SJ Suryah: ’கட்டிபுடி கட்டிபுடிடா’ பாடல் உருவான விதம்! குஷி படத்தில் நடந்த சுவாரஸ்ய சம்பவம்! கியூட்டாக சொன்ன எஸ்.ஜே.சூர்யா
SJ Suryah: குஷி படத்தை பத்திரிகையாளர்கள் நீங்களே இவ்வளவு கொண்டாடும் போது திரையரங்கம் என்னவாகும் என்று தெரியவில்லை என அந்த படத்தின் இயக்குனர் எஸ்.ஜே.சூர்யா கூறியுள்ளார்.
SJ Suryah: குஷி படத்தை பத்திரிகையாளர்கள் நீங்களே இவ்வளவு கொண்டாடும் போது திரையரங்கம் என்னவாகும் என்று தெரியவில்லை எனவும் குஷி படத்தின் உருவாக்கத்தின் போது நடந்த சுவாரஸ்ய சம்பவங்களை பகிர்ந்துள்ளார் அந்த படத்தின் இயக்குனர் எஸ்.ஜே.சூர்யா.
விஜய் அழகாக இருப்பார்:
நடிகர் விஜய் மற்றும் ஜோதிகா நடிப்பில் கடந்த 2000 ஆம் ஆண்டு வெளியான திரைப்படம் குஷி. இந்த படம் மிகப்பெரிய வெற்றியை பெற்றது. இச்சூழலில் தான் அண்மைக்காலங்களில் தமிழ் சினிமாவில் ரீ ரிலிஸ் கலாச்சாரம் அதிகரித்து வரும் சூழலில் குஷி படமும் செப்டம்பர் 25 ஆம் தேதி திரையரங்குகளில் வெளியாகியுள்ளது.
இந்த நிலையில் இந்த படத்தின் படப்பிடிப்பின் போது நடைபெற்ற சுவாரஸ்ய சம்பவங்களை பகிர்ந்துள்ளார் அந்த படத்தின் இயக்குனரான எஸ்.ஜே.சூர்யா. இது தொடர்பாக பேசிய அவர், “குஷி படத்திற்கு பத்திரிகையாளர்களாகிய நீங்களே இந்தளவிற்கு கொண்டாடினால், திரையரங்கு என்னவாகும் என்று தெரியவில்லை. இளைய தளபதியை மீண்டும் இப்படி பார்ப்பதற்கு மகிழ்ச்சியாக இருக்கிறது. இந்த படத்தில் மிகவும் அழகாக இருப்பார். ஜோதிகா மேடமும் அழகாக இருப்பார். ஒரு படத்தின் கதை கூறும்போதே 2.30 மணி நேரம் கூறிவேன். உதவி இயக்குனர்கள், சண்டைப் பயிற்சியாளர்கள், தயாரிப்பாளர், நடிகர், நடிகைகள், இசையமைப்பாளர் இப்படி கதை கூறும் போதே பலமுறை படம் பார்ப்போம். ஒவ்வொரு காட்சியும் படப்பிடிப்பு முடிந்தவுடன் பலமுறை பார்ப்பேன்.
டப்பிங் பேசும்போது, இசையை இணைக்கும் போது, படத்தொகுப்பு செய்யும் போது, முன்னோட்டம் பார்க்கும் போதும் 1 லட்சம் முறை படம் பார்த்து விடுவேன். பார்வையாளர்களுடன் திரையரங்கில் பார்க்கும் போது, ரசிகர்கள் கொண்டாடுவதைத் தான் பார்க்க முடியுமே தவிர, முதன்முறை பார்த்த அனுபவமே இருக்காது. ஆனால், நீண்ட வருடங்களுக்குப் பிறகு உங்களுடன் இணைந்து இன்று பார்க்கும் போது எனக்கு முதன்முறையாக பார்த்தது போன்ற உணர்வு ஏற்பட்டது.
கட்டிபுடி கட்டிபுடிடா பாடல் உருவான விதம்:
கட்டிபுடி பாடலுக்கு எல்லோரும் ரசித்துப் பார்க்கும் போது மகிழ்ச்சியாக இருக்கிறது. இந்த பாடலை தேவா சாரிடம் கேட்கும்போது, செந்தமிழ் தேன் மொழியாள் மெட்டில் போடுங்கள் என்றேன். அப்படித்தான் கட்டிபுடி பாடல் உருவானது. அதேபோல், மொட்டு ஒன்று மலர்ந்திடும் பாடல் மெட்டுக்கு எழுதாமல் பாட்டுக்கு மெட்டுப் போட்டுக் கொடுத்தார். அப்பாடல் வரிகள் ஒவ்வொன்றும் ஆணுக்கும், பெண்ணுக்கும் இருக்கக் கூடிய ஊடலை அழகாக சொல்லும். அந்த கவிதை வரிகளுக்கு தேவா சார் அற்புதமாக இசையமைத்தார். இப்படத்தில் ஒவ்வொன்றும் தானாகவே அமைந்தது.
விஜய் சாரிடம் கதை கூறிய பிறகு, உங்களுக்குப் பிடிக்கவில்லையென்றால் வேறு கதை சொல்கிறேன் என்றேன். அவர் வேண்டாம், இதுவே நன்றாகத்தானே இருக்கிறது என்றார். இப்படத்திற்கு அழகாக ஒளிப்பதிவு செய்தவர் ஜீவா சார். இன்று அவர் இல்லையென்றாலும், இந்த கணம் அவரை நினைத்துக் கொள்கிறேன்.
கதை அடுத்தடுத்து பயணிக்கும்போது விவேக் சாரின் பாத்திரம் அடுத்தடுத்த காட்சிகளை இணைக்கும்படியாக இருக்கும். சினிமாத்துறையில் என்னை அடுத்தக் கட்டத்திற்கு எடுத்துச் சென்றவர் கணக்கு பாராமல் செலவு செய்த ஏ.எம்.ரத்னம் சார் தான். நான் நடிகனாக வேண்டும் என்று தான் சினிமாவிற்கு வந்தேன். ஆகையால் தான், நான் இயக்கத்தை நிறுத்திவிட்டு நடிக்க வந்துவிட்டேன். வாலி படத்தில் உதவி இயக்குனராக பணியாற்றியவர் ஆண்டரியோ, அவர் இங்கு வந்ததில் மகிழ்ச்சி. சக்தி சார் ரசிகராகவே மாறிவிட்டதைப் பார்த்து மகிழ்ச்சியாக இருக்கிறது” என்றார்.
தலைப்பு செய்திகள்
ட்ரெண்டிங் செய்திகள்
