Bigg Boss season 5 promo 2| ”என்னப்பா சிண்டு முடுச்சுவிட பார்க்குற” - வலுக்கும் தாமரை , பிரியங்கா மோதல் !
பிரியங்கா எதார்த்தமாக மற்றவர்களை கட்டிப்பிடிப்பதை , நக்கல் தொணியில் இமிடேட் செய்து காட்டுகிறார் தாமரை .
கமல்ஹாசன் கொரோனா தொற்றால் பாதிக்கப்பட்டிருப்பதால் தற்போது ரம்யா கிருஷ்ணன் தொகுத்து வழங்கும் பிக்பாஸ் சீசன் 5 நிகழ்ச்சி இன்று 58 வது நாளில் அடியெடுத்து வைக்கிறது. இன்று வெளியான இரண்டாவது புரமோ நிகழ்ச்சி மீது ஹைப்பை ஏற்படுத்துவதாக அமைந்துள்ளது. புரமோவில் "இந்த வீட்டுல சில பேர் ஒன்னு பண்றாங்க ..அதுக்கப்பறம் பின்னால ஒன்னு பேசுறாங்க “ என ஆரமிக்கிறார் பிரியங்கா.. அவர் தாமரையைத்தான் சாடுகிறார் என்பது பார்வையாளர்களுக்கு நன்றாகவே புரிகிறது. அதன் பிறகு தாமரை தனது பாணியில் பிரியங்காவை பார்த்து “நீ என்னப்பா சிண்டு முடுச்சுவிட பார்க்குற... பயங்கரமா பண்ணுற “ என கேட்க, அவரிடம் முகம் கொடுத்து கூட பேசாமல் “நீ ரொம்ப நல்லா பண்ணுற, அத பண்ணாத தாமரை “ என கடிந்துகொள்கிறார் பிரியங்கா.
உடனே ஆத்திரம் அடைந்த தாமரை , பிரியங்கா எதார்த்தமாக மற்றவர்களை கட்டிப்பிடிப்பதை , நக்கல் தொணியில் இமிடேட் செய்து காட்டுகிறார்.இது பிக்பாஸ் ரசிகர்களுக்கு மிகுந்த ஆத்திரத்தை ஏற்படுத்துவதாக உள்ளது. இதற்கு பிரியங்கா என்னவாக ரியாக்ட் செய்ய போகிறார் என்பதை இன்றைய நிகழ்ச்சியில் காணலாம்.
View this post on Instagram
முன்னதாக வெளியான முதல் புரமோவில் பிக்பாஸ் இன்று போட்டியாளர்களுக்கு 'breaking news ’ என்னும் விளையாட்டை அறிமுகப்படுத்தியுள்ளார். அதன்படி போட்டியாளர்கள் red tv மற்றும் blue tv என இரண்டு செய்தி சேனல் அணிகளாக பிரிய வேண்டும். அவர்கள் செய்ய வேண்டிய ஆக்டிவிட்டீஸை நடுவர்களாக அமர்ந்திருக்கும் தொகுப்பாளர்கள் கூற , போட்டியாளர்கள் செய்ய வேண்டும் .புரமோவில் , தாமரையும் பிரியங்காவும் ஒருவரை ஒருவர் எதிர்க்கொள்கின்றனர். அதில் தாமரையிடம் , அபிஷேக் “ பிரியங்கா உங்களுக்கு எப்படியா தோழி?” என கேட்க, அதற்கு சற்று தயங்காத தாமரை , “பிரியங்கா எனக்கு ஃபிரண்டே கிடையாது. இந்த வீட்டுல பிரியங்கா அவங்க பேச்சு மட்டும்தான் உயர்ந்து இருக்கனும் அப்படினு நினைக்குறாங்க , மற்றவர்கள் எல்லாம் நமக்கு கீழதான்னு நினைக்குற ஆளு பிரியங்கா மட்டும்தான்..
என்னை பொருத்த வரையில , நான் எங்க வேணும்னாலும் வந்து சொல்லுவேன்“ என தெரிவித்துள்ளார். இதனால் ஆத்திரமடைந்த பிரியங்கா தாமரை பக்கத்திலிருந்து எழுந்து செல்கிறார். ஆரம்பத்தில் தாமரை ஒரு வெகுளி என பேசியவர் பிரியங்கா. ஆனால் தற்போது தாமரைக்கும் பிரியங்காவிற்கு இடையில் நடக்கும் கருத்து மோதல் , பிக் பாஸ் வீட்டில் நாளுக்கு நாள் அதிகரித்த வண்ணம் உள்ளது.அது தீவிர மனக்கசப்பை ஏற்படுத்த போகிறதா ? அல்லது இருவரும் பேசி சுமூக நிலையை எட்டுவார்களா என இன்றைய நிகழ்ச்சில் பார்க்கலாம்.
View this post on Instagram
தலைப்பு செய்திகள்
ட்ரெண்டிங் செய்திகள்
