Sundar.C |''ரம்பாவும் நானும் காதலித்தோமா?'' மனம் திறந்த சுந்தர்.சி.!

சுந்தர்.சியின் 20 ஆண்டுகால ஏக்கம் , சங்கமித்ரா என்னும் வரலாற்று படத்தை எடுக்க வேண்டும் என்பதுதானாம்.

சுந்தர்சி

1995 ஆம் ஆண்டு வெளியான 'முறை மாமன்’ திரைப்படம் மூலமாக இயக்குநராக அறிமுகமானவர்  சுந்தர். சி, அதன் பிறகு பல படங்களை எடுத்திருந்தாலும் தன்னை இயக்குநராக அடையாளப்படுத்திய முறை மாமன் திரைப்படம்தான் தனக்கு எப்போதுமே பிடித்த படம் என்கிறார். தான் எடுக்கும் படங்களில் சிறு சிறு விஷயங்களிலும் அதீத மெனக்கடல்களை செய்வாராம் சுந்தர். சி ஆனால் அவை கவனிக்கப்படுவதில்லை என வருத்தம் தெரிவிக்கிறார்.  இயக்குநராக மட்டுமல்லாமல் கடந்த 2006 ஆம் ஆண்டு வெளியான தலைநகரம் திரைப்படம் மூலமாக கதாநாயகனாகவும் அறிமுகமானார். அதன் பிறகு தொடர்ச்சியாக சில படங்களில் நாயகனாக நடித்தார். அவற்றுள் சில இவருக்கு எதிர்பார்த்த வெற்றியை கொடுக்கவில்லை. அதற்கு காரணம் இயக்குநரிடம்  தான் விரிவான கதைகளை நாம் கேட்க விரும்புவதில்லை, ஒன் லைன் கேட்பதோடு சரி! அதன் விளைவாக நான் சில படங்களின் கதைகளை முறையாக தேர்வு செய்யவில்லை என்கிறார்.

தனது படத்தில் நகைச்சுவைக்கு முக்கியத்துவம் கொடுக்கும் இயக்குநர் சுந்தர்.சி , கவுண்டமணியுடன் வேலை செய்வதை அதிகமாக ரசித்தாராம். அதேபோல நடிகர் அஜித்தின் வளர்ச்சி தனக்கு பிரம்மாண்டமாக இருக்கிறது என்கிறார் சுந்தர்.சி, ஆரம்ப காலத்தில் அவருக்கு விபத்து ஏற்பட்ட பொழுது , அவர் சினிமாவை விட்டு விலகும் எண்ணத்தில்தான் இருந்தாராம், ஆனால் அதையெல்லாம் தாண்டி இன்று அவர் பிடித்திருக்கும் இடம் பிரம்மாண்டமாக இருக்கிறது என்கிறார் அவர்.

 

 

 

 

 

 

View this post on Instagram

 

 

 

 

 

 

 

 

 

 

 

A post shared by Kushboo Sundar (@khushsundar)

சுந்தர்.சி , நடிகை குஷ்புவை காதலித்து திருமணம் செய்துக்கொண்டார். ஆனாலும் சுந்தர்.சி  ஆரம்ப காலத்தில் நடிகை ரம்பாவை காதலித்தாக சில செய்திகள் இன்றளவும் உலா வந்துக்கொண்டிருக்கு சூழலில், அதனை அவர் மறுத்துள்ளார். அப்படியான வதந்திகள் நாங்கள் தொடர்ந்து அடுத்தடுத்த படங்களில் பயணித்ததால் வந்ததே தவிர வேறொன்றுமில்லை. அந்த செய்திகளை பார்க்கும் பொழுது எனக்கு சிரிப்பாக வரும் என தெரிவித்துள்ளார். சுந்தர்.சியின் 20 ஆண்டுகால ஏக்கம் , சங்கமித்ரா என்னும் வரலாற்று படத்தை எடுக்க வேண்டும் என்பதுதானாம் ,அதை அவர் எடுத்து முடித்துவிட்டால் இயக்கத்திற்கு ஒரு முழுக்கு போட்டுவிட்டு, தயாரிப்பு , நடிப்பு என முழு ஈடுபாட்டோடு  இறங்கிவிடுவாராம்.

 

 

 

 

 

View this post on Instagram

 

 

 

 

 

 

 

 

 

 

 

A post shared by Kushboo Sundar (@khushsundar)

சுந்தர்.சி இயக்கத்தில் இன்று (அக்டோபர் 14) அரண்மனை 3 படம் வெளியாகி நல்ல வரவேற்பை பெற்று வருகிறது.படத்தில்  ஆர்யா ராஷி கண்ணா, ஆண்ட்ரியா, மறைந்த நடிகர் விவேக் உள்ளிட்ட பல முக்கிய பிரபலங்கள் நடித்துள்ளனர். அரண்மனை படத்தின் 10 பாகங்களுக்கான கதையை சுந்தர்.சி உருவாக்கியுள்ளதாக கூறப்பட்ட நிலையில், அரண்மனை 3 படம் வெற்றியடைந்தால் , அரண்மனை நான்காம் பாகத்தை எடுக்க தயாராவேன்.தவிர 10 பாகங்களெல்லாம் தயாராக உள்ளது என்பது உண்மையல்ல என தெரிவித்துள்ளார்.