Malavika Mohanan Injured: ஆக்ஷன் காட்சி.. படப்பிடிப்பில் மாளவிகா மோகனனுக்கு கையில் காயம்!
யுத்ரா படப்பிடிப்பு தளத்தில் மாளவிகா மோகனனுக்கு காயம் ஏற்பட்டது.
மலையாள திரையுலகின் பிரபல ஒளிப்பதிவாளர் மோகனின் மகள் மாளவிகா மோகனன். கடந்த 2013ஆம் ஆண்டு துல்கர் சல்மான் நடிப்பில் வெளியான பட்டம் போலே படத்தின் மூலம் திரையுலகில் அறிமுகமானவர். தமிழ், தெலுங்கு, மலையாளம் மற்றும் இந்தி உள்ளிட்ட மொழிகளில் நடித்து வருகிறார்
தமிழில் கார்த்திக் சுப்பாராஜ் இயக்கத்தில் சூப்பர் ஸ்டார் ரஜினிகாந்த் நடிப்பில் வெளியான பேட்ட திரைப்படத்தில் சசிகுமாருக்கு ஜோடியாக நடித்து கோலிவுட்டில் அறிமுகமான மாளவிகா மோகனன் அடுத்ததாக தளபதி விஜய் நடித்த மாஸ்டர் படத்தில் ஹீரோயினாக நடித்தார்.
மாஸ்டர் படத்தை முடித்த கையோடு நடிகர் தனுஷ் நடிப்பில் உருவாகி வரும் மாறன் திரைப்படத்தில் அவருக்கு ஜோடியாக நடித்து வருகிறார் மாளவிகா. மாஃபியா பட இயக்குநர் கார்த்திக் நரேன் இந்தப் படத்தை இயக்கியுள்ளார். படத்தின் இறுதிக்கட்ட பணிகள் மும்முரமடைந்துள்ளன. இதனால் விரைவில் ரிலீஸாகும் என எதிர்பார்க்கப்படுகிறது.
இதற்கிடையே, 2017ஆம் ஆண்டு வெளியான பியாண்ட் தி கிளவுட்ஸ் எனும் ஹிந்தி படத்தில் நடித்து பாலிவுட்டில் அறிமுகமான மாளவிகா மோகனன் தற்போது சித்தாந்த் சதுர்வேதி நடிப்பில் உருவாகிவரும் யுத்ரா என்ற ஹிந்தி திரைப்படத்தில் ஹீரோயினாக நடித்து வருகிறார். ஃபர்கான் அக்தர் எழுத்தில் உருவாகி வரும் இந்தப் படத்தை ரவி உத்யவார் இயக்கி வருகிறார். இந்தப் படத்தில் அவருக்கு ஆக்ஷன் காட்சிகள் அதிகம் வைக்கப்பட்டிருக்கின்றன.
View this post on Instagram
இந்நிலையில் படப்பிடிப்பு தளத்தில் மாளவிகா மோகனனுக்கு அவரது கையில் காயம் ஏற்பட்டுள்ளது. காயமடைந்த கையுடன் தனது இன்ஸ்டாகிராமில் புகைப்படத்தை பகிர்ந்துள்ள மாளவிகா மோகனன், “ நீங்கள் ஒரு ஆக்ஷன் படத்தின் படப்பிடிப்பில் இருக்கும்போது, காயங்கள் ஒரு கட்டத்திற்குப் பிறகுதான் லேசான கீறல்களாக உணர முடியும்” என பதிவிட்டுள்ளார்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
Before You Go
Parthiban Apology | ”நான் சாதி பார்க்குறவனா? வாய் தவறி பேசிட்டேன்” பார்த்திபன் அந்தர்பல்டி
தலைப்பு செய்திகள்
ட்ரெண்டிங் செய்திகள்
