Sattendru Maarudhu Vaanilai Review : ஜெய் நடித்துள்ள சட்டென்று மாறுது வானிலை பட விமர்சனம்
Sattendru Maarudhu Vaanilai Movie Review : பாபு விஜய் இயக்கத்தில் ஜெய் நடித்துள்ள சட்டென்று மாறுது வானிலை படத்தின் திரை விமர்சனம் இதோ
பாபு விஜய் இயக்கத்தில் ஜெய் , யோகி பாபு மீனாட்சி கோவிந்தராஜன் கருட ராம் சத்யன் ஸ்ரீமன் ஆதியா கதிர் ஆகியோர் நடித்துள்ள படம் சட்டென்று மாறுது வானிலை. கடந்த மே 15 ஆம் தேதி இப்படம் திரையரங்கில் வெளியானது. கிரிஷ் கோபாலகிருஷ்ணன் படத்திற்கு இசையமைத்துள்ளார்.
படத்தின் கதை
ஐ.சி ஊழியரான ஜெய் நாயகி மீனாட்சியை ஒரு பப்பில் பார்த்த மாத்திரத்தில் காதல் கொள்கிறார். மீனாட்சி ஒரு பெரிய அமைச்சரின் மகள் என்றும் தெரியாமல் அவரை திருமணமும் செய்துகொள்கிறார் . மீனாட்சியின் அப்பா அரசியல் லாபத்திற்காக தனது மகளை மூத்த அமைச்சருக்கு இரண்டாவது திருமணம் செய்து வைக்க திட்டமிட்டிருந்த நிலையில் அவரது ஆசையில் மண்ணள்ளி போடுகிறார் ஜெய் . இதனால் மீனாட்சியின் தந்தை அவரை ஜெய்யிடம் இருந்து பிரிக்க நினைக்கிறார். இப்படியான சூழலில் தான் ஜெய் மற்றும் மீனாட்சி கொடைக்கானலில் ஒரு சொகுசு விடுதியில் தேனிலவுக்கு செல்கிறார்கள். இந்த சொகுசு விடுதியை கருடா ராம் நடத்தி வருகிறார். காதல் ஜோடிகளுக்கு ஆபரில் ரூம் கொடுத்து அவர்களை வீடியோ எடுத்து இணையத்தில் டார்க் வெப்பில் விற்று சம்பாதித்து வருகிறார் கருடா ராம். இதனை ஜெய் கண்டுபிடித்து இந்த உண்மையை வெளிக் கொண்டு வர நினைக்கிறார் . அப்போது பார்த்து அவரது மனைவி மீனாட்சி திடீரென்று காணாமல் போகிறார். இதனால் காவல் துறை ஜெய் மேல் சந்தேகப்பட்டு அவரை கைது செய்கிறது. சொகுசு விடுதியில் நடக்கும் சதிவேலைகளை அம்பலப்படுத்தி தனது மனைவியை ஜெய் கண்டுபிடித்தாரா என்பதே சட்டென்று மாறுது வானிலை படத்தின் மீதிக் கதை.
கதைக்களம் புதிதாக இருந்தாலும் திரைக்கதையில் சுவாரஸ்யமாக கதை சொல்ல தவறியிருக்கிறார்கள் . காதலர்களை வீடியோ எடுத்து விற்கும் வில்லன் கதையில் இருந்தாலும் அது போதாது என்று மேலும் இரண்டு வில்லன்களை கதையில் இணைத்திருக்கிறார்கள். இதனால் கதை கோர்வையே இல்லாமல் தாவுகிறது. ரொமாண்டிக் காட்சிகள் மற்றும் ஆக்ஷன் காட்சிகளில் ஜெய் புது எனர்ஜியை கொண்டு வந்திருக்கிறார். படத்தில் ஜெய் விஜய் ரசிகராக நடித்துள்ளார். இதனால் அடிக்கடி விஜயின் மேனரிஸத்தை ஜெய் செய்வது கொஞ்சம் நம் பொறுமையை சோதிக்கலாம். நாயகிய மீணாட்சி ஜெய்க்கு ஏற்ற ஜோடியாக திரையில் ஈடுகொடுத்துள்ளார். காதல் காட்சிகளில் அவரது துணிச்சல் ஆச்சரியப்படுத்தலாம். யோகிபாபு மற்றும் பிறரின் நகைச்சுவை காட்சிகள் சிரிப்பூட்டவில்லை.
படத்தின் மிகப்பெரிய பலமாக ரிச்சர்ட் எம் நாதனின் ஒளிப்பதிவை சொல்லலாம். காட்சிகள் ஒவ்வொன்றையும் கண்கவரும் விதமாக உருவாக்கியுள்ளார். கிரிஷ் கோபாலகிருஷ்ணனின் பின்னணி இசை மற்றொரு மிகப்பெரிய பலம் . சுவாரஸ்யமான ஐடியா என்றாலும் தேவையற்ற உப கதைகளை தவிர்த்திருந்தால் மேலும் விறுவிறுப்பாக படத்தை முடித்திருக்கலாம்
தலைப்பு செய்திகள்
ட்ரெண்டிங் செய்திகள்
