Jailer Second Single: சூப்பர் ஸ்டார் சம்பவம் லோடிங்.. ஜெயிலர் செகண்ட் சிங்கிள் அப்டேட் கொடுத்த படக்குழு!

ஜெயிலர் படத்தின் இரண்டாவது பாடல் பற்றிய அப்டேட்டை படக்குழு பகிர்ந்துள்ளது.

ஜெயிலர் ரஜினி

நடிகர் ரஜினிகாந்த் நடிப்பில் நெல்சன் திலீப்குமார் இயக்கத்தில் பெரும் எதிர்பார்ப்புகளை ஏற்படுத்தியுள்ள திரைப்படம் ஜெயிலர். தமன்னா, ரம்யா கிருஷ்ணன், மோகன்லால், ஜாக்கி ஷெராஃப், சுனில், சிவராஜ் குமார், வசந்த் ரவி என பெரும் நட்சத்திரப் பட்டாளம் இப்படத்தில் நடித்துள்ள நிலையில் வரும் ஆகஸ்ட் 10ஆம் தேதி இப்படம் வெளியாக உள்ளது.

முன்னதாக ஜெயிலர் படத்தின் முதல் சிங்கிள் பாடலான காவாலா சென்ற வாரம் வெளியானது. தமன்னாவின் அதிரடி நடனத்துடன் வெளியான இப்பாடல் பெரும் வரவேற்பைப் பெற்று இணையத்தை ஆக்கிரமித்துள்ள நிலையில் தற்போது இரண்டாவது பாடல் பற்றிய அப்டேட் வெளியாகியுள்ளது.

இந்நிலையில் இப்படத்தின் இரண்டாவது பாடல் பற்றிய அப்டேட் நாளை மாலை 6 மணிக்கு வெளியிடப்படும் என படக்குழு அறிவித்துள்ளது. காவாலா பாடல் தமன்னா பாடலாக அமைந்தது ஒரு வகையில் ரஜினிகாந்த் ரசிகர்களை சோகத்தில் ஆழ்த்திய நிலையில், இந்தப் பாடல் நடிகர் ரஜினிகாந்தின் இண்ட்ரோ பாடல் அல்லது அவரை மையப்படுத்திய பாடலாக இருக்கும் என எதிர்பார்க்கப்படுகிறது.

Superstar Sambhavam loading🔥 #JailerSecondSingle update tomorrow @ 6pm !@rajinikanth @Nelsondilpkumar @anirudhofficial @Mohanlal @NimmaShivanna @bindasbhidu @tamannaahspeaks @meramyakrishnan @suneeltollywood @iYogiBabu @iamvasanthravi @kvijaykartik @Nirmalcuts @KiranDrk… pic.twitter.com/XSodO5wsFP

— Sun Pictures (@sunpictures) July 12, 2023

மேலும் இதுகுறித்து சூப்பர்ஸ்டார் சம்பவம் லோடிங் என சன் பிச்சர்ஸ் பதிவிட்டுள்ள நிலையில், ரஜினி ரசிகர்கள் பெரும் எதிர்பார்ப்பில் ஆழ்ந்துள்ளனர்.