Bigg Boss 7 Tamil Promo: பிக்பாஸ் வீட்டில் மேக்கப் இல்லாமல் இருக்கப்போகும் பெண் போட்டியாளர்கள்.. இதுதான் காரணமாம்..!

பிக்பாஸ் சீசன் 7 நிகழ்ச்சியில் 4வது நாளான இன்றைய எபிசோடுக்கான 2வது ப்ரோமோ வெளியாகியுள்ளது. இதில் பிரதீப் ஆண்டனி மீது பெண் போட்டியாளர்கள் செம கடுப்பில் இருக்கும் காட்சிகள் இடம் பெற்றுள்ளது. 

பிக்பாஸ் நிகழ்ச்சி

பிக்பாஸ் சீசன் 7 நிகழ்ச்சியில் 4வது நாளான இன்றைய எபிசோடுக்கான 2வது ப்ரோமோ வெளியாகியுள்ளது. இதில் பிரதீப் ஆண்டனி மீது பெண் போட்டியாளர்கள் செம கடுப்பில் இருக்கும் காட்சிகள் இடம் பெற்றுள்ளது. 

இன்றைய நாளில் “ஷாப்பிங் ரீபேமண்ட்” என்ற டாஸ்க் கொடிக்கப்படுகிறது. இதன் பெயர் “வெயிட் பார்ட்டி” என்றும், இந்த டாஸ்க்கில் தோற்று விட்டால் மேக்கப் பொருட்கள் அனைத்தும் உங்களிடம் இருந்து எடுத்து செல்லப்படும். அதன்படி போர்டில் இடம் பெற்றுள்ள கிலோகிராம் அளவுக்கு சரியாக எடை மிஷினில் போட்டியாளர்கள் நிற்க வேண்டும். இதற்காக வீட்டில் இருக்கும் எந்த பொருளை வேண்டுமானாலும் எடுத்துக் கொண்டு நிற்கலாம் என தெரிவிக்கப்பட்டிருந்தது.

இதனிடையே இன்று காலை வெளியான முதல் ப்ரோமோவில் 340 கிலோ என்று எடை நிர்ணயிக்கப்படுகிறது. போட்டியாளர்கள் வீட்டில் இருக்கும் பொருட்களில் எத்தனை வேண்டுமானாலும் எடுத்து வரலாம் என்பதால் ஒன்றுக்கு இரண்டாக பொருட்களை தூக்கிக் கொண்டு ஓடும் காட்சிகள் இருந்தது. தற்போது 2வது ப்ரோமோ வெளியாகியுள்ளது. அதில் இந்த டாஸ்க்கில் பிக்பாஸ் வீட்டில் உள்ளவர்கள் தோற்றுவிடுகிறார்கள். இதனால் மேக்கப் பொருட்கள் அனைத்தும் பறிக்கப்படுவதோடு, மேக்கப் இல்லாமல் ஒருநாள் இருக்க வேண்டுமென்ற நிபந்தனையும் விதிக்கப்படுகிறது போல தெரிகிறது. 

#Day4 #Promo2 of #BiggBossTamil

Bigg Boss Tamil Season 7 - இன்று இரவு 9:30 மணிக்கு நம்ம விஜய் டிவில.. #KamalHaasan #Disneyplushotstartamil #RendulaOnnuPaakkalaam #BiggBossTamil #BBT #BBTamilSeason7 #பிக்பாஸ் #VijayTelevision #VijayTV pic.twitter.com/eQ9sQfx0dr

— Vijay Television (@vijaytelevision) October 5, 2023

ஒருபுறம் பெண்கள் எல்லாம் தங்களுடைய மேக்கப்பை நீக்கிக் கொண்டு இருக்கிறார்கள். அப்போது பிரதீப் ஆண்டனி மணி சந்திராவிடம் குறைப்பட்டுக் கொண்டிருக்கிறார். அந்த பக்கம் பாத்ரூமில் பேசும் பூர்ணிமா ரவி, அக்‌ஷயா மற்றும் மாயாவிடம் பிரதீப் பற்றி விமர்சனம் முன்வைக்கிறார். அப்போது, பிரதீப் இந்த டாஸ்க்கில் தோற்பது நல்லது தான். ஏனென்றால் பெண்கள் தங்கள் மேக்கப்பை துறப்பீர்கள். உங்களுடைய அப்பாவியான முகம் வெளிப்படும். அது எனக்கு வாய்ப்பாக அமையும்” என சொன்னதாக பூர்ணிமா கூறுகிறார். இதனைத் தொடர்ந்து அக்‌ஷயா கிச்சன் ஏரியாவில், “உங்களுக்கு ஒருத்தரை தாழ்த்தி பேசுவது தான் வளர்ச்சியா?” என கேட்கும் காட்சிகள் இடம் பெற்றுள்ளது. ஆக மொத்தம் பிரதீப் ஆண்டனி ஒருநாள் நல்லவராகவும், மற்றொரு நாள் கெட்டவராகவும் காட்டப்படுவதாக பிக்பாஸ் ரசிகர்கள் சமூக வலைத்தளங்களில் கருத்து தெரிவித்துள்ளனர்.