Legend Saravanan: "இது லெஜண்ட் சரவணன் இல்ல” .. ஃபோட்டோவை பார்த்து குழம்பும் நெட்டிசன்கள்..

நடிகர் லெஜண்ட் சரவணன் புதிதாக பதிவிட்ட புகைப்படத்தை கண்டு இணையவாசிகள் பலரும் விதவிதமான கருத்துகளை பதிவிட்டு வருகின்றனர். 

நடிகர் அருள் சரவணன்

நடிகர் லெஜண்ட் சரவணன் புதிதாக பதிவிட்ட புகைப்படத்தை கண்டு இணையவாசிகள் பலரும் விதவிதமான கருத்துகளை பதிவிட்டு வருகின்றனர். 

ஜவுளி, வீட்டு உபயோக பொருட்கள் விற்பனை செய்யும் நிறுவனங்களில் பெரும்பாலும் உரிமையாளர்களின் பெயர்களை தவிர்த்து அவர் எப்படி இருப்பார் என பலருக்கும் தெரியாது. பிரபலங்கள் வைத்து தங்கள் நிறுவனங்களின் விளம்பரங்களை எடுத்து வந்த காலக்கட்டத்தில் அந்த ட்ரெண்டுக்கு முற்றுப்புள்ளி வைத்தவர் அருள் சரவணன். லெஜண்ட் சரவணா ஸ்டோர்ஸ் நிறுவனரான அவர், சில ஆண்டுகளுக்கு முன்பு ஹன்சிகா மற்றும் தமன்னாவுடன் இணைந்து விளம்பரங்களில் தோன்றி ரசிகர்களை கவர்ந்தார். 

தோற்றம், வயது,விமர்சனங்கள்  என எதைப்பற்றியும் கவலைப்படாமல் தனக்கு தோன்றியதை செய்யும் அவரின் முடிவை பலரும் வரவேற்றனர். அதிக உருவகேலிக்கு ஆளான அருள் சரவணன் படம் ஒன்றில் நடிக்கவுள்ளதாக தகவல் வெளியாகி பலருக்கும் அதிர்ச்சியை கொடுத்தது. இதனால் திரையுலகைச் சேர்ந்த சிலர் அவரை வெளிப்படையாக விமர்சித்தனர். எதற்கும் அசைவு கொடுக்காமல் லெஜண்ட் சரவணாவின் சினிமா எண்ட்ரி குறித்த அறிவிப்பு வெளியானது.

இரட்டை இயக்குநர்களான ஜேடி-ஜெர்ரி தான் இப்படத்தை இயக்கவுள்ளதாக தெரிவிக்கப்பட்டது. இவர்கள் சரவணா ஸ்டோர்ஸ் நிறுவனங்களின் விளம்பரங்களை இயக்குபவர்கள். ஹாரிஸ் ஜெயராஜ் இசையில், விவேக், பிரபு, சுமன் உள்ளிட்ட முன்னணி நடிகர்கள் இதில் இணைந்தனர். “தி லெஜண்ட்” என பெயரிடப்பட்ட அப்படம் 5 மொழிகளில் பேன் இந்தியா படமாக உருவாகி கடந்தாண்டு ஜூலை 28 ஆம் தேதி வெளியாகி படுதோல்வி அடைந்தது. 

ஆனாலும் சற்றும் அசராமல் அருள் சரவணன் தனது அடுத்தப் படத்துக்கு கதை கேட்டு வருவதாக சொல்லப்படுகிறது. மேலும் சமீபத்தில் ஹாட் ஸ்டார் ஓடிடியில் தி லெஜண்ட் படம் வெளியானது. இதனிடையே அருள் சரவணன் தனது தோற்றத்தை மாற்றிக் கொண்டு நியூ லுக்கில் நேற்று தனது சமூக வலைத்தளப்பக்கத்தில் புகைப்படங்களை பதிவிட்டார். ஆளே மாறிவிட்டது போல செம ஸ்மார்ட் ஆக அவர் இருக்கிறார்.

இதனைப் பார்க்கும் போது இது லெஜண்ட் சரவணன் இல்லை என ரசிகர்கள் கருத்து தெரிவித்துள்ளனர். அதேபோல் பார்ப்பதற்கு கிரிக்கெட் வீரர் ரோகித் சர்மா, பாண்டியன் ஸ்டோர்ஸ் கதிர், சிபிராஜ், அதர்வா என பல நடிகர்களை குறிப்பிட்டு உங்களைப் போல இருக்கிறார் பாருங்கள் என கூறியுள்ளார். இந்த பதிவுகள் இணையத்தில் வைரலாகி வருகிறது.