Arnold: 'டெர்மினெட்டர் படங்களில் இனி நடிக்க மாட்டேன்..' ரசிகர்களுக்கு அர்னால்ட் தந்த அதிர்ச்சி..!

டெர்மினேட்டர் படவரிசையில் இனி தான் நடிக்க போவதில்லை என்று தெரிவித்துள்ளார் நடிகர் அர்னால்ட்

அர்னால்ட். image source; twitter

உலகம் முழுவதும் உள்ள திரைப்பட ரசிகர்களுக்கு மிகவும் பிடித்தமான நடிகர் அர்னால்ட். கட்டழகு நாயகனான இவரது டெர்மினேட்டர் படங்களுக்கு கோடிக்கணக்கான ரசிகர்கள் உள்ளனர். இவர் தற்போது டெர்மினெட்டர் பட  பிரான்சைஸில் இருந்து விலகிக்கொளவதாக அறிவித்திருப்பது ரசிகர்களுக்கு அதிர்ச்சியை ஏற்படுத்தியுள்ளது.

டெர்மினேட்டர்:

டெர்மினேட்டர் படங்களின் மூலமாக ஹாலிவுட்டில் அதிகம் வருவாய் ஈட்டும் நடிகர்கள் பட்டியலில் இடம்பிடித்தவர் அர்னால்ட். 1984 ஆம் ஆண்டு ஜேம்ஸ் கேமரூன் இயக்கிய டெர்மினேட்டர் படத்தில் நடித்தார் அர்னால்ட். இந்தப் படத்திற்கு முன்னதாகவே திரைப்படங்களில் நடித்து வந்திருந்தாலும் இந்தப் படத்தில் தான் ஹாலிவுட்டில் கவனிக்கத்தக்க நடிகராக உருவானார். அன்றைய தேதிகளில் வெளியாகியிருந்த படங்களில் அதிக வசூல் ஈட்டிய படமாக டெர்மினேட்டர் இருந்தது.

இதனைத் தொடர்ந்து 1991 இல் வெளியான  ”டெர்மினேட்டர் ஜட்ஜ்மெண்ட் டே” திரைப்படம் மாபெரும் வெற்றிப்படமாக அமைந்தது. இதனைத் தொடர்ந்து டெர்மினேட்டர் படத்தின் அடுத்தடுத்த பாகங்கள் வெளியாகின. ஆனால் அவரின் முந்தைய இரண்டு பாகங்கள் அளவிற்கு வெற்றியடையவில்லை. தற்போது அர்னால்ட் டெர்மினேட்டர் வரிசைப் படங்களில் தான் நடிப்பதில் இருந்து விலகிகொள்வதாக தெரிவித்துள்ளார். அர்னால்டை தொடர்ந்து சினிமாவில் பார்த்து வந்த அவரது ரசிகர்கள் பெரும் ஏமாற்றத்திற்குள்ளாகி இருக்கிறார்கள்.

அண்மையைல் அர்னால்ட் அற்றிய ஆவணப்படம் ஒன்று வெளியானது.  90 கிட்ஸ்களின் மிகப்பெரிய ஆதர்சங்களில் ஒருவர் அர்னால்ட். அர்னால்டைப் போல் உடலை ஃபிட்டாக வைத்துக்கொள்ள வேண்டும் என்பதுதான் பெரும்பாலானவர்களின் கனவாகவே இருந்து வந்திருக்கிறது. சின்ன சின்ன ஊர்களில் இளைஞர்கள் அர்னால்டை தனது குருவாக ஏற்றுக்கொண்டவர்களை நாம் ஒருவரையாவது நிச்சயம் பார்த்திருப்போம். ஆனால் இந்த இடத்திற்கு வந்து சேர்வதற்கு அர்னால்ட் என்ன மாதிரியான சவால்களை சந்திருப்பார் என்பது நமக்கு மிக குறைவாகவே தெரியும்.தனது லட்சியத்திற்காக  தன் தனிப்பட்ட வாழ்க்கையில் எந்த மாதிரியான தியாகங்களை அவர் செய்திருக்கிறார்.

அர்னால்ட் பற்றிய ஆவணப்படம்:

அர்னால்ட்  பற்றிய இந்த ஆவணப்படம் இந்த கேள்விகளுக்கான பதில்களை நிச்சயம அளிக்கும் என் நம்பலாம். இந்த ஆவணப்படத்தில் அர்னால்டைப் பற்றிய நிறைய விஷயங்கள் விவாதிக்கப்படுகின்றன. அர்னால்டின் பாடி பில்டிங் கரியர், அவரது அரசியல் வாழ்க்கை, அவரது குடும்ப வாழ்க்கை ஆகிய அனைத்தும் இடம்பெற்றுள்ளன. சாதிப்பதற்கான தனது வெறி பல கஷ்டங்கள் வந்தபோது தன்னை தொடர்ந்து லட்சியத்தை  நோக்கி ஓடவைத்த காரணம் ஆகியவற்றை பற்றி மனம் திறந்து பேசுகிறார்.

அரசியலில் அர்னால்ட் பற்றிய பல்வேறு பார்வைகள் முன்வைக்கப் படுகின்றன.மேலும் தனது இந்தப் பயணத்தில் தான் தனது குடும்பத்திற்கு  செய்யத் தவறிய கடமைகள் அதற்காக தன்னை ஒருபோது தனது குடும்பம் மதிக்கப் போவதில்லை என கூறுகிறார் அவர். இத்தனைகளையும் கடந்து எது உங்களை முன்னேற வைத்தது? என்று கேட்கப்படும் கேள்விக்கு அர்னால்டின் சொல்லும் பதில் அவரது ஒட்டுமொத்த வாழ்க்கையையும் நியாயப்படுத்துவதாய் உள்ளது. ’பின்வாங்குவது என்கிற ஒரு எண்ணத்தை என் மூளை எனக்கு சொல்லவேயில்லை,எதுவாயிருந்தாலும் அதை உடனே செய்து பார்த்தேயாக வேண்டும்  அது மட்டுமே எனக்குத் தெரிந்திருந்திருந்தது’வருகின்ற மே 7 ஆம் தேதி இந்த ஆவணப்படம் வெளியாக இருக்கிறது.