Actor Vijay: 12 வருஷம்.. பெரிய உதவியை விஜய் பண்ணாரு.. நெகிழ்ந்துபோன காக்கா முட்டை பாட்டி..

பீஸ்ட் பீவர் ஒருபுறம் இருக்க விஜயின் வெளிவராத உதவி ஒன்று வீடியோவாக வைரலாகி வருகிறது.

காக்கா முட்டை பாட்டி

நடிகர் விஜய்தான்  தன் பேத்தியை 1 முதல் 12-ஆம் வகுப்பு வரை படிக்க வைத்ததாக காக்காமுட்டை பாட்டி தெரிவித்துள்ளார். அந்த வீடியோ இணையத்தில் வேகமாக பரவி வருகிறது

நடிகர் விஜய் நடிப்பில், இயக்குனர் நெல்சன் இயக்கத்தில், சன்பிக்சர்ஸ் தயாரித்த பீஸ்ட் திரைப்படம் இன்று வெளியானது. சென்னை உள்ளிட்ட தமிழ்நாடு முழுக்க, பெரும்பாலான திரையரங்குகளில் பீஸ் திரைப்படம் வெளியாகி தியேட்டர்கள் திருவிழாக் கோலம் பூண்டன. 

அதிகாலை 4 மணிக்கெல்லாம் பெரும்பாலான தியேட்டர்களில் சிறப்பு காட்சிகள், ரசிகர்கள் காட்சிகளாக திரையிடப்பட்டன. குறிப்பாக சென்னையில் பெரும்பாலான தியேட்டர்களில் விஜய் ரசிகர்கள் கொண்டாடித் தீர்த்தனர்.இப்படி பீஸ்ட் பீவர் ஒருபுறம் இருக்க விஜயின் வெளிவராத உதவி ஒன்று வீடியோவாக வைரலாகி வருகிறது. நடிகர் விஜய்தான்  தன் பேத்தியை 1முதல் 12ம் வகுப்பு வரை படிக்க வைத்ததாக காக்காமுட்டை பாட்டி தெரிவித்த அந்த வீடியோதான் இணைய வைரலாக பரவி வருகிறது.

யூடியூப் சேனல் ஒன்றுக்கு பேசிய காக்காமுட்டை புகழ் பாட்டி, ''நாங்கள் திரைப்பட ஷூட்டிங் போனபோது நடிகர் விஜய் குழந்தைகளை படிக்க வைப்பதாக பேசிக்கொண்டார்கள். உனடியாக நான் விஜயின் அலுவலகத்தைத் தேடி சென்றேன். சாலிகிராமத்தில் உள்ள அவரது அலுவலகத்துக்குச் சென்று எழுதிக்கொடுத்தோம். நாங்கள் நடிகர் சங்கத்தில் உறுப்பினர். எங்களுக்கு வருமானம் சொற்பம். எங்கள் பிள்ளைகள் படிக்க ஆசைப்படுகிறார்கள். அதனால் என் பேத்தியை படிக்க வைக்க வேண்டுமென்று எழுதிக்கொடுத்தோம்.

அவர்கள் எங்களை போன் செய்து அழைத்தார்கள். எந்த பள்ளியில் படிக்க வைக்கப்போகிறீர்கள் எனக்கேட்டார்கள். நாங்கள் பள்ளியைக் கூறினோம். பள்ளியில் இருந்து லெட்டர் ஒன்றையும் கேட்டார்கள். அதையும் கொடுத்தோம், அதன்பிறகு 1ம் வகுப்பு முதல் 12ம் வகுப்பு வரை படிக்க வைத்தார்கள். அதேபோல் பேத்தியின் திருமணத்துக்கு பத்திரிகை கொடுத்தோம். திருமண நேரத்துக்கு பண உதவி கிடைக்கும் என்று சொன்னார்கள். அதேபோல் சரியாக திருமண நேரத்துக்கு குறிப்பிட்ட தொகையை பேத்தி கையில் கொடுத்துவிட்டு மேனேஜர் சென்றார். நான் விஜயுடன் சுறா, தெறி, பிகில் உள்ளிட்ட படங்களில் நடித்துள்ளேன்'' என்றார்.

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்

ABP நாடு செய்திகளை சமூக வலைதள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர

யூடிபில் வீடியோக்களை காண