குடை பிடிக்கும் நபர் பாவம்..அரசியல் பேசுனா மட்டும் போதுமா..வைரல் வீடியோவால் சர்ச்சையில் எச் வினோத்
ஜனநாயகன் திரைப்பட இயக்குநர் எச் வினோத் அனிருத் மற்றும் யோகி பாபு ஆகிய மூவரும் உரையாடும் வீடியோ இணையத்தில் பேசுபொருளாகியுள்ளது
கொட்டும் மழையில் நின்றுகொண்டு ஜனநாயகன் படத்தின் இயக்குநர் எச் வினோத் , அனிருத் மற்றும் நடிகர் யோகி பாபு இணைந்து உரையாடும் வீடியோ ஒன்று சமூக வலைதளத்தில் வைரலாகி வருகிறது. மூவருக்கும் அவரது உதவியாளர்கள் தனித்தனியாக குடை பிடித்து நிற்பது ரசிகர்களிடையே பேசுபொருளாகியுள்ளது. தனது படங்களிலும் நேர்காணல்களிலும் அறத்தை பேசும் எச் வினோத் தன்னிடம் பணியாற்றுபவர்களை இன்னும் கொஞ்சம் மரியாதையுடன் நடத்தலாம் என நெட்டிசன்கள் விமர்சித்து வருகிறார்கள்.
சதுரங்க வேட்டை திரைப்படத்தின் மூலம் தமிழ் சினிமாவில் கவனமீர்த்த இயக்குநரானார் எச் வினோத். கார்த்தி நடித்த தீரன் திரைப்படத்தின் வெற்றியைத் தொடர்ந்து அடுத்தடுத்து அஜித்தை வைத்து மூன்று படங்களை இயக்கும் வாய்ப்புகளைப் பெற்றுத் தந்தது. மக்களுக்கான அரசியல் கருத்துக்களை தனது படங்களில் கமர்சியல் தன்மையுடன் பேசி வருபவர் எச் வினோத். படங்கள் தவிர்த்து நேர்காணல்களிலும் இவரது அரசியல் பார்வை மற்றும் பொதுவான விஷயங்கள் குறித்த இவரது கருத்துக்கள் கவனத்தை ஈர்க்கும் விதமாக இருந்தன. சினிமாவில் இருந்து விஜய் ஓய்வுபெற்று அரசியலுக்கு வரவிருந்த போது அவரது கடைசி படத்தை யார் இயக்கப் போகிறார் என்பது குறித்து பெரியளவில் எதிர்பார்ப்பு இருந்தது. பல இயக்குநர்களிடம் கதை கேட்ட விஜய் கடைசியா எச் வினோத்தை தேர்வு செய்தார்.
ஜனநாயகன் திரைப்படம் சென்சார் பிரச்சனையால் இதுவரை நிலுவையில் இருந்து வருகிறது. ஆனால் அதற்கு பெரிதாக அலட்டிக்கொள்ளாமல் செம கூலாக இருந்து வருகிறார் எச் வினோத். ஜனநாயகன் படம் வெளியாகாத காரணம் பற்றி தன்னால் பேச முடியாது என்று எச் வினோத் சமீபத்தில் தெரிவித்த கருத்து சர்ச்சையை ஏற்படுத்திருந்த நிலையில் தற்போது அவரது மற்றொரு வீடியோ வைரலாகி நெட்டிசன்களிடம் விமர்சனங்களைப் பெற்று வருகிறது.
வைரல் வீடியோவால் சர்ச்சை
இயக்குநர் எச் வினோத் , இசையமைப்பாளர் அனிருத் மற்றும் நடிகர் யோகி பாபு ஆகிய மூவரும் இணைந்து திரைப்பட செட் ஒன்றில் சந்தித்துக் கொண்டு உரையாடினார்கள். பலத்த காத்துடன் மழை பெய்த போதிலும் மூவரும் பேசிக்கொண்டிருக்க அவர்களது உதவியாளர்கள் குடை பிடித்து நின்றார்கள். பலத்த காத்து அடித்ததில் எச் வினோத்தின் உதவியாளர் அந்த குடையை பிடிக்க மிகுந்த சிரமப்படுவதை இந்த வீடியோவில் ரசிகர்கள் சுட்டிக்காட்டி வருகிறார்கள். தனது படங்களில் மற்றும் பேட்டிகளில் அரசியல் கருத்துக்களை பேசும் எச் வினோத் தனது உதவியாளரை இப்படி தான் நடத்துவாரா என நெட்டிசன்கள் கேள்வி எழுப்பி வருகிறார்கள். அப்படி பேச வேண்டும் என்றாலும் மூவரும் ஏதாவது ஒரு இடத்தில் உட்கார்ந்து கூட பேசலாமே. சினிமாக்காரர்கள் பண்ணையார்கள் மாதிரி நடந்துக் கொள்வதை எப்போது நிறுத்தப் போகிறார்கள் என நெட்டிசன்கள் கேள்வி எழுப்பி வருகிறார்கள்.
That Umbrella Boys 👀☂️ pic.twitter.com/Nassj5QMvI
— Christopher Kanagaraj (@Chrissuccess) June 20, 2026
தலைப்பு செய்திகள்
ட்ரெண்டிங் செய்திகள்
