![ABP Premium](https://cdn.abplive.com/imagebank/Premium-ad-Icon.png)
Madhuri Dixit Mother Death: பிரபல பாலிவுட் நடிகை மாதுரி தீட்சித் தாயார் மறைவு - ரசிகர்கள், பிரபலங்கள் அஞ்சலி
இது குறித்து தன் சமூகவலைதளப் பக்கத்திலும் தன் அன்னையின் புகைப்படத்துடன் பதிவிட்டு வேதனை தெரிவித்துள்ளார் மாதுரி.
![Madhuri Dixit Mother Death: பிரபல பாலிவுட் நடிகை மாதுரி தீட்சித் தாயார் மறைவு - ரசிகர்கள், பிரபலங்கள் அஞ்சலி Madhuri Dixit Mother Snehlata Dixit Passed Away at 91 Funeral to be Held in Mumbai Madhuri Dixit Mother Death: பிரபல பாலிவுட் நடிகை மாதுரி தீட்சித் தாயார் மறைவு - ரசிகர்கள், பிரபலங்கள் அஞ்சலி](https://feeds.abplive.com/onecms/images/uploaded-images/2023/03/12/5b5031f8d106a071df4d6711392f78781678609664412574_original.jpg?impolicy=abp_cdn&imwidth=1200&height=675)
பிரபல நடிகை மாதுரி தீட்சித்தின் தாய் ஸ்னேகலதா தீட்ஷித் உயிரிழந்துள்ளது பாலிவுட் திரையுலகில் சோகத்தை ஏற்படுத்தியுள்ளது.
தாயை இழந்து வாடும் மாதுரி
பாலிவுட் சினிமாவில் 1988ஆம் ஆண்டு அறிமுகமாகி கடந்த 30 ஆண்டுகளுக்கும் மேலாக பிரபல நடிகைகளுள் ஒருவராக விளங்குபவர் நடிகை மாதுரி தீட்சித். இவரது அம்மா ஸ்னேகலதா தீட்சித் இன்று தன் 90ஆவது வயதில் உயிரிழந்ததாக மாதுரி வருத்தத்துடன் அறிவித்துள்ளார்.
இது குறித்து மாதுரி தீட்சித் மற்றும் அவரது கணவர் ஸ்ரீராம் நேனே வெளியிட்டுள்ள அறிக்கையில், எங்கள் அன்புக்குரிய ஆயி (Aai) சிநேகலதா தீட்சித், இன்று காலை அவரது அன்புக்குரியவர்கள் சூழ்ந்திருந்த தருணத்தில் அமைதியாக இயற்கை எய்தினார்" எனத் தெரிவித்துள்ளனர். மேலும் இது குறித்து தன் சமூகவலைதளப் பக்கத்திலும் தன் அன்னையின் புகைப்படத்துடன் பதிவிட்டு மாதுரி வேதனைத் தெரிவித்துள்ளார்.
ரசிகர்கள், திரையுலகினர் ஆறுதல்
வயது மூப்பு காரணமாக மாதுரியின் தாய் உயிரிழந்ததாக கூறப்படும் நிலையில், மாதுரியின் ரசிகர்களும் திரைத்துறையினரும் அவருக்கு தொடர்ந்து ஆறுதல் தெரிவித்து வருகின்றனர்.
முன்னதாக சென்ற ஆண்டு தன் அன்னையின் பிறந்தநாளுக்கு மாதுரி வெளியிட்ட உணர்வுப்பூர்வமான பதிவு இணையத்தை ஆக்கிரமித்தது. அதேபோல் அன்னையர் தினத்தன்றும் தன் அன்னை ஸ்நேகலதா தீக்ஷித் மற்றும் தன் சகோதரிகள் என குடும்பமாக இருக்கும் புகைப்படத்தை மாதுரி பகிர்ந்திருந்தார்.
இந்நிலையில், தாயை இழந்து வாடும் மாதுரி தீட்சித்துக்கு அவரது ரசிகர்கள் சமூக வலைதளங்களில் ஆறுதல் தெரிவித்து வருகின்றனர்.
நடிப்பு ,நடனத்தால் கட்டிப்போட்டவர்
தன் நடிப்பு மற்றும் நடனத்தால் பாலிவுட்டை கட்டிப்போட்ட நடிகை மாதுரி தீட்சித்துக்கு தற்போது 55 வயதாகிறது.
தேசாப் படத்தில் அனில்கபூருக்கு ஜோடியாக 1988ஆம் ஆண்டு அறிமுகமான மாதுரி, ‘ஏக் தோ தீன்...’ என்ற ஒற்றைப் பாடலில் நாட்டின் இண்டு இடுக்களிலெல்லாம் பிரபலமானார். தொடர்ந்து தன் நடிப்பு மற்றும் நடனத்தால் உலகம் முழுவதும் ரசிகர்களை ஈர்த்து இன்று வரை தனக்கென தனி ரசிகர் பட்டாளத்தைக் கொண்டுள்ளார்.
வெள்ளித்திரை தொடங்கி தொலைக்காட்சி நடன நிகழ்ச்சிகள் வரை தொடர்ந்து ஆக்டிவ்வாக வலம் வரும் மாதுரி இறுதியாக நடித்த மஜா மா படம் நல்ல வரவேற்பைப் பெற்றது . சென்ற ஆண்டு அமேசான் ப்ரைம் ஓடிடி தளத்தில் வெளியான இந்தப் படம் நல்ல விமர்சனங்களைப் பெற்றது குறிப்பிடத்தக்கது.
தலைப்பு செய்திகள்
ட்ரெண்டிங் செய்திகள்
![ABP Premium](https://cdn.abplive.com/imagebank/metaverse-mid.png)
![வினய் லால்](https://cdn.abplive.com/imagebank/editor.png)