Ma Ka Pa Anand: விஜய் டிவி ஷோக்களை விட்டு வெளியேறும் மா.கா.பா? இதுதான் காரணமா..!?
விஜய் டிவியில் தான் தொகுத்து வழங்கி வந்த நிகழ்ச்சிகளை விடுத்து, மா.கா.பா செல்ல இருப்பதாக தகவல் வெளியாக இருக்கிறது.
விஜய் டிவியின் பிரபல தொகுப்பாளராக வலம் வருபவர் மா.கா.பா ஆனந்த். விஜய் டிவியின் முக்கிய நிகழ்ச்சிகளை தொகுத்து வழங்கி வரும் இவர் நிகழ்ச்சிகளுக்கு இடையே அடிக்கும் காமெடிக்கள் ரசிகர்கள் மத்தியில் பெரும் வரவேற்பை பெற்றது. குறிப்பாக இவரும் பிரியங்காவும் தொகுத்து வழங்கும் நிகழ்ச்சிகளில், இருவரும் அடிக்கும் லூட்டிகள் அனைத்தும் வேறலெவல் ஹிட் ரகம்.
View this post on Instagram
சுவர்களில் போஸ்டர்கள் ஒட்டி, பின்னர் ரேடியோவால் ஆர்.ஜே. வாக பணியாற்றி தொடர்ந்து ‘சினிமா காரம் காபி’ நிகழ்ச்சி மூலம் விஜய் டிவிக்கு வந்தவர் மா.கா.பா ஆனந்த். நிகழ்ச்சிகளை தொகுத்து வழங்குவதோடு யூடியூப் சேனல் வாயிலாக தனது பர்சனல் பக்கங்களையும் பகிர்ந்து வருகிறார். இதுவும் மக்கள் மத்தியில் ஏகோபித்த வரவேற்பை பெற்று வருகிறது.
View this post on Instagram
விஜய் டிவியின் அடுத்த சிவகார்த்திகேயனாக பார்க்கப்படும் மா.கா.பா அவரைபோலவே வெள்ளித்திரையிலும் கால்பதித்தார். ‘வானவராயன் வல்லவராயன்’ திரைப்படம் மூலம் சினிமாவில் அறிமுகமான மா.கா.பா நவரச திலகம், கடலை, மீசையை முறுக்கு உள்ளிட்ட பல படங்களில் நடித்தார். ஆனால் சின்னத்திரையில் அவருக்கு கிடைத்த வெற்றி வெள்ளித்திரையில் கிடைக்கவில்லை.
அதனால் தொடர்ந்து விஜய் டிவியில் பல்வேறு நிகழ்ச்சிகளை தொகுத்து வழங்கி வருகிறார். இடையே பிரியங்கா பிக்பாஸ் நிகழ்ச்சிக்கு சென்று விட்ட நிலையில், கிட்டத்தட்ட பெரும்பான்மையான ஷோக்களின் ஆங்கராக மா.கா.பாவே வலம் வந்தார். தற்போது சூப்பர் சிங்கர், ஸ்டார்ட் மியூசிக் நிகழ்ச்சிகளை தொகுத்து வழங்கி வரும் அவர், இனி அந்த நிகழ்ச்சிகளை தொகுத்து வழங்கப்போவதில்லை என்று தகவல் வெளியாகியுள்ளது. அது என்ன காரணம் என்று விசாரித்தால் தாய்லாந்திற்கு அவர் சுற்றுலா செல்ல இருப்பதால், அதிலிருந்து விலகி இருப்பதாக சொல்லப்படுகிறது.
Before You Go
Parthiban Apology | ”நான் சாதி பார்க்குறவனா? வாய் தவறி பேசிட்டேன்” பார்த்திபன் அந்தர்பல்டி
தலைப்பு செய்திகள்
ட்ரெண்டிங் செய்திகள்
