Director Shankar: இயக்குநர் ஷங்கர் மகள் திருமணம்.. நேரில் சென்று வாழ்த்திய முதலமைச்சர் ஸ்டாலின்!

தமிழ் சினிமாவின் பிரமாண்ட இயக்குநர் ஷங்கரின் மூத்த மகள் திருமணம் இன்று இனிதே நடைபெற்றது.

ஷங்கர் மகள் திருமணம் - முதலமைச்சர் நேரில் வாழ்த்து

தமிழ் சினிமாவின் பிரமாண்ட இயக்குநர் ஷங்கரின் மூத்த மகள் திருமணம் இன்று இனிதே நடைபெற்றது. இந்த நிகழ்ச்சியில் முதலமைச்சர் ஸ்டாலின் நேரில் சென்று மணமக்களை வாழ்த்தினார். 

தமிழ் சினிமாவின் பிரமாண்ட இயக்குநர் என்றழைக்கப்படுபவர் ஷங்கர். ஜென்டில்மேன் படம் இயக்குநராக அறிமுகமான அவர் காதலன், இந்தியன், ஜீன்ஸ், முதல்வன், பாய்ஸ், அந்நியன், சிவாஜி தி பாஸ், எந்திரன், நண்பன், ஐ, 2.0 என ஏகப்பட்ட படங்களை இயக்கியுள்ளார். தற்போது இந்தியன் 2, கேம் சேஞ்சர் போன்ற படங்களை இயக்கி வருகிறார். இதனிடையே ஷங்கருக்கு 2 மகள்கள், ஒரு மகன் உள்ளார். 

இதில் இளைய மகள் அதிதி ஷங்கர், விருமன் படத்தின் மூலம் சினிமாவில் ஹீரோயினாக அறிமுகமானார். தொடர்ந்து சிவகார்த்திகேயனுடன் மாவீரன் படத்தில் நடித்துள்ளார். அடுத்ததாக நடிகர் அதர்வாவின் தம்பி அறிமுகமாகும் படத்தில் ஹீரோயினாக நடித்து வருகிறார். இவருடைய அக்கா ஐஸ்வர்யா சில ஆண்டுகளுக்கு முன் ரோஹித் என்பவருடன் திருமணம் நடைபெற்றது. ஆனால் சில காரணங்களால் இந்த தம்பதியினர் விவாகரத்து பெற்றனர். 

சென்னையில் நடைபெற்ற திரைப்பட இயக்குநர் திரு. சங்கர் அவர்களின் மகள் ஐஸ்வர்யா சங்கர் - தருண் கார்த்திகேயன் ஆகியோரது திருமண விழாவில் மாண்புமிகு முதலமைச்சர் @mkstalin அவர்கள் கலந்து கொண்டு மணமக்களை வாழ்த்தினார். pic.twitter.com/Pepl3brIF4

— CMOTamilNadu (@CMOTamilnadu) April 15, 2024

இதனையடுத்து சில கால இடைவெளிக்குப் பின் ஐஸ்வர்யாவுக்கு இரண்டாவது திருமணத்துக்கான ஏற்பாடுகள் தடபுடலாக நடைபெற்றது. உதவி இயக்குநரான தருண் கார்த்திகேயன் தான் ஷங்கர் மகளை திருமணம் செய்துள்ளார். இவர்கள் திருமணம் இன்று மிக பிரமாண்டமாக நடைபெற்றுள்ளது. முன்னதாக பாலிவுட் தொடங்கி கோலிவுட் வரை அனைத்து பிரபலங்களையும் நேரில் சென்று சந்தித்து அழைப்பிதழ் வைத்தார் ஷங்கர். 

இந்நிலையில் இன்று நடைபெற்ற திருமணத்தில் முதலமைச்சர் ஸ்டாலின் தனது மனைவி துர்கா ஸ்டாலினுடன் கலந்து கொண்டு மணமக்களை வாழ்த்தினார். இதுதொடர்பாக புகைப்படத்துடன் பதிவு ஒன்றை வெளியிட்டுள்ள முதலமைச்சர் ஸ்டாலின், “சென்னையில் நடைபெற்ற திரைப்பட இயக்குநர் சங்கர் அவர்களின் மகள் ஐஸ்வர்யா சங்கர் - தருண் கார்த்திகேயன் ஆகியோரது திருமண விழாவில் கலந்து கொண்டு வாழ்த்தினேன்” என தெரிவித்துள்ளார். மணமக்களுக்கு ரசிகர்களும், திரையுலக பிரபலங்களும் சமூக வலைத்தளங்கள் வாயிலாக வாழ்த்துகளை தெரிவித்து வருகின்றனர்.