D55 title : தனுஷ் மம்மூட்டி மாஸ் காம்போ...D55 படத்தின் டைட்டில் நாளை அறிவிப்பு

ராஜ்குமார் பெரியசாமி இயக்கத்தில் தனுஷ் நடிக்கும் படத்தின் டைட்டில் அறிவிப்பு நாளை வெளியாகும் என படக்குழு அதிகாரப்பூர்வ தகவல் வெளியிட்டுள்ளது

D55, தனுஷ், மம்முட்டி, சாய் பல்லவி, ஸ்ரீலீலா

Source : X

நடிகர் தனுஷ் தற்போது பல்வேறு படங்களில் பிஸியாக நடித்து வரும் நிலையில், அவரது 55-வது திரைப்படமான D55 குறித்து முக்கிய அறிவிப்பு வெளியாகியுள்ளது. இந்தப் படத்தின் அதிகாரப்பூர்வ டைட்டில் நாளை வெளியிடப்பட உள்ளதாக தயாரிப்பு தரப்பில் அறிவிக்கப்பட்டுள்ளது. இதனால் தனுஷ் ரசிகர்கள் மத்தியில் பெரும் உற்சாகம் ஏற்பட்டுள்ளது.

தமிழ் சினிமாவின் முன்னணி நடிகர்களில் ஒருவராக இருக்கும் தனுஷ், தொடர்ந்து வித்தியாசமான கதைகளையும் கதாபாத்திரங்களையும் தேர்வு செய்து வருகிறார். தனுஷ் நடிப்பில் சமீபத்தில் வெளியான கர திரைப்படம் ரசிகர்களிடம்  எதிர்பார்த்த வரவேற்பைப் பெறவில்லை. தனுஷ் வித்தியாசமான கதைகளை தேர்வு செய்து நடித்து வந்தாலும் அவரது ரசிகர்கள் கமர்சியல் படங்களையே விரும்புகிறார்கள். அந்த வகையில் தனுஷ் ரசிகர்கள் பெரியளவில் எதிர்பார்ப்பு வைத்திருக்கும் திரைப்படம் D55. 

D55 டைட்டில் அறிவிப்பு

அமரன் படத்தின் மாபெரும் வெற்றியைத் தொடர்ந்து இயக்குநர் ராஜ்குமார் பெரியசாமி தனுஷூடன் கைகோத்துள்ளார். இந்த படத்தில் மலையாள சினிமாவின் முன்னணி நடிகரான மம்மூட்டி முக்கிய கதாபாத்திரத்தில் நடித்து வருகிறார். மம்மூட்டி மற்றும் தனுஷ் ஒரே படத்தில் இணைவது ரசிகர்களிடையே பெரும் வரவேற்பை பெற்றுள்ளது. அதேபோல் இளம் நடிகை ஶ்ரீலீலாவும் , சாய் பல்லவியும் இந்தப் படத்தில் முக்கிய கதாபாத்திரங்களில் நடிக்கின்றனர். சாய் அப்யங்கர் இப்படத்திற்கு இசையமைக்கிறார்.

 

படத்தின் கதைக்களம் மற்றும் கதாபாத்திரங்கள் தொடர்பான தகவல்கள் இன்னும் ரகசியமாக வைக்கப்பட்டுள்ளன. இருப்பினும் தனுஷ், மம்மூட்டி, சாய் பல்லவி, ஶ்ரீலீலா ஆகியோர் இணைந்திருப்பது மட்டுமே இந்தப் படத்தின் மீதான ஆர்வத்தை அதிகரித்துள்ளது. படத்தின் தலைப்பு என்னவாக இருக்கும் என்ற விவாதம் சமூக வலைதளங்களில் ஏற்கனவே தொடங்கியுள்ளது.

நாளை வெளியாகவுள்ள டைட்டில் அறிவிப்புடன் படம் தொடர்பான கூடுதல் தகவல்களும் வெளியாகலாம் என எதிர்பார்க்கப்படுகிறது. இதனால் D55 திரைப்படத்தின் அடுத்தடுத்த அப்டேட்களை ரசிகர்கள் ஆவலுடன் எதிர்நோக்கி வருகின்றனர். தனுஷின் திரைப்பயணத்தில் மேலும் ஒரு முக்கியமான படைப்பாக இந்த திரைப்படம் அமையும் என்ற நம்பிக்கையும் திரையுலக வட்டாரங்களில் நிலவி வருகிறது.

Target Set 🎯
Prepare for the STORM🔥#D55 Title Announcement TOMORROW
18.06.26

▶️ https://t.co/x8odPlJtk3@dhanushkraja @mammukka @Rajkumar_KP @wunderbarfilms @RTakeStudios @Sai_Pallavi92 @sreeleela14 @SaiAbhyankkar @Shra2309 @azy905 @theSreyas @sandy_sashr @vishurams… pic.twitter.com/Dj7vd3AIyS

— Wunderbar Films (@wunderbarfilms) June 17, 2026