Ameer Khan : என்னைத்தேடி வந்து பேசினார் அமீர்கான்.. பார்த்திபன் சொன்னது என்ன?

என்னைத்தேடி வந்து பேசினார் அமீர்கான்.. பார்த்திபன் சொன்னது என்ன?

பார்த்திபன், அமீர்கான். (Image source: Twitter)

கம்லஹாசன் பிறந்தநாள்

தமிழ் சினிமாவில் 64 ஆண்டுகளாக பயணித்து வரும்  ‘உலக நாயகன்’ கமல்ஹாசன் நேற்று தனது 69வது பிறந்தநாளை கொண்டாடுகிறார். ரசிகர்கள் மட்டுமில்லாமல் தமிழ் இந்தி கன்னடம் , மலையாளம்  திரையுலக பிரபலங்கள்,  சமூக வலைத்தளங்கள் வாயிலாக அவருக்கு பிறந்தநாள் வாழ்த்துகள் தெரிவித்து வருகின்றனர். மேலும் முதலமைச்சர் மு.க.ஸ்டாலின் தொடங்கி பல்வேறு அரசியல் கட்சி தலைவர்களும் தங்கள் வாழ்த்துகளை தெரிவித்துள்ளனர். இப்படியான நிலையில் கமல்ஹாசன் தனது பிறந்தநாளை முன்னிட்டு, சென்னை எழும்பூர் அரசு குழந்தைகள் நல மருத்துவமனையில்  ரூ.15 லட்சம் மதிப்புள்ள காற்றில் இருந்து குடிநீர் தயாரிக்கும் உபகரணத்தை திறந்து வைத்தார்.

பிறந்தநாள் கொண்டாட்டம்.

ஷங்கர் இயக்கத்தில் கமல் நடித்து உருவாகி இருக்கும் இந்தியன் 2 படத்தின் அறிமுக வீடியோ சமீபத்தில் வெளியானது. இதனைத் தொடர்ந்து நேற்று மணிரத்னம் இயக்கத்தில் கமல் நடிக்கும் தக் லைஃப் படத்தின் டைட்டில் அறிவிப்பு வீடியோ  வெளியாகி ரசிகர்களை மகிழ்ச்சியில் ஆழ்த்தியது. மேலும் நேற்று கமல் வில்லனாக நடித்து வரும் படத்தின் அப்டேட் வெளியானது. தனது 69-வது பிறந்தநாளை ஒரு சிறிய பார்ட்டி ஏற்பாடு செய்து கமல் கொண்டாடி இருக்கிறார். இந்த நிகழ்வில் தனக்கு நெருக்கமானவர்கள் அனைவரையும் கமல் அழைத்திருந்தார்

அமீர் கானை சந்தித்த பார்த்திபன்

 

 

 

 

 

View this post on Instagram

 

 

 

 

 

 

 

 

 

 

 

A post shared by Radhakrishnan Parthiban (@radhakrishnan_parthiban)

இந்த நிகழ்ச்சியில் கலந்துகொண்ட அமீர் கானுடனான தன்னுடைய சந்திப்பை பற்றி பதிவிட்டுள்ளார் இயக்குநர் பார்த்திபன். தன்னுடைய இன்ஸ்ஸ்டாகிராம் பக்கத்தில் பார்த்திபனின் பதிவு “ இந்திய திரையுலகில் அவருடைய படங்கள் மூலம், மிக உயர்வாக மதிக்கப்படும் சிறந்த நடிகர். ஒவ்வொரு முறையும் என்னை ஆச்சர்ய ஆனந்தத்தில் திளைக்க வைக்கும் மனிதர். நேற்றிரவு கமல் சார் பிறந்த நாளில். நடப்பவைகளை ஒரு ஒதுக்கு புறமாக நின்று ரசித்துக் கொண்டிருந்த என்னை கண்டு ஓடி வந்து இறுக அணைத்துக் கொண்டு நெற்றியில் என்னவென்று விசாரித்து, தன்னுடைய தாயாருக்கு உடல்நிலை சுகமில்லை என வருந்தி, அடுத்த படமென்ன?- தெரிந்துகொண்டு,பின்னர் திரும்பிச் செல்கையில் மறக்காமல் வந்து சொல்லிவிட்டு சென்றார். எங்கே சென்றார் ? இதயத்தின் நாற்புறமும் ஆணியடித்து அங்குமிங்கும் நகரா நாற்காலியிட்டு அமர்ந்துகொண்டார். இத்தனைக்கும் சிற்சில சந்திப்பே இதற்குமுன். என் விடாமுயற்சிகளை பற்றி கேட்டறிந்து என்னை அவர் பாராட்டவும்,அவரின் நல்ல படங்களை நான் புகழவும் பழகினோம். அவரின் அற்புத நட்பு அலாதியானது. மணி சார்+கமல் சார்+ ரஹ்மான் சார்+ரவி k சந்திரன் கூட்டனி மிரட்டியது ‘thug life’-ல்!” என பதிவிட்டுள்ளார். இது தவிர்த்து  நடிகர் சூர்யாவை சந்தித்த அமீர்கான் அவருடன் புகைப்படம் எடுத்துக் கொண்டார்.