Kayal Actress Abi Navya: “250 ஆடிசன் சென்றேன்; அட்ஜஸ்மெண்ட் செய்வீர்களா என்றார்கள்..” - மொத்தமாக போட்டு உடைத்த கயல் சீரியல் நடிகை

ஆடிசனுக்கு போன இடங்களில் இந்த மாதிரிதான் தன்னிடம் கேட்டுள்ளதாகவும், 250 ஆடிசனுக்கு மேல் பல இடங்களில் சென்றுள்ளதாகவும் கூறினார் நடிகை அபி நவ்யா.

அபி நவ்யா

பெண்கள் தாங்கள் பணிபுரியும் இடங்களில் பல்வேறு பிரச்னைகளை சந்தித்து வருவது காலம் காலமாக நடைபெற்று வருகிறது. முக்கியமாக சில வக்கிர புத்திக்கொண்ட ஆண்களால், அவர்கள் பாலியல் தொல்லைகளுக்கு ஆளாகுவதும் போன்ற சம்பவங்கள் நடைபெறுகிறது.

நம் நாட்டில் மக்கள் அதிகம் யோசிக்ககூடிய, பேசக்கூடிய அரசியல் மற்றும் சினிமாவில் இருக்கும் பெண்களுக்கு பாலியல் தொல்லைகள், சீண்டல்கள் என பல்வேறு கொடுமைகள் அரங்கேறி வருகிறது. அந்தத் துறையில் இதெல்லாம் சாதாரணம் என்று பொதுபுத்தி உள்ளவர்கள் கூறினாலும், அதில் இருப்பவர்களும் பெண்கள் தானே என்ற எண்ணம் தற்போது பலருக்கும் ஏற்பட்டு வருகிறது. Metoo மூலம் தங்களுக்கு நேர்ந்த பாலியல் கொடுமைகள் வெளியில் கூறியதால்தான், பலரும் இவர்கள் எல்லாம் இதுபோல நடந்துக்கொண்டிருக்கிறார்களா? என்ற ஆச்சர்யமும், அதிர்ச்சியும் ஏற்பட்டது.

கடந்த காலங்களில் தங்களுக்கும் ஏற்பட்ட பாலியல் தொல்லைகள் குறித்து நடிகைகள் வெளியில் கூறாமல் இருந்தனர். அதற்கான வாய்ப்பும் குறைவாகவும் இருந்தது. தற்போது, நிலைமை அப்படி இல்லை, இப்போதுள்ள நடிகைகள் தங்களுக்கு நிகழ்ந்த கொடுமைகள், தொல்லைகள் குறித்து தைரியமாக வெளியில் சொல்லத் தொடங்கிவிட்டனர்.

அந்த வகையில், சன் டிவியில் ஒளிபரப்பாகி வரும்  ‘கயல்’ சீரியலில் நடித்து வரும் அபி நவ்யா, சீரியலில் நடிப்பதற்கு வாய்ப்பு கேட்டு முயற்சி செய்தபோது, அட்ஜெஸ்ட்மெண்ட் செய்வீர்களா? எனக் கேட்டுள்ளனர் என்று கூறியுள்ளார்.

இதுகுறித்து அவர் கூறுகையில், செய்தி வாசிப்பாளராக பணியாற்றியபோது, சீரியலில் நடிக்க வாய்ப்பு கிடைத்ததாகவும், தனது முதல் சீரியல் பிரியமானவளே என்றும் கூறினார். சீரியலில் ரொம்ப ஈஸியாக எல்லாம் வாய்ப்பு கிடைத்துவிடாது. ரொம்ப கஷ்டப்பட்டுதான் சீரியல்களில் நடிக்க முடியும் என்றும், வாய்ப்பு தேடி போகும் இடத்தில் தன்னிடம் நேரடியாகவே முகத்துக்கு நேராக அட்ஜெஸ்ட்மெண்ட் செய்ய முடியுமா? என்றெல்லாம் கேட்டு இருக்கிறார்கள் என்றும் என்ற அதிர்ச்சி தகவலை அபி நவ்யா கூறியுள்ளார்.

தொடர்ந்து அவர் அளித்த பேட்டியில், ஆடிசனுக்கு போன இடங்களில் இந்த மாதிரிதான் தன்னிடம் கேட்டுள்ளதாகவும், 250 ஆடிசனுக்கு மேல் பல இடங்களில் சென்றுள்ளதாகவும், அந்த இடங்களில் அட்ஜெட்ஸ்ட்மெண்ட் குறித்து நேராடியாகவே கேட்கிறார்கள் என்றும் தெரிவித்தார்.

புதுசாக சினிமாவிற்குள் நுழைய நினைக்கும் பெண்களுக்கு இதுபோன்ற பல பிரச்னைகளை சந்தித்து வருவதாகவும், பெண்கள் தான் ஜாக்கிரையுடன் இருக்க வேண்டும் எனவும் அபி நவ்யா கூறியுள்ளார். இவரின் இந்தப்பேட்டி சின்னத்திரையில் அதிர்வலைகளை ஏற்படுத்தியுள்ளது.

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்

ABP நாடு செய்திகளை சமூக வலைத்தள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர

யூட்யூபில் வீடியோக்களை காண