LEO First Look: வெறித்தனமான வேட்டை... தாறுமாறு கெட்டப்பில் விஜய்.. லியோ ஃபர்ஸ்ட் லுக் போஸ்டர் ரிலீஸ்

LEO First Look Poster: நடிகர் விஜய் நடிக்கும் லியோ (LEO) படத்தின் ஃபர்ஸ்ட் லுக் போஸ்டர் வெளியாகி ரசிகர்களிடையே பெரும் வரவேற்பை பெற்றுள்ளது. 

லியோ ஃபர்ஸ்ட் லுக்

LEO First Look: நடிகர் விஜய் நடிக்கும் லியோ (LEO) படத்தின் ஃபர்ஸ்ட் லுக் போஸ்டர் வெளியாகி ரசிகர்களிடையே பெரும் வரவேற்பை பெற்றுள்ளது. 

மீண்டும் இணைந்த மாஸ்டர் கூட்டணி 

கடந்த 2021 ஆம் ஆண்டு விஜய் நடிப்பில் ‘மாஸ்டர்’ படம் வெளியானது. இந்த படத்தில் முதல்முறையாக அவர் இயக்குநர் லோகேஷ் கனகராஜூடன் இணைந்திருந்தார். இந்த படம் சூப்பர் ஹிட் ஆன நிலையில், மீண்டும் இந்த கூட்டணி ‘லியோ’ படத்தின் மூலம் ஒன்றிணைந்தது. இந்த படத்தில் ஹீரோயினாக த்ரிஷா நடிக்கிறார். அதுமட்டுமல்லாமல்  சஞ்ஜய் தத், சாண்டி மாஸ்டர், இயக்குநர்கள் கெளதம் மேனம், மிஷ்கின், பிரியா ஆனந்த், அர்ஜுன், மன்சூர் அலிகான்,மேத்தியு தாமஸ்,ஜோஜூ ஜார்ஜ், மடோனா செபாஸ்டியன் என ஏகப்பட்ட நட்சத்திரங்கள் நடிக்கின்றனர். அனிருத் இப்படத்திற்கு இசையமைக்கிறார். 

விறுவிறுப்பாக நடைபெற்ற படப்பிடிப்பு

லியோ படத்தின் முதற்கட்ட படப்பிடிப்பு காஷ்மீரிலும், இரண்டாம் கட்ட படப்பிடிப்பு சென்னையிலும் நடைபெறுகிறது. இன்னும் 20 நாட்கள் ஷூட்டிங் மட்டுமே பாக்கியுள்ள நிலையில் படமானது அக்டோபர் 19 ஆம் தேதி வெளியாகும் என டைட்டில் வெளியான போதே அறிவிக்கப்பட்டது. இன்னும் 4 மாதங்கள் மட்டுமே உள்ள நிலையில் அடுத்தடுத்து படத்தின் அப்டேட் அடுத்தடுத்து வெளியாகி வருகிறது. இதேபோல் படத்தில் நடித்துள்ள நட்சத்திரங்கள் பல சுவாரஸ்யமான தகவல்களை வெளியிட்டதால் எதிர்பார்ப்பு எகிறியது.

விஜய் ரசிகர்களுக்கு ட்ரீட் 

இதனிடையே இன்று விஜய் தனது 49வது பிறந்தநாளை கொண்டாடுகிறார். இதனை முன்னிட்டு இன்று லியோ படத்தில் இடம் பெற்றுள்ள நடிகர் விஜய் பாடிய ‘நா ரெடி’ பாடல் வெளியாகும் என அறிவிக்கப்பட்டுள்ளது. இதற்கான ப்ரோமோ நேற்று முன்தினம் (ஜூன் 20)  வெளியாகி வரவேற்பை பெற்றது. மேலும் விஜய் பிறந்தநாளை முன்னிட்டு அவரின் பழைய படங்கள் திரையிடப்படுகின்றன. 

இந்நிலையில் ரசிகர்களுக்கு சர்ப்ரைஸ் ட்ரீட் தரும் வகையில் லியோ படத்தின் ஃபர்ஸ்ட் லுக் போஸ்டர் வெளியாகியுள்ளது. இதனை ரசிகர்கள் சமூக வலைத்தளங்களில் கொண்டாடி வருகின்றனர். 

மேலும் படிக்க: Vijay Kutty Story Round up: விஜய்யின் குட்டி ஸ்டோரீஸ் ஞாபகம் இருக்கா... இதோ குட்டி கதைகளின் ரவுண்டு அப்!