![ABP Premium](https://cdn.abplive.com/imagebank/Premium-ad-Icon.png)
"23 வருட ஒற்றுமை; நேரம் எவ்வளவு விரைவாக பறக்குது" - மனம் உருகிய மாதவனின் மனைவி!
“ 23 வருட ஒற்றுமை. நேரம் எவ்வளவு விரைவாக பறக்குது....”
![R Madhavan shares romantic anniversary post, tells wife, 'I'm crazier about you than ever before'. See then and now pics](https://feeds.abplive.com/onecms/images/uploaded-images/2022/06/07/3d044d8f6614dfcdffae6b74dc9aa89b_original.jpg?impolicy=abp_cdn&imwidth=1200&height=675)
தமிழ் சினிமாவில் 2000 வது காலக்கட்டத்தில் சாக்லெட் பாயாக வலம் வந்தவர் நடிகர் மாதவன். அவர் தனது மனைவியுடன் திருமண நாளை நேற்று கொண்டாடினர்.சமூக வலைத்தளங்கள் இந்த காதல் ஜோடிகள் பதிவிட்ட புகைப்படங்கள் இணையத்தில் வைரலாகி வருகிறது.
காதல் !
மாதவன் நடிக்க வருவதற்கு முன்னதாக கல்லூரியில் பேராசிரியராக பணியாற்றியவர் என்பது அவரது ரசிகர்களுக்கு நன்றாகவே தெரியும். தனித்திறன் வகுப்பு எடுத்த மாதவனிடம் சரிதா மாணவியாக வந்து சேர்ந்தார். தான் நினைத்த மாதிரி விமான பணிப்பெண் வேலை கிடைத்ததால் மாதவனுக்கு நன்றி சொல்லிவிட்டு , அவரை டின்னருக்கு அழைத்து சென்றிருக்கிறார். இப்படியாகத்தான் இவர்களது காதல் மலர தொடங்கியிருக்கிறது. அவர் தனது மாணவியான சரிதாவை காதலித்து கரம் பிடித்தார். இவர்களது திருமணம் கடந்த இவர் கடந்த 1999-ம் ஆண்டு நடைப்பெற்றது. திருமணமான பிறகுதான் மாதவன் நடிக்க வந்தார். இந்த தம்பதிகளுக்கு வேதாந்த் என்னும் 16 வயது மகன் இருக்கிறார். அவர் சர்வதேச நீச்சல் போட்டிகளில் கலந்துக்கொண்டு கலக்கி வருகிறார்.இந்த நிலையில் மாதவன் - சரிதா தம்பதிகள் நேற்று (ஜூன் 6 ) தங்களது 23 ஆம் ஆண்டு திருமண நாளை கொண்டாடினர்.
திருமண நாள் வாழ்த்துக்கள் பொண்டாட்டி !
தனது இன்ஸ்டாகிராம் பக்கத்தில் திருமண நாளை முன்னிட்டு புகைப்படங்களை பகிர்ந்த மாதவன் “ நான் முன்பை விட இப்போது உன்னை அதிகமாக காதலிக்கிறேன். அண்ட் நான் காதலிக்க தொடங்குகிறேன்.. திருமண நாள் வாழ்த்துக்கள் பொண்டாட்டி “ என குறிப்பிட்டுள்ளார்.
View this post on Instagram
23 வருடங்கள் ஆச்சா!
இது குறித்து பதிவிட்ட மாதவனின் மனைவி “ 23 வருட ஒற்றுமை. நேரம் எவ்வளவு விரைவாக பறக்குது. நான் உன்னை மிகவும் காதலிக்கிறேன். இனிய திருமண நாள் வாழ்த்துக்கள், என் அன்பே." என இவர்களின் சில புகைப்பட தொகுப்போடு பதிவிட்டிருந்தார். இதற்கு பதிலளித்த மாதவன் “ நான் இப்போதான் காதலிக்க தொடங்குகிறேன்.. முன்பை விட இப்போது உன் மீது பைத்தியமாக இருக்கிறேன் “ என பதிவிட்டுள்ளார்.
தலைப்பு செய்திகள்
ட்ரெண்டிங் செய்திகள்
![ABP Premium](https://cdn.abplive.com/imagebank/metaverse-mid.png)
![வினய் லால்](https://cdn.abplive.com/imagebank/editor.png)