Kerala Crime Files: எதிர்பார்ப்புகளை எகிற வைக்கும் ‘கேரளா க்ரைம் ஃபைல்ஸ்’ வெப் சீரிஸ் டீசர்.. ரசிகர்கள் வரவேற்பு

டிஸ்னி பிளஸ் ஹாட்ஸ்டார் ஓடிடி தளத்தில் ரசிகர்களால் மிகவும் எதிர்பார்க்கப்படும் முதல் மலையாள வெப் சீரிஸான “கேரளா க்ரைம் ஃபைல்ஸ்” தொடரின் டீசர் வெளியாகி வரவேற்பை பெற்றுள்ளது. 

கேரளா க்ரைம் ஃபைல்ஸ்

டிஸ்னி பிளஸ் ஹாட்ஸ்டார் ஓடிடி தளத்தில் ரசிகர்களால் மிகவும் எதிர்பார்க்கப்படும் முதல் மலையாள வெப் சீரிஸான “கேரளா க்ரைம் ஃபைல்ஸ்” தொடரின் டீசர் வெளியாகி வரவேற்பை பெற்றுள்ளது. 

டிஸ்னி பிளாஸ் ஹாட்ஸ்டார் தளம்

தியேட்டர்களுக்கு இணையாக ஓடிடி தளங்களும் பெரிய அளவில் வரவேற்பை பெற்றுள்ளது. கொரோனா ஊரடங்கிற்கு பிறகு ஓடிடி தளங்களின் வளர்ச்சி என்பது மிகப்பெரியதாகவே உள்ளது. இருந்த இடத்தில் இருந்தே உலக அளவிலான படங்கள், வெப் தொடர்கள், சீரியல்கள் என அனைத்தையும் கண்டுகளுக்கும் வகையிலான இந்த டெக்னாலஜி உண்மையில் ஒரு வரப்பிரசாதம் தான். 

அந்த வகையில் பிரபல ஓடிடி தளமான டிஸ்னி பிளாஸ் ஹாட்ஸ்டார்  தளமானது சுமார் 8 மொழிகளில் 1,00,000 தொலைக்காட்சி நிகழ்ச்சிகள், திரைப்படங்கள் மற்றும் விளையாட்டு தொடர்பான ஸ்லாட்டுகளை உலகம் முழுவதிலிருந்து வழங்கி வருகிறது. அந்த வகையில் தங்களது முதல் மலையாள வெப் சீரிஸான “கேரளா க்ரைம் ஃபைல்ஸ் - ஷிஜு பாரையில் வீடு, நீண்டக்கரா”  சீரிஸ்  டீசரை வெளியிட்டுள்ளது. 

“கேரளா க்ரைம் ஃபைல்ஸ் - ஷிஜு பாரையில் வீடு, நீண்டக்கரா”

இதில் மலையாள சினிமாவின் முன்னணி நட்சத்திர நடிகர்களான லால், அஜு வர்கீஸ் முதன்மை கேரக்டர்களில் நடித்துள்ளனர். க்ரைம் த்ரில்லர் பின்னணியில், ரசிகர்களை இருக்கை நுனியில் அமர்த்தும் வகையில் பரபரப்பான திரைக்கதையுடன் இந்த சீரிஸ் உருவாக்கப்பட்டுள்ளது.  கேரளா க்ரைம் ஃபைல்ஸ் சீரிஸ் மலையாளம் மட்டுமல்லாது, தமிழ், தெலுங்கு, இந்தி, கன்னடம், பெங்காலி மற்றும் மராத்தி மொழிகளிலும் டப் செய்யப்பட்டு வெளியாகவுள்ளது. 

தற்போது வெளியாகியுள்ள புதிய டீசரில் லால் மற்றும் அஜு வர்கீஸ் இருவரும் பாலியல் தொழிலாளியின் சவால் மிகுந்த கொலை வழக்கு ஒன்றினை விசாரிக்கிறார்கள். அவர்களுக்கு ஒரே ஒரு க்ளூ, ஒரு பெயர் மற்றும் லாட்ஜின் பதிவேட்டில் பொறிக்கப்பட்ட - "ஷிஜு பாரையில் வீடு, நீண்டக்கரா" எனும் போலி முகவரி கிடைக்கிறது. இந்த சிக்கலான சவால் மிகுந்த வழக்கை காவல்துறையினர் எப்படி விசாரிக்கிறார்கள் என்பதை சுற்றியே இந்த சீரிஸின் கதை அமைக்கப்பட்டுள்ளது. 

படு சுவாரஸ்யமான திருப்பங்களும்,ஆச்சரியங்களும் நிறைந்த ஒரு ஆழமான த்ரில்லர் வெப் சீரிஸாக “கேரளா க்ரைம் ஃபைல்ஸ் - ஷிஜு பாரையில் வீடு, நீண்டக்கரா”  உருவாகியுள்ளது.  இந்த சீரிஸை First Print Studios சார்பில் ராகுல் ரிஜி நாயர் தயாரித்துள்ளார். இயக்குநர் அஹம்மது கபீர் இயக்கியுள்ளார். இந்த வெப் சீரிஸின் கதையை ஆஷிக் ஐமர் எழுதியுள்ளார். 

ஜித்தின் ஸ்டானிஸ்லாஸ் ஒளிப்பதிவு செய்ய,  ஹேஷாம் அப்துல் வஹாப் இசையமைத்துள்ளார். மகேஷ் புவனேந்த் படத்தொகுப்பு செய்துள்ளார் என்பது குறிப்பிடத்தக்கது.