BiggBoss 5 Tamil Promo: ப்ரேக்கிங் டாஸ்க்கில் பிரேக்கான பிக் பாஸ் வீடு: சைலண்டை கூட சத்தமா தான் சொல்றாங்க!

விவாதம் நடந்து கொண்டிருக்கும்போதே ‘சைலன்ஸ், சைலன்ஸ்’ என ஒரு குரல் கேட்கிறது. அது சஞ்சீவின் குரல் போல இருக்கின்றது. புது போட்டியாளரையும் சண்டைக்கு இழுத்துவிட்டுள்ளளனர் ஹவுஸ்மேட்ஸ்

பிக் பாஸ் ப்ரொமோ

Bigg Boss 5 Tamil Day 60: விஜய் டிவியில் ஒளிபரப்பாகும் பிக்பாஸ் சீசன் 5 நிகழ்ச்சியில் நாடியா, அபிஷேக், சின்னப்பொண்ணு, ஸ்ருதி, மதுமிதா, இசைவாணியை அடுத்து, நவம்பர் 28-ம் தேதி ஒளிபரப்பான எபிசோடில் ஐக்கி பெர்ரி எலிமினேட் செய்யப்பட்டார். இந்நிகழ்ச்சியைத் தொகுத்து வழங்கும் நடிகரும், மக்கள் நீதி மய்யத்தின் தலைவருமான கமலுக்கு கொரோனா தொற்று உறுதி செய்யப்பட்டதால், கடந்த வார பிக் பாஸ் சிறப்பு எபிசோடை நடிகை ரம்யா கிருஷ்ணன் தொகுத்து வழங்கினார். 

அதனை தொடர்ந்து, இந்த வாரத்தின் முதல் நாளான நேற்று பிக் பாஸ் வீட்டில் தலைவருக்கான போட்டி நடைபெற்றது. இதில், இமான், சிபி, அபிஷேக் ஆகியோர் போட்டியில் கலந்து கொண்டனர். சிறப்பாக விளையாடி இமான் இந்த வாரத்திற்கான தலைவராக தேர்ந்தெடுக்கப்பட்டபோது, ஆளுமையை பயன்படுத்தி நிரூப் இமானின் தலைவர் பதவியை தட்டி பறிக்கிறார். இதனால் பிக் பாஸ் வீட்டில் மோதல் வெடித்தது. அதனை தொடர்ந்து, அக்‌ஷ்ரா,பாவனி, சிபி, இமான், ப்ரியங்கா, வருண், அபிஷேக், ராஜூ, தாமரை மற்றும் அபினய் என 10 பேர் நாமினேட்டாகினர்.

இந்நிலையில், பிக் பாஸ் பிரேக்கிங் நியூஸ் நிகழ்ச்சி வீட்டிற்குள் அரங்கேறியது. கடந்த இரண்டு நாட்களாக ஹவுஸ்மேட்ஸ் இந்த விளையாட்டை விளையாட்டி வருகின்றது. மூன்றாவது நாளான இன்று சிபியும், அபிஷேக்கும் நிகழ்ச்சியை நடத்த, ப்ரியங்கா ரிப்போர்ட்டராக செயல்பட்டார். வருண், தாமரைச் செல்வியை வைத்து பஞ்சாயத்து செய்து கொண்டிருக்கும்போது கோபம் அடையும் சிபி, பேபரை கிழித்துப்போட்டு போவது போன்ற ப்ரொமோ இன்று வெளியாகியுள்ளது. விவாதம் நடந்து கொண்டிருக்கும்போதே ‘சைலன்ஸ், சைலன்ஸ்’ என ஒரு குரல் கேட்கிறது. அது சஞ்சீவின் குரல் போல இருக்கின்றது. புது போட்டியாளரையும் சண்டைக்கு இழுத்துவிட்டுள்ளளனர் ஹவுஸ்மேட்ஸ்

இதோ அந்த ப்ரோமோ வீடியோ உங்கள் பார்வைக்கு.. 

#Day60 #Promo1 of #BiggBossTamil #பிக்பாஸ் - திங்கள் முதல் வெள்ளி இரவு 10 மணிக்கு, சனி மற்றும் ஞாயிறு இரவு 9:30 மணிக்கு நம்ம விஜய் டிவில.. #BBTamilSeason5 #BiggBossTamil5 #பிக்பாஸ் #nipponpaintindia #PreethiPowerDuo #VijayTelevision pic.twitter.com/s5iE8QVEoA

— Vijay Television (@vijaytelevision) December 2, 2021

மேலும் இன்றைய முக்கியச் செய்திகள்...

ABP நாடு செய்திகளை Google News -ல் பின் தொடர இங்கே கிளிக் செய்யவும்

ABP நாடு செய்திகளை சமூக வலைத்தள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர

யூடிபில் வீடியோக்களை காண