பிக்பாஸ் சீசன் 5ல் இருந்து எலிமினேட் ஆகிறாரா சின்னப்பொண்ணு?

பிக்பாஸ் சீசன் 5 முதல் எவிக்சனில் சின்ன பொண்ணு வெளியேற்றப்படுவார் எனக் கூறப்படுகிறது.

சின்ன பொண்ணு நாட்டுப்புற இசைக் கலைஞர்

பிக்பாஸ் சீசன் 5 முதல் எவிக்சனில் சின்ன பொண்ணு வெளியேற்றப்படுவார் எனக் கூறப்படுகிறது.

விஜய் டிவி பிக்பாஸ் சீசன் 5 சீசன் தொடங்கி ஒருவாரம் முடிந்துவிட்டது. முதல் வாரத்தில் நமீதா மாரிமுத்து உடல நலன் காரணமாக வெளியேற இப்போது போட்டி களம் எவிக்‌ஷனுக்கு தயாராகிவிட்டது. மொத்தம் 17 போட்டியாளர்களில் நமீதா வெளியேறிவிட 15 பேர் களத்தில் உள்ளனர்.

ஒரு வாரம் தான் முடிந்திருந்தாலும் பிக்பாஸ் வீட்டுக்கே உரித்தான கலகங்களும், கலாய்ப்புகளும், காலைவாரிவிடும் செயல்களும், புறம் பேசுதலும் பலே பலே என களைகட்டி வருகிறது.
வரும் வாரத்தில் பிக்பாஸின் முதல் எவிக்சன் ரவுண்ட். இதற்காக பொதுமக்களிடமிருந்து வாக்கெடுப்பு நடைபெறுகிறது.
இதுவரை சின்ன பொண்ணு, அபிஷேக் ராஜா, அபினய் ஆகியோர் தான் டேஞ்சர் ஜோனில் இருப்பதாகத் தெரிகிறது. அதுவும் சின்னப் பொண்ணு அல்லது அபிஷேர் ராஜ் வெளியேற அதிக வாய்ப்பு இருப்பதாகக் கூறப்படுகிறது.
அபினய்க்கு 23,531 வாக்குகள், அபிஷேக் ராஜாவுக்கு 19,816 வாக்குகள், சின்ன பொண்ணுக்கு 20,503 வாக்குகள் கிடைத்துள்ளன. 

இதனால் அபிஷேக் ராஜா, அல்லது சின்ன பொண்ணு தான் எலிமினேட் ஆவார்கள் எனக் கூறப்படுகிறது.
ஆனால் சின்ன பொண்ணை எலிமினேட் செய்ய இணையத்தில் எதிர்ப்பு கிளம்பியுள்ளது. சும்மா உப்புக்கு கூப்பிட்டுவிட்டு 40 வயதுக்கு மேற்பட்டவர் என்பதால் சின்ன பொண்ணை முதல் ஆளாக விஜய் டிவி வெளியேற்ற திட்டம் போட்டுவருகிறது என நெட்டிசன்கள் பகிரங்க குற்றச்சாட்டை முன்வைத்துள்ளனர்.
அதேபோல், இன்னும் சில வாரங்களில் இமான் அண்ணாச்சியையும் ஏதாவது சப்பை காரணத்துக்காக வெளியேற்றுவார்கள் என்று நெட்டிசன்கள் கணிக்கின்றனர்.

பிக்பாஸ் சீசன் 5 நிகழ்ச்சியில் ஒவ்வொரு நாளும் ஒவ்வொரு போட்டியாளர் தங்களது வாழ்க்கை பயணத்தை பகிர்ந்து வருகின்றனர். வாழ்க்கை பயனத்தை பகிர்ந்து கொள்ளும் எபிசோட்கள் ரசிகர்கள் மத்தியில் பெரும் வரவேற்பைப் பெற்றுள்ளது. 

இதற்கிடையில் முதல் எவிக்‌ஷன் பரபரப்பை கிளப்பியுள்ளது. 

வெளியேறப்போவது அபிஷேக் ராஜாவா? சின்னபொண்ணா?

யூடியூபர் அபிஷேக் ராஜா Fully Filmy எனும் யூடியூப் சேனலில் விமர்சகராக இருந்து பிரபலமான இவர், அதன் பிறகு ஓப்பன் பண்ணா எனும் யூடியூப் சேனலை தொடங்கி தமிழ் சினிமா விமர்சனங்களை கூறி வந்தார். மேலும், பல பிரபலங்களை பேட்டி எடுத்தும் பிரபலமானவர் அபிஷேக் ராஜா. இமைக்கா நொடிகள் படத்தில் ராஷி கன்னாவின் பாய் பெஸ்டியாக நடித்தவர்தான் இந்த அபிஷேக் ராஜா.

நாட்டுப்புற இசைக்கலைஞரான சின்ன பொண்ணு, சிவகங்கை மாவட்டத்தில் பிறந்தவர். பல மேடை நிகழ்ச்சிகளிலும் ,கோவில் திருவிழாக்களிலும் சின்ன பொண்ணுவின் பாடல் பிரபலம். ராஜினிகாந்த் நடித்த சந்திரமுகி படத்தில் இவர் பாடிய வாழ்த்துறேன் வாழ்த்துறேன் பாடல் மற்றும் காதலில் விழுந்தேன் படத்தில் இவர் பாடிய நாக்க முக்கா பாடல் செம்ம ஹிட் ரகம்.

இருவரில் யார் என்பது வார இறுதியில் தெரிந்துவிடும்.