“சோறுதான்... பசிக்கும்ல...” - மணிரத்ணம் சூட்டிங் ஸ்பாட் குறித்து பொங்கிய நடிகர் கார்த்தி!

“சூட்டிங் சமயத்தில் உங்கள் அன்றாட ரொட்டின் எப்படி இருக்கும்?” என மணிரத்னத்திடம் கேட்கப்பட்டது.

மணிரத்னம்

மணிரத்னம் இயக்கத்தில் உருவான பொன்னியின் செல்வன் திரைப்படம் இந்த மாத இறுதியில் திரையில் வெளியாக இருக்கிறது. இதற்கிடையே படத்தின் ப்ரோமோவுக்காக குழுவினர் மெட்ரோ நகரங்களுக்குப் படையெடுத்து வருகின்றனர். இதில் மணிரத்னனும் பங்கேற்று மீடியாக்களின் கேள்விகளுக்கு பதில் அளித்து வருகிறார். அந்த வரிசையில் “சூட்டிங் சமயத்தில் உங்கள் அன்றாட ரொட்டின் எப்படி இருக்கும்?” என மணிரத்னத்திடம் கேட்கப்பட்டது. அதற்கு பதிலளித்த அவர்..

”என்னுடைய சூட்டிங் ஸ்பாட்டில் காலநேரமே கிடையாது. அவங்களுக்கு சாப்பாடே போடமாட்டேன். சாப்பாடு டைம் கொடுத்தாதானே போய் ஆர அமர இருந்துட்டு வருவாங்க. அதனால் அவர்களுக்கு இடைவேளையே கொடுக்குறது இல்லை.” என்றார். 

அருகில் இருந்த நடிகர் கார்த்தியிடம் அதுபற்றிக் கேட்கப்பட்டது. அவர் கூறுகையில்,”அவருடன் இணை இயக்குநராகப் பணியாற்றிய காலத்திலிருந்தே இப்படித்தான். மணிசாரிடம் வொர்க் செய்யப் போறியா காலையிலயே சாப்பிட்டுட்டு கிளம்பிடு. உழைப்பு முக்கியமா சாப்பாடா என்பது நமது தேர்வுதான் இல்லையா?” என்றார் சிரித்தபடியே.

பொன்னியின் செல்வன் படத்தின் டிக்கெட் ரிசர்வேஷன், சனிக்கிழமை இரவில் துவங்கிய நிலையில், இதுவரை 2.5 லட்சம் டிக்கெட்டுகள் விற்கப்பட்டுள்ளது. இதனால், 4.50 கோடி ரூபாய் வரை வசூலாகியுள்ளது. இதுவரை 225 சினிமா அரங்குகளில் மட்டுமே, பொன்னியின் செல்வன் 1 படத்திற்கான டிக்கெட் ரிசர்வேஷன் துவங்கியுள்ளது. மீதம் உள்ள பெரிய அரங்குகளில், இன்றும் நாளையும் டிக்கெட் புக்கிங் திறக்கப்படும் என்பது குறிப்பிடத்தக்கது. சென்னை, திருச்சி, கோவை, மதுரை ஆகிய மாநகரங்களில் இப்படத்திற்கான டிக்கெட் பதிவீடு மும்முராக நடைபெற்று வருகிறது.

 

 

 

 

 

View this post on Instagram

 

 

 

 

 

 

 

 

 

 

 

A post shared by Jayam Ravi (@jayamravi_official)

 

பீவிஆர், ஐநாக்ஸ் போன்ற பெரிய தியேட்டர்களில் முன்பதிவு துவங்கினால், சென்னை மற்றும் கோவை போன்ற நகரங்களில் கூடுதல் வசூல் நடக்க வாய்ப்புள்ளது. இதற்கு முன்பாக, விக்ரம் பீஸ்ட் மற்றும் வலிமை போன்ற படங்கள் முன்பதிவிலேயே நல்ல வசூலை பெற்றது. இந்த வரிசையில் தற்போது பொன்னியின் செல்வன் படமும் இணைந்துள்ளது.

முதல் நாள் வசூலை தோற்கடிக்காவிட்டாலும், வார இறுதி நாட்களான சனி, மற்றும் ஞாயிற்று கிழமைகளில் இப்படமானது நல்ல வசூல் செய்ய வாய்ப்பு இருக்கிறது. விக்ரம் படமானது, முதல் நாளில் 22 கோடி ரூபாயை வசூல் செய்தது. இப்படம் ஸ்பெஷல் விடுமுறை நாளில் வெளியாகவில்லை . அதுவும் இது அஜித் விஜய் படமும் இல்லை. ஆனால், விக்ரம் முன்பதிவியில் 15 கோடி வசூல் செய்திருப்பது இன்று வரை ஒரு பெரிய சாதனையாக பார்க்கப்படுகிறது. இப்போது ப்ரொமோனுக்காக, படக்குழுவினர் திருவனந்தபுரம், பெங்களூர், ஹைதராபாத், மும்பை ஆகிய நகரங்களுக்கு சென்றுள்ள நிலையில், தற்போது டெல்லியில் கால் தடம் பதித்துள்ளனர்.