Annaatthe Box Office Collection: சூப்பர் ஸ்டார் தீபாவளி... 2 நாளில் ரூ.100 கோடி வசூலித்த ‛அண்ணாத்த’
நடிகர் ரஜினிகாந்தின் அண்ணாத்த திரைப்படம் இரண்டு நாள்களில் 100 கோடி ரூபாய் வசூல் செய்துள்ளது.
சன் பிக்சர்ஸ் தயாரிப்பில் ரஜினியை வைத்து சிவா இயக்கியிருக்கும் திரைப்படம் அண்ணாத்த. ரஜினிக்கு ஜோடியாக நயன்தாராவும், தங்கையாக கீர்த்தி சுரேஷும் நடித்திருக்கின்றனர்.
இவர்களோடு குஷ்பு, மீனா,சூரி உள்ளிட்டோர் நடித்திருக்கின்றனர். தீபாவளி பண்டிகை அன்று வெளியான இப்படத்தை ரஜினியின் ரசிகர்கள் கொண்டாடிவருகின்றனர்.
ஆனால் விமர்சன ரீதியாக இப்படம் கடுமையான எதிர்வினைகளை சந்தித்துள்ளது. குறிப்பாக கதையில் ஒன்றுமே இல்லை திரைக்கதையும் பெரிதாக சோபிக்கவில்லை. ரஜினி கொடுத்த வாய்ப்பை ஏ.ஆர். முருகதாஸ் போல் இயக்குநர் சிவா வீணடித்துவிட்டார் என்ற பேச்சுக்களால் இயக்குநர் தரப்பு அப்செட் என்ற பேச்சு அடிபடுகிறது.
#Superstar @rajinikanth 's #Annaatthe takes the biggest Day 1 opening for any Indian movie in 2021 (Till Nov 4th)..
— Ramesh Bala (@rameshlaus) November 5, 2021
Is setting the #Diwali weekend Box office on fire.. pic.twitter.com/EDgbSHLZqC
அதேசமயம், 2021ஆம் ஆண்டில் இதுவரை வெளியான இந்திய படங்களிலேயே அண்ணாத்ததான் அதிக வசூல் செய்திருக்கிறது என்றும், அண்ணாத்த முதல் நாளில் மொத்தம் 70 கோடி ரூபாய் வசூல் செய்திருக்கிறது தமிழ்நாட்டில் மட்டும் 34 கோடி ரூபாய் வசூலித்துள்ளதாகவும் தகவல் வெளியானது.
Superstar #Rajinikanth's #Annaatthe ZOOMS past ₹100 cr at the WW box office in just 2 days.
— Manobala Vijayabalan (@ManobalaV) November 6, 2021
Day 1 - ₹ 70.19 cr
Day 2 - ₹ 42.63 cr
Total - ₹ 112.82 cr
இந்நிலையில் அண்ணாத்த படம் வெளியான இரண்டு நாள்களில் உலகளவில் 100 கோடி ரூபாய் வசூல் செய்திருப்பதாக தகவல் வெளியாகியுள்ளது.
அதன்படி முதல் நாளில் 70.19 கோடி ரூபாயும், இரண்டாவது நாளில் 42.63 கோடி ரூபாயும் என மொத்தம் 112.82 கோடி ரூபாய் வசூல் செய்துள்ளதாக கூறப்படுகிறது. இதனால் ரஜினி ரசிகர்கள் உற்சாகமடைந்துள்ளனர்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
