸ்ட் ப்ரோடக்‌ஷன் பணிகள் ஒருபக்கம் நடந்து வர இன்னொரு பக்கம் படத்திற்கான ப்ரோமோஷன் வேலைகளை படிப்படியாக தொடங்கியுள்ளது படக்குழ. சமீபத்தில் வெளியான மனசிலாயோ பாடல் இன்ஸ்டண்ட் ஹிட் அடித்து வைரலாகியுள்ளது. தற்போது படத்தில் ஒவ்வொரு நடிகரின் கதாபாத்திரத்தைப் பற்றிய சிறு முன்னோட்ட வீடியோக்களை படக்குழு வெளியிட்டு வருகிறது. அந்த வகையில்  நடிகை ரித்திகா சிங் , துஷாரா விஜயன் இருவரைத் தொடர்ந்து தற்போது மஞ்சு வாரியர் கதாபாத்திர அறிமுக வீடியோ வெளியாகியுள்ளது

வேட்டையன் படத்தின் தாராவாக மஞ்சு வாரியர்

Meet the heart and soul of VETTAIYAN 🕶️ Introducing @ManjuWarrier4 as THARA 🌟 A pillar of strength and elegance. ✨#Vettaiyan 🕶️ Releasing on 10th October in Tamil, Telugu, Hindi & Kannada!@rajinikanth @SrBachchan @tjgnan @anirudhofficial @LycaProductions #Subaskaran… pic.twitter.com/aZ0pl9mDcb

— Lyca Productions (@LycaProductions) September 17, 2024

வேட்டையன் படத்தில் மஞ்சு வாரியர் ரஜினியின் மனைவி தாராவாக நடித்துள்ளார். இப்படத்தில் ரஜினி பார்வையற்றவராக நடித்துள்ளதாகவும் ரஜினிக்கு ஆதரவாக மஞ்சு வாரியர் படம் முழுவது வரும் அழுத்தமான கதாபாத்திரம் ஒன்றில் அவர் நடித்துள்ளதாகவும் சினிமா வட்டாரங்களில் பேசப்படுகிறது. கபாலி படத்தில் ராதிகா ஆப்தே இருந்ததுபோல் ரஜினிக்கு ஒரு சிறந்த ஆன்ஸ்கிரின் ஜோடியாக மஞ்சு வாரியர் இருப்பார் என்று எதிர்பார்க்கலாம்